ဒီနေ့ တပို့တွဲ လပြည့်နေ့။ နေသာသည်။ အပူချိန် ၆ ရှိသည်။ လုပ်စရာ မယ်မယ်ရရ မရှိ။ အခန်းတွင်းမှာဘဲ တစ်နေကုန် နေဖြစ်သည်။ ရောက်တတ်ရာရာ အင်တာနက် စာမျက်နှာများ ဖတ်ဖြစ်သည်။ ညနေပိုင်း နေ၀င်ပြီး အချိန် အတော်လေး ကြာသောအခါ၌ အညောင်းအညာပြေ အပြင်ထွက်ဖို့ ပြင်ဆင်မိသည်။ ထိုအချိန်၌ အသားဖြူဖြူ ရုပ်ရည်သန့်သန့် အရပ် မတိုမရှည် နှုတ်ခမ်းမွှေး ရေးရေးရှိသည့် လူလတ်ပိုင်း လူတစ်ယောက် အင်္ဂါမောင်နေထိုင်သည့် ကျောင်းသို့ ရောက်လာသည်။ အပြင်သွားဖို့ ကိစ္စကို ခဏခေါက်ထားပြီး ထိုသူနှင့် စကားစမြည် ပြောဖြစ်သည်။
"ဒကာတော် နာမည်က ဘယ်လိုခေါ်လဲ"
"ကိုကိုမောင်ပါဘုရား"
"ဒီနာမည် ကြားဖူးသလိုလိုဘဲ"
"မှန်လှပါ။ တပည့်တော် ဘလော့ မတောက်တစ်ခေါက်လေး ရေးနေပါတယ်။ ဒါကြောင့်မို့ ကြားဖူးတာ ရှိမှာပါ ဘုရား"
"အော်... ဟို သူကြီးမင်းပို့စ်တွေ ရေးရေးနေတဲ့ ကိုကိုမောင်(ပန်းရနံ့) ဆိုတာ ဒကာတော်လား"
"မှန်လှပါ။ ဟုတ်ပါတယ်ဘုရား။ ဦးဇင်းလဲ သိနေတာကိုး။ တပည့်တော်ရဲ့ ပေါကြောင်ကြောင် စာတွေကို ဦးဇင်းတို့ မဖတ်လောက်ဘူး ထင်ထားတာ။ ဦးဇင်း တပည့်တော်ရဲ့ ဘလော့ကလေးကို သိနေလို့ ၀မ်းသာတယ်ဘုရား"
"အင်း... စာပေတိုင်းက ဖတ်ဖို့သင့်တာချည်းပါဘဲ။ လက်တွေ့ အသုံးချတဲ့ နေရာမှာသာ ရှောင်ရန် ဆောင်ရန်တွေကို သတိထားရမှာပါ။ ကဲ.. ကဲ.. စကားကောင်းနေလိုက်တာ၊ လာရင်း ကိစ္စကို ပြောပါဦး"
"မှန်လှပါ။ ဒီနေ့ တပို့တွဲလပြည့်နေ့ (သြ၀ါဒပါတိမောက် အခါတော်နေ့) မို့ သြ၀ါဒပါတိမောက် အကြောင်းလေး သိချင်လို့ လာခဲ့တာပါဘုရား။ ဦးဇင်း အချိန်ရရင် တပည့်တော်ကို ရှင်းပြပေးပါဘုရား"
"အင်း.. ဒကာတော် လာခဲ့တာ အချိန်မီလေးဘဲ။ ဦးဇင်းလဲ ဘာအလုပ်မှ မရှိတာနဲ့ အခု အပြင်ထွက်တော့မလို့။ ဒကာတော် လာခဲ့တော့ လုပ်စရာ ရှိသွားပြီ။ တရားဆွေးနွေးတဲ့ အလုပ်ပေါ့။ ဒါကြောင့် အပြင်မသွားတော့ဘူး။ ဒကာတော်နဲ့ဘဲ တရားဆွေးနွေးကြတာပေါ့။ ဒကာတော် သိချင်တာကို အကျဉ်းချုံး ဖြေကြားပေးပါ့မယ်"
"မှန်လှပါဘုရား"
"သမိုင်းချီပြီး ပြောရရင်တော့ လွန်ခဲ့တဲ့ နှစ်ပေါင်း ၂၅၉၉ နှစ်ကထဲကစပြီး သြ၀ါဒပါတိမောက်ကို ဂေါတမဘုရားရှင် စတင် ကျင့်သုံးခဲ့တာပါ။ သက္ကရာဇ် အနေနဲ့ကတော့ မဟာသက္ကရာဇ် ၁၀၃ ခု တပို့တွဲ လပြည့်နေ့ပေါ့။ ဒါပေမဲ့ အဲဒီ သြ၀ါဒပါတိမောက်ကို ဘုရားရှင်တိုင်းက ကြုံသလို ခပ်ပေါ့ပေါ့ စတင်ကျင့်သုံးခဲ့တာတော့ မဟုတ်ပါဘူး။ အင်္ဂါလေးပါးနှင့် ကိုက်ညီမှ စတင်ကျင့်သုံးခဲ့တာပါ"
"မှန်လှပါ။ အဲဒီ အင်္ဂါလေးပါးကို မိန့်ပါဦးဘုရား"
"အင်္ဂါလေးပါးကတော့--
၁။တပို့တွဲလပြည့်နေ့ ဖြစ်ရမယ်
၂။ဘယ်သူမှ မပင့်မဖိတ်ဘဲ ရဟန်းပရိသတ်တွေ အလိုလို စုဝေးလာမိရမယ်
၃။စုဝေးလာမိကြတဲ့ ရဟန်းအားလုံး ဧဟိဘိက္ခုရဟန်းချည်းဖြစ်ရမယ်
၎။အဲဒီ ဧဟိဘိက္ခု ရဟန်းအားလုံး ဆဠာဘိည ပဋိသမ္ဘိဒါပတ္တ ရဟန္တာချည်းဖြစ်ရမယ်
အဲဒီ အင်္ဂါလေးချက်နှင့် ပြည့်စုံမှ ဘုရားရှင်တိုင်းဟာ သြ၀ါဒပါတိမောက်ကို စတင်ကျင့်သုံးလေ့ရှိပါတယ်။ မဟာသက္ကရာဇ် ၁၀၃ ခုနှစ် တပို့တွဲလပြည့်နေ့မှာ အဲဒီ အင်္ဂါလေးချက်လုံး ပြည့်စုံခဲ့တယ်။ ဒါကြောင့် ဂေါတမဘုရားရှင်က သြ၀ါဒပါတိမောက်ကို စတင်ကျင့်သုံးခဲ့တယ်"
"ဒါဖြင့် အလိုအလျောက် စုဝေးလာမိကြတဲ့ ရဟန်းပရိသတ် အရေအတွက်ကော ဦးဇင်း ဖတ်ထားမိလား မသိဘူးဘုရား။ စပ်စုတယ်လို့တော့ မထင်ပါနဲ့ဘုရား။ သိချင်လို့ပါ"
"ရပါတယ် ဒကာတော် မသိရင်မေး မစင်ရင် ဆေးလို့တောင် ဆိုရိုးရှိသေးတာဘဲ။ အရှင်သာရိပုတ္တရာ၊ အရှင်မောဂ္ဂလာန် နှင့် သူတို့နှစ်ပါးရဲ့ တပည့် အပါး ၂၅၀ ရယ်၊ ပြီးတော့ အုပ်စုလိုက် ရဟန်း ဖြစ်လာကြတဲ့ ကဿပညီနောင် ရှင် ၁၀၀၀ ရယ်၊ စုစုပေါင်း ရဟန်းပရိသတ်ပေါင်း ၁၂၅၂ ပါး ရှိခဲ့ပါတယ်"
"မှန်လှပါဘုရား။ ကျေးဇူးတင်ပါတယ်ဘုရား။ ဒါနဲ့ တပည့်တော် စကားဖြတ်ပြီး မေးလို့ ရလားဘုရား"
"မေးပါ ဒကာတော်"
"ဦးဇင်းပြောတဲ့ မဟာသက္ကရာဇ်ဆိုတာ အခု တပည့်တော်တို့ မြန်မာ (ကောဇာ) သက္ကရာဇ်နဲ့ အတူတူဘဲလား ဘုရား"
"မတူဘူး ဒကာတော်။ မေးမယ်ဆိုလဲ မေးစရာပါဘဲ။ ပြောရမယ်ဆိုရင်တော့ မဟာသက္ကရာဇ်ကို ဘုရားရှင်ရဲ့ အမေဘက်က အဘိုး (ဘိုးတော် အဉ္ဇနမင်း) က စပြီး လက်ရှိ သက္ကရာဇ်ကို ဖြိုကာ ၁ က စလို့ ရေတွက်ခဲ့တာပါ။ အဲဒီ မဟာသက္ကရာဇ် ၆၈ ခုနှစ်မှာ ဂေါတမဘုရားအလောင်း (သိဒ္ဓတ္ထမင်းသား)ကို မွေးဖွားခဲ့တာပါ။ ၁၀၃ ခုနှစ်မှာ ဘုရားအဖြစ်ရပြီး အဇာသတတ်မင်း လက်ထက် ၁၄၈ ခုနှစ်မှာ ပရိနိဗ္ဗာန် ပြုခဲ့ပါတယ်။ အဇာတသတ်မင်းက အဲဒီ မဟာသက္ကရာဇ် ၁၄၈ ကို ဖြိုချလိုက်ပြီး သာသနာ သက္ကရာဇ် ၁ ခုနှစ်က စလို့ ရေတွက်ခဲ့ပြန်ပါတယ်။ အဲဒီ သာသနာနှစ် ၆၂၄ ခုနှစ်မှာ သရေခေတ္တရာ သုမုန္ဒရာဇ်မင်းက ၂ ခုကြွင်းထားပြီး သာသနာနှစ်ကို ဖြိုခဲ့ပြန်ပါတယ်။ သက္ကရာဇ် နာမည်ကိုလဲ သုမုန္ဒရာဇ် သက္ကရာဇ်လို့ နာမည် ပြောင်းခေါ်ခဲ့ပါတယ်။ အဲဒီ သုမုန္ဒရာဇ် သက္ကရာဇ် ၅၆၂ ခုနှစ်မှာ ပေါက္ကံ (ပုဂံ) ပြည် ပုပ္ပါးစောရဟန်းမင်းက ၂ ခု ကြွင်းထားပြီး သုမုန္ဒရာဇ် သက္ကရာဇ်ကို ဖြိုခဲ့ပြန်ပါတယ်။ သက္ကရာဇ်ကိုလဲ ပေါက္ကံ သက္ကရာဇ်အဖြစ် သတ်မှတ်ခဲ့ပြန်ပါတယ်။ အဲဒီ ပေါက္ကံ သက္ကရာဇ်ဟာ အခု ဦးဇင်း အသုံးပြုနေတဲ့ ကောဇာ သက္ကရာဇ်ဘဲ ဖြစ်ပါတယ်"
"မှန်လှပါ။ ရှင်းသလိုလို ရှိပေမဲ့ နဲနဲ ရှုပ်နေသေးသလိုဘဲဘုရား၊ ထပ်ပြီး အကျယ် ရှင်းပြလို့ရလား မသိဘူးဘုရား။ တကယ် စိတ်ဝင်စားလို့ပါ ဘုရား"
"အင်း... လိုရင်း မရောက်ဘဲ နေမယ် ဒကာတော်။ ဒကာတော်က သြ၀ါဒပါတိမောက် အကြောင်း လာမေးတာ မဟုတ်လား။ ဒီလို လုပ်ပါ ဒကာတော်။ ဒကာတော် အချိန်ရတဲ့ အခါ ဒီလင့်ခ်လေးကို ဖတ်ကြည့်ပါ။ အဲဒီမှာ သက္ကရာဇ်အကြောင်း သေချာ ရှင်းပြထားတာ ရှိတယ်"
"မှန်လှပါဘုရား။ ဒါဖြင့် သြ၀ါဒပါတိမောက် အကြောင်း ဆက်မိန့်ပါဦးဘုရား"
"အင်း.. သြ၀ါဒပါတိမောက်ကို ဂေါတမဘုရားရှင် တစ်ပါးထဲသာ ကျင့်သုံးခဲ့တာ မဟုတ်ပါဘူး။ ပွင့်တော်မူပြီးခဲ့တဲ့ ဘုရားရှင်တိုင်း ကျင့်သုံးခဲ့ကြတာပါ။ ကြားဖြတ်ပြောလိုက်ဦးမယ်။ အမှန်ဆို ပါတိမောက်က သြ၀ါဒပါတိမောက်နှင့် အာဏာပါတိမောက် (၀ိနည်းသိက္ခာပုဒ်များ) ဆိုပြီး နှစ်မျိုးရှိတယ်။ အဲဒီနှစ်မျိုးလုံးကို သက်တမ်းတိုတဲ့ ဘုရားရှင်တိုင်း ကျင့်သုံးခဲ့ကြတယ်။ သက်တမ်း အရမ်းရှည်ကြာတဲ့ ဘုရားရှင်တိုင်းကတော့ အာဏာပါတိမောက်ကို မကျင့်သုံးခဲ့ကြပါဘူး။ သြ၀ါဒပါတိမောက် တစ်မျိုးထဲကိုသာ ကျင့်သုံးခဲ့ကြတာပါ။ သက်တမ်းတိုတဲ့ ဘုရားရှင်တိုင်းက ပထမဗောဓိလို့ ခေါ်တဲ့ ၀ါတော် ၂၀ အတွင်းမှာသာ သြ၀ါဒပါတိမောက်ကို ကျင့်သုံးပြီး နောက်ပိုင်းမှာ အာဏာပါတိမောက်ကိုဘဲ ကျင့်သုံးလေ့ရှိကြပါတယ်။ ဦးဇင်းတို့ ဂေါတမ ဘုရားရှင်ကလဲ သက်တမ်းတိုတဲ့ ဘုရားရှင် စာရင်းထဲ ပါဝင်နေတဲ့အတွက် ပထမ ၀ါတော် ၂၀ အတွင်းမှာဘဲ သြ၀ါဒပါတိမောက်ကို ကျင့်သုံးခဲ့တာပါ။ အဲဒီ ၀ါတော် ၂၀ အတွင်းမှာဘဲ အကြောင်း တစ်မျိုးမျိုးကြောင့် သြ၀ါဒပါတိမောက် ကျင့်သုံးခြင်းကို ရပ်နားလိုက်ရလေ့ရှိပါတယ်။ ဦးဇင်းတို့ ဂေါတမဘုရားရှင်ကတော့ သံဃာ့ပရိသတ်ထဲမှာ မသန့်ရှင်း မစင်ကြယ်တဲ့ ရဟန်းတစ်ပါး ပါလာလို့ သြ၀ါဒပါတိမောက်ကို မကျင့်သုံးတော့ဘဲ ရပ်ပစ်ခဲ့တာပါ"
"သက်တမ်း အတို အရှည်ကို ဘယ်လို ပမာဏနဲ့ သတ်မှတ်ပါသလဲ ဘုရား"
"ဦးဇင်းတို့ စာပေထဲမှာကတော့ သက်တမ်း လေးသောင်းနှင့်လေးသောင်းအောက်ကို သက်တမ်း အတိုထဲ ထည့်ထားပါတယ်။ အဲဒီ အထက်ကိုတော့ သက်တမ်း အရှည်ထဲကို ထည့်ထားပါတယ်"
"ဘယ်ဘုရားရှင်တွေက သက်တမ်းရှည်ပြီး ဘယ်ဘုရားတွေက သက်တမ်းတိုကြပါသလဲ ဘုရား"
"ဦးဇင်းတို့ ပါရာဇိကဏ် ပါဠိတော်နှင့် အဋ္ဌကထာအရ ဘုရားရှင် အချို့ကို ထုတ်ပြထားတာကတော့ ၀ိပဿီဘုရားရှင်က အနှစ် ရှစ်သောင်း အသက်ရှည်တယ်။ သိခီဘုရားရှင်က အနှစ် ခုနစ်သောင်း အသက်ရှည်တယ်။ ဝေဿဘူဘုရားရှင်က အနှစ် ခြောက်သောင်း အသက်ရှည်တယ်။ ဒါကြောင့် အဲဒီ ဘုရားရှင်တွေကို သက်တမ်း ရှည်တဲ့ စာရင်းထဲ ထည့်ထားတယ်။ ကကုသန်ဘုရားရှင်က အနှစ် လေးသောင်း အသက်ရှည်တယ်။ ကောဏာဂုံဘုရားရှင်က အနှစ် သုံးသောင်း အသက်ရှည်တယ်။ ကဿပဘုရားရှင်က အနှစ် နှစ်သောင်း အသက်ရှည်တယ်။ ဂေါတမဘုရားရှင်က အနှစ် ရှစ်ဆယ် အသက်ရှည်တယ်။ ဒါကြောင့် အဲဒီ ဘုရားရှင်တွေကို သက်တမ်းတိုတဲ့ စာရင်းထဲ ထည့်ထားတယ်"
"ဒါဖြင့် ဘာဖြစ်လို့ သက်တမ်းရှည်တဲ့ ဘုရားရှင်တိုင်းက သြ၀ါဒပါတိမောက် တစ်မျိုးထဲ ကျင့်သုံးပြီး သက်တမ်းတိုတဲ့ ဘုရားရှင်တိုင်းက သြ၀ါဒပါတိမောက်ရော အာဏာပါတိမောက်ရော နှစ်မျိုးလုံးကို ကျင့်သုံးရပါသလဲ ဘုရား"
"အတော်ကောင်းတဲ့ မေးခွန်းပါဘဲ။ သက်တမ်းရှည်တဲ့ ဘုရားရှင်လက်ထက်တွေမှာ ရဟန်းတော်တွေက ဘာအပြစ်မှ ကြီးကြီးမားမား မကျူးလွန်ကြပါဘူး။ အားလုံး ဖြူဖြူစင်စင်ဘဲ နေကြပါတယ်။ ဒါကြောင့် ၀ိနည်းသိက္ခာပုဒ်တွေကို မပညတ်ခဲ့ကြပါဘူး။ အာဏာပါတိမောက်ဆိုတာက ၀ိနည်းသိက္ခာပုဒ်တွေကို ရွတ်ဆိုပြီး ပြုရတဲ့ ပါတိမောက်ပါ။ ၀ိနည်းသိက္ခာပုဒ်မရှိတော့ အာဏာပါတိမောက်လဲ မရှိတော့ဘူးပေါ့။ သက်တမ်းတိုတဲ့ ဘုရားရှင်လက်ထက်တွေမှာကတော့ ရဟန်းတော်တွေက အကောင်းအဆိုး ရောပြွမ်းနေပြီး အပြစ်တွေလဲ မကြာမကြာ ကျူးလွန်ကြတယ်။ ဒါကြောင့် ၀ိနည်းသိက္ခာပုဒ်တွေ ပညတ်ရတယ်။ အဲဒါကြောင့် သက်တမ်းတိုတဲ့ ဘုရားရှင် လက်ထက်တွေမှာ ပါတိမောက် နှစ်မျိုးလုံးကို ကျင့်သုံးကြရတာပါ။ ဒါပေမဲ့ ဒီနေရာမှာ ကြားညှပ်ပြောစရာ တစ်ခု ပေါ်လာတယ်။ ၀ိနည်းသိက္ခာပုဒ် မညတ်ထားခဲ့တဲ့ ဘုရားရှင်တွေရဲ့ သာသနာတော်ဟာ သူတို့ ပရိနိဗ္ဗာန်စံပြီးနောက် အကြာကြီး မတည်တံ့တော့ပါဘူး။ ၀ိနည်းသိက္ခာပုဒ် ပညတ်ထားခဲ့တဲ့ ဘုရားရှင်တွေရဲ့ သာသနာတော်သာ သူတို့ ပရိနိဗ္ဗာန်စံပြီးနောက်မှာ အကြာကြီး တည်တံ့ပါတယ်"
"ကောင်းလိုက်တာဘုရား။ တပည့်တော် လာရကျိုး နပ်သွားပါပြီဘုရား။ ဆက်ပြီး မေးလို့ ရဦးမလား ဘုရား"
"မေးပါ ဒကာတော်"
"အဲဒီ သြ၀ါဒပါတိမောက်ကို တစ်လ ဘယ်နှစ်ကြိမ် ပြုကျင့်ရပါသလဲ ဘုရား"
"ဒကာတော်က အတော်လေး မေးမြန်းတတ်သားဘဲ။ ဒီလို ဒကာတော်ရဲ့။ ခုနက ဘုရားရှင်တွေရဲ့ နာမည်တွေနဲ့ဘဲ ပြောပြမယ်နော်။ ၀ိပဿီ ဘုရားရှင် လက်ထက်မှာ ခုနစ်နှစ် တစ်ကြိမ်၊ သိခီ ဘုရားရှင်နှင့် ဝေဿဘူ ဘုရားရှင် လက်ထက်မှာ ခြောက်နှစ် တစ်ကြိမ်၊ ကကုသန် ဘုရားရှင်နှင့် ကောဏာဂုံ ဘုရားရှင် လက်ထက်မှာ တစ်နှစ် တစ်ကြိမ်၊ ကဿပ ဘုရားရှင် လက်ထက်မှာ ခြောက်လ တစ်ကြိမ် နှင့် ဦးဇင်းတို့ ဂေါတမ ဘုရားရှင် လက်ထက်မှာ ဆယ့်ငါးရက် တစ်ကြိမ် သြ၀ါဒပါတိမောက်ကို အသီးသီး ကျင့်သုံးကြရပါတယ်"
"တော်တော်လေး ရှင်းသွားပြီဘုရား။ ဒါပေမဲ့ သြ၀ါဒပါတိမောက် အကြောင်းသာ ပြောနေရတယ်။ ဘယ်ဟာကို သြ၀ါဒပါတိမောက်မှန်း မသိသေးဘူးဘုရား။ တော်ကြာ ကိုယ်စီးတဲ့ မြင်း အထီးမှန်း အမမှန်း မသိ ဖြစ်နေမှာ စိုးရိမ်ရတယ်။ အဲဒါကြောင့် အဲဒီ သြ၀ါဒပါတိမောက်ဆိုတာ ဘယ်လိုဟာမျိုးကို ခေါ်သလဲဆိုတာ ပြောပြပေးပါဦး ဘုရား"
"အဲ.. ဟုတ်ပေသားဘဲ။ ခုထက်ထိ သြ၀ါဒပါတိမောက်ဆိုတာကို မရှင်းပြရသေးဘူး။ အမှန်ကတော့ သြ၀ါဒပါတိမောက်ဟာ အများကြီး မဟုတ်ပါဘူး။ ဂါထာ သုံးပုဒ်ထဲ ရှိတာပါ။ အဲဒီ ဂါထာ သုံးပုဒ်ထဲနဲ့ အဆုံးအမ အားလုံးကို ခြုံငုံမိတယ်။ အဲဒီ သြ၀ါဒပါတိမောက် ဂါထာ သုံးပုဒ်ကို ပါဠိရော အဓိပ္ပါယ်ကော ပြောပြပေးပါ့မယ်----
သြ၀ါဒ (၁)
ခန္တီပရမံ တပေါ တိတိက္ခာ၊
နိဗ္ဗာနံ ပရမံ ဝဒန္တိ ဗုဒ္ဓါ။
န ဟိ ပဗ္ဗဇိတော ပရူပဃာတီ၊
န သမဏော ဟောတိ ပရံ ဝိဟေဌယန္တော။
နိဗ္ဗာနံ ပရမံ ဝဒန္တိ ဗုဒ္ဓါ။
န ဟိ ပဗ္ဗဇိတော ပရူပဃာတီ၊
န သမဏော ဟောတိ ပရံ ဝိဟေဌယန္တော။
သည်းခံခြင်းက မွန်မြတ်တယ်၊
နိဗ္ဗာန်က အမြတ်ဆုံးလို့ ဘုရားရှင်တိုင်း မိန့်တယ်၊
သူတစ်ပါးကို သတ်ဖြတ်ညှင်းဆဲတဲ့ သူဟာ ရဟန်းမဟုတ်ဘူး၊
ရဟန်းမှန်ရင် သူတစ်ပါးကို ဘယ်တော့မှ မသတ်ဖြတ် မညှင်းဆဲဘူး။
သြ၀ါဒ (၂)
သဗ္ဗပါပဿ အကရဏံ၊ ကုသလဿ ဥပသမ္ပဒါ။
သ စိတ္တ ပရိယောဒပနံ၊ ဧတံ ဗုဒ္ဓါနသာသနံ။
သ စိတ္တ ပရိယောဒပနံ၊ ဧတံ ဗုဒ္ဓါနသာသနံ။
မကောင်းမှုကို မလုပ်နဲ့၊
ကောင်းမှုကို လုပ်၊
စိတ်ကို ဖြူဖြူစင်စင်ထား၊
အဲဒါ ဘုရားရှင်တိုင်းရဲ့ အဆုံးအမဘဲ။
သြ၀ါဒ (၃)
အနုပဝါဒေါ အနုပဃာတော၊
ပါတိမောက္ခေစ သံဝရော။
မတ္တညုတာစ ဘတ္တသ္မိံ၊
ပန္တဉ္စသယနာသနံ။
အဓိစိတ္တေစ အာယောဂေါ။
ဧတံ ဗုဒ္ဓါန သာသနံ။
ပါတိမောက္ခေစ သံဝရော။
မတ္တညုတာစ ဘတ္တသ္မိံ၊
ပန္တဉ္စသယနာသနံ။
အဓိစိတ္တေစ အာယောဂေါ။
ဧတံ ဗုဒ္ဓါန သာသနံ။
သူတစ်ပါးကို မစွပ်စွဲနဲ့၊ မကဲ့ရဲ့နဲ့၊ မညှင်းဆဲနဲ့၊
သီလကို ကောင်းကောင်းစောင့်၊
အစားအသောက် ပမာဏကို သိ၊
ဆိတ်ငြိမ်တဲ့ အရပ်မှာ နေ၊
စိတ်ကို တည်တည်ငြိမ်ငြိမ် ဖြစ်အောင် ကြိုးစား၊
အဲဒါ ဘုရားရှင်တိုင်းရဲ့ အဆုံးအမဘဲ။ "
"တပည့်တော် တကယ်ကို ပျော်သွားပြီဘုရား။ ဦးဇင်း ရှင်းပြတာ အတော်လေးကို ထိရောက်ပါတယ် ဘုရား။ တပည့်တော်က ဘလော့သာ ရေးနေတာ ဒီ တပို့တွဲလပြည့်နေ့ရဲ့ အရေးပါပုံကို ဘာတစ်ခုမှ မသိပါဘူး ဘုရား။ အခု တကယ်ကို ဦးဇင်းကို ကျေးဇူးတင်ပါတယ် ဘုရား"
"အင်း.. အင်း... နောက်လဲ မရှင်းတာရှိရင် လာမေးလို့ ရပါတယ်။ ဒကာတော် အတွက် အမြဲတမ်း တံခါး ဖွင့်ထားပါတယ်"
"တင်ပါ့ဘုရား။ တပည့်တော် တစ်လ တစ်ခေါက်လောက်တော့ အနည်းဆုံး လာဖြစ်အောင် လာမယ်ဘုရား။ ဦးဇင်းနှင့် တွေ့ရတာ တပည့်တော် အတော်လေး ကံကောင်းတယ် ဘုရား"
"ဟုတ်ပါပြီ။ လာခဲ့ပါ။ ဖိတ်ခေါ်ပါတယ်။ အော်... ဒါနဲ့ မေ့နေလိုက်တာ။ တပို့တွဲလပြည့်နေ့ရဲ့ ထူးခြားချက် လေးခုကိုတောင် ဒကာတော်ကို မပြောလိုက်ရသေးဘူး"
"ဟုတ်လား ဘုရား။ ဒါဖြင့်လဲ တစ်ဆက်ထဲ မိန့်ပါဦးဘုရား"
"ဟုတ်တယ် ဒကာတော်။ တပို့တွဲလရဲ့ ထူးခြားချက် လေးခုတိတိ ရှိတယ်။ အဲဒီ ထူးခြားချက် လေးခုကတော့---
၁။အရှင်သာရိပုတ္တရာ ရဟန္တာဖြစ်ခဲ့တာလဲ တပို့တွဲ လပြည့်နေ့ဘဲ၊
၂။အရှင်သာရိပုတ္တရာနှင့် အရှင်မောဂ္ဂလာန်တို့ အသီးသီး အမြတ်ဆုံး ဧတဒဂ်ဘွဲ့ထူး ရရှိခဲ့တာလဲ တပို့တွဲ လပြည့်နေ့ဘဲ၊
၃။အထက်မှာ ပြောခဲ့တဲ့ အင်္ဂါလေးပါးနှင့် ပြည့်စုံတဲ့ ရဟန်းပရိသတ်တွေ တစ်နေရာထဲမှာ အလိုလို စုဝေးလာမိခဲ့ကြတာလဲ တပို့တွဲ လပြည့်နေ့ဘဲ၊
၎။ဘုရားရှင်တိုင်း သြ၀ါဒပါတိမောက် စတင်ကျင့်သုံးခဲ့ကြတာလဲ တပို့တွဲ လပြည့်နေ့ဘဲ။ "
"ဟုတ်လိုက်တာဘုရား။ ဦးဇင်းကို တကယ်ကို လေးစားသွားပြီ ဘုရား။ အခုလို ကျကျနန ရှင်းပြတာကိုလဲ တကယ် ကျေးဇူးတင်ပါတယ် ဘုရား။ နောက်ဆုံး တစ်ခု မရှင်းတာလေး ရှိလို့ မေးလို့ ရဦးမလား ဘုရား"
"မေးပါ ဒကာတော်"
"ဘာမှတော့ အထူးမဟုတ်ပါဘူး ဘုရား။ အခုလို တပို့တွဲ လပြည့်နေ့မှာ ထမနဲထိုးကြတဲ့ အလေ့အထဟာ ဘုရားရှင် လက်ထက်ကထဲကများ စလာခဲ့သလားလို့ပါဘုရား။ ဦးဇင်း သိရင် မိန့်ပါဦးဘုရား"
"အင်း... အဲဒါကတော့ ဦးဇင်းကို လာမမေးနဲ့ ဒကာတော်။ ဦးဇင်းထက် ပိုသိတဲ့ ဘလော့ဂါမလေး မေဓာဝီ ဆီ သွားမေးရင် ပိုကောင်းမယ်ထင်ပါတယ်။ သူက ထမနဲ ထိုးတဲ့ နည်းစနစ်တွေကိုပါ ကျကျနန သူ့ဘလော့မှာ တင်ထားတယ်။ ပြီးတော့ သူက မြန်မာစာပေနှင့် ရိုးရာယဉ်ကျေးမှု ရာဇ၀င်သမိုင်းတွေကို ပိုပြီး ကျွမ်းကျင် ပိုင်နိုင်တယ်။ အဲဒါကြောင့် သူ့ဆီသာ သွားမေးပါ။ သူ ရှင်းပြပါလိမ့်မယ်"
"ကောင်းပါပြီဘုရား။ ကြုံရင် သူ့ကို မေးကြည့်လိုက်ပါဦးမယ် ဘုရား"
"အင်း... အင်း... မေးကြည့်လိုက်ပါ ဒကာတော်...။ ကဲ... ကဲ... စကားပြောကောင်းနေလို့ ဒကာတော်ကို ဘာမှ ဧည့်မခံလိုက်ရသေးဘူး။ အပူသောက်ချင်ရင် ကော်ဖီ လက်ဘက်ရည် ရေနွေးကြမ်း ကြိုက်တာ သုံးဆောင်နိုင်ပါတယ်။ အအေးကြိုက်ရင်တော့ သရက်သီးဖျော်ရည် ပန်းသီးဖျော်ရည် သလဲသီးဖျော်ရည်တွေ ရှိပါတယ်"
"ဘာမှ မသောက်တော့ပါဘူးဘုရား။ ဦးဇင်းဆီက ဓမ္မဖျော်ရည် သောက်သုံးရတာနဲ့တင် လုံလောက်ပါပြီဘုရား။ တပည့်တော်ကို ခွင့်ပြုပါဦးဘုရား"
"အေး...အေး.. ဟုတ်ပြီ၊ ဟုတ်ပြီ။ ကျန်းမာပါစေ။ ချမ်းသာပါစေ။ အန္တရာယ်ကင်းပါစေ။ ကောင်းတဲ့အလုပ် အပြစ်ကင်းတဲ့ အလုပ် မှန်သမျှ အောင်မြင်ပါစေ"
"သာဓု သာဓု သာဓုပါ ဘုရား"
"ဒကာတော် ကိုကိုမောင်ရေ... ဒီနေ့အတွက် ဦးဇင်း နောက်ဆုံး အကြံပေးချင်တာကတော့ ဒကာတော် ဘလော့ရေးတဲ့အခါမှာလဲ သုတရသတွေအပြင် ဖြစ်နိုင်ရင် ဘာသာရေးဆောင်းပါး ပို့စ်လေးတွေပါ ထည့်ရေးပေးပါလို့ အကြံပြုချင်ပါတယ်။ ဒါမှ လာဖတ်တဲ့ လူငယ်လေးတွေ ပိုပြီး ဘာသာရေး စိတ်ဓါတ်ရှိလာမှာမဟုတ်လား။ ဒကာတော်ရဲ့ ဘလော့ကို အလည်လာကြတဲ့ စာဖတ်ပရိသတ်က အသင့်အတင့် ဦးရေများလို့ အခုလို အကြံပြုရတာပါ"
"တင်ပါ့ဘုရား။ ကြိုးစားပါ့မယ်ဘုရား"
...
အင်္ဂါမောင်နှင့် ဘလော့ဂါ ကိုကိုမောင်(ပန်းရနံ့) (ခ) တုံးဖလားသူကြီးမင်းတို့၏ သြ၀ါဒပါတိမောက် ဆွေးနွေးခန်းက ည ကိုးနာရီခွဲလောက် ပြီးဆုံးသွားလေသည်။ ဘလော့ဂါ ကိုကိုမောင် ပြန်သွားပြီး အင်္ဂါမောင်လဲ ကုတင်ပေါ် လှဲလျောင်းပြီး ခေတ္တ အညောင်းဖြေနေလိုက်သည်။ ထို့နောက် တပို့တွဲ လပြည့်နေ့ အကြောင်း စဉ်းစားရင်း သြ၀ါဒပါတိမောက်ကို အာရုံပြုနေမိသည်။ ကိုယ့်ကိုကိုယ် ဦးဇင်းတစ်ပါး ဖြစ်ခွင့်ရနေတဲ့ အတွက်လဲ ကျေနပ်နေမိသည်။ ဒီနေ့အဖို့ အပြင်ထွက်ပြီး လမ်းမလျောက်လိုက်ရပေမဲ့ ဘလော့ဂါ ကိုကိုမောင်နှင့် ဓမ္မသာကစ္ဆာ (တရားဆွေးနွေးမှု) ပြုလုပ်လိုက်ရတဲ့အတွက် အင်္ဂါမောင်တစ်ယောက် လွန်စွာ ကြည်နူးမှုနှင့်အတူ ၀မ်းသာရွှင်လန်းနေမိလေတော့သတည်း။
.
2 comments:
တဂျီးဆိုက်က ဝင်လာပါတယ်....ဘုရား...၊
သြဝါဒပါတိမောက်အကြောင်း သိလိုက်ရလို့ ကျေးဇူးတင်
ရပါတယ်...ဘုရား...။
အလွန်တရာမှ တန်ဖိုးကြီးလှတဲ့ ရှင်းလင်းချက်ပါဘုရား။ တပည့်တော် သြဝါဒပါတိမောက် ဆိုတာ အခုမှပဲ ရှင်းရှင်းလင်းလင်း သိရှိသွားပါတယ်ဘုရာ။
ကိုကိုမောင်ဆီမှာ လပြည့်ညပိုစ်ဖတ်ရင်းမှ ရောက်လာတာပါဘုရား။
Post a Comment