Wednesday 27 March 2013

အခါလွန်နှင်း

လွန်ခဲ့တဲ့ စနေနေ့ (၂၃၊၀၃၊၂၀၁၃)မှာ လန်ဒန်ကနေ ဒေါက်တာနာဂသေနနဲ့ အတူထွက်လာခဲ့၏။ ဦးတည်ရာအရပ်ကား ဘာမင်ဂမ်ဗုဒ္ဓ၀ိဟာရတည်ရှိရာ ဘာမင်ဂမ်မြို့တော်သို့။ ဒေါက်တာနာဂသေနမှာ ထို ဘာမင်ဂမ်ဗုဒ္ဓ၀ိဟာရ ကျောင်းနေ သံဃာတစ်ပါးဖြစ်၏။ ၂၄၊၀၃၊၂၀၁၃ တနင်္ဂနွေနေ့မှာ ထိုကျောင်းတိုက်၏ ကျောင်းထိုင်ဆရာတော် ဒေါက်တာဥတ္တရဥာဏ (အဂ္ဂမဟာပဏ္ဍိတ)၏ မွေးနေ့ဖြစ်၏။ စာရေးသူသည် ထိုမွေးနေ့ပွဲကို တက်ရောက်အားပေးရန်အတွက်  ဒေါက်တာနာဂသေန လန်ဒန်က အပြန် အတူတူလိုက်လာခဲ့ခြင်းဖြစ်၏။

နွေဦးကာလဆိုပေမဲ့ ဒီနှစ်မှာမှ ထူးထူးဆန်းဆန်း နှင်းတွေ ထူထူထဲထဲကျနေ၏။ လန်ဒန်မှာတော့ ဒီလောက်မကျ။ ဘာမင်ဂမ်မှာ ပိုကျ၏။ နေရာတိုင်း ဖြူဖြူဖွေးဖွေး။ ကြည်နူးစရာ။ မွေးနေ့ရှင်အတွက် သဘာဝတရားက အဖြူရောင်နှင်းကမ္ဘာတစ်ခု လက်ဆောင်ပေးခဲ့သည့် အလား။ အဖြူရောင်ကို ဘယ်ရှုဒေါင့်က ကြည့်ကြည့် စင်ကြယ်ခြင်း ဖြူစင်ခြင်း ရိုးသားခြင်း သန့်ပြန့်ခြင်းစတဲ့ အပြုသဘောဆောင် ပညတ်တွေချည်းပင်။

 မွေးနေ့ပွဲ၌ ၀န်းကျင်အားလုံး ဖြူစင်နေခြင်းသည် မွေးနေ့ရှင်အတွက် ဖြူစင်မှု၊ မွေးနေ့ပွဲ ကြွရောက်လာသူတို့၏ ဖြူစင်မှုကို ဖော်ညွန်းနေသယောင်။ ထိုမွေးနေ့ပွဲကို နှင်းကြောက်၍ မတက်ရောက်သူ ရှိသလို နှင်းချစ်၍ တက်ရောက်လာသူများ ရှိလေ၏။ နှင်း၏ ထုထည်သည် တစ်ပေထက် အပိုရှိပေမည်။ ထူထဲသော  နှင်းထု၊ ဝှေ့ယမ်းကျီစယ်နေသည့် လေညှင်း၊ အေးခဲလှသည့် အနှုတ် ၃ ဒီဂရီ။ ထိုသည်ပင် ဖြူစင်မှု ညင်သာမှု အေးချမ်းမှု၏ တဘောင်အတိတ် ဖြစ်မည်ထင့်။ ဟက်ပီးဘာ့သ်ဒေးပါ ဆရာအရှင်။

နှင်းကို အပြစ်မြင်သူက မြင်၏။ ချစ်ခင်သူက ခင်၏။ အပြစ်ဘဲမြင်မြင် အချစ်ဘဲ ခင်ခင် သဘာဝတရားကို လွန်ဆန်၍ မရစကောင်း။ နှင်းကျ၍ သွားရေးလာရေးခက်သည်ကို အပြစ်မြင်နေမဲ့အစား နှင်းတွေကြောင့် ၀န်းကျင်တစ်ခုလုံး လှပနေသည်ကို ချစ်ခင်လျှင် ပိုကောင်းမည်တည့်။ လှပတဲ့ နှင်းဆီပွင့်အနားမှာ ဆူးတွေရှိနေတဲ့အတွက် ပြစ်တင်ကဲ့ရဲ့နေမဲ့အစား ကြမ်းတမ်းလှတဲ့ ဆူးတွေအနားမှာ အလွန်လှပတဲ့ နှင်းဆီပွင့်လေးတွေ ရှိနေတာကိုဘဲ ချီးမွမ်းစကားဆိုလျှင် မကောင်းတုံလော။

မနှစ်က ဒီအချိန်ဆို ပင်လယ်ကမ်းခြေမှာ တ၀ုန်းဝန်း တရုံးရုံး။ ရေကူးသူကကူး။ တေးကျူးသူက ကျူး။ အရည်မူးသူက မူး။ အ၀တ်အစားချွေတာဝတ်ပြီး နွေနေရောင်အောက်မှာ တုံးလုံးပက်လက် နေလှုံနေကြပြီပေါ့။ ဒီနှစ် ဒီအချိန် (နွေကာလ)မှာတော့ ကမ်းခြေအသာထားဦး။ ဟိုနားဒီနား လမ်းသလားရမှာတောင် အခွန်ဆောင်ရတော့မဲ့အလား။ အိမ်တွင်းပုန်းပြီး ကွေးနေကြလေရဲ့။ အေးချမ်း နွေးထွေးသည့် သဘောပင်။

ဒါဆို ဒီအချိန်မှာ လာမြူတဲ့ ဒီနှင်းကို ဘယ်လို နာမည်တပ်မလဲ။ လွယ်လိုက်သမှ။ ခေါင်းရှုပ်ခံစရာလို။ ဒီလိုလေး ကင်မွန်းတပ်လိုက်တယ်။ အခါလွန်နှင်းလို့။

ဓါတ်ပုံနှင့်ဗီဒီယိုဖိုင်တွေကို တ၀တပြဲ ပျင်းရိအောင်သာ ရှုစားကြပေတော့။ ချဲ့ကြည့်လျှင်တော့  ပုံကြီးမြင်ရမည်ပင်။


ဘာမင်ဂမ်ဗုဒ္ဓ၀ိဟာရအတွင်းရှိ ဓမ္မတဠာက ကမ္ဘာအေးဘုရား
 
 
 
 
 
 
 
 

 ဘာမင်ဂမ်ဗုဒ္ဓ၀ိဟာရအနီးရှိ တစ်ဘက်ဆည်ကန်နှင့် ကန်ပတ်လမ်း
 
 
 
 

 ချဲ့ကြည့်ရင်တော့ ဟိုးးးးးဘက်ကမ်းမှာ ဘုရားရှိတယ်
 
 
 
 
 
 
 
 
 

နှင်းလူသား (ရေကန်သို့သွားရာလမ်းမပေါ်က အိမ်တစ်အိမ်ရှေ့)

ဘာမင်ဂမ်ဗုဒ္ဓ၀ိဟာရကျောင်းဆောင်များ 

ဘာမင်ဂမ်ဗုဒ္ဓ၀ိဟာရအတွင်းရှိ ဓမ္မတဠာက ကမ္ဘာအေးဘုရား
 
 
 
 

 ---------



 ဗီဒီယိုဖိုင်များ (အိုင်ဖုန်း ကင်မရာ နှင့် နီကွန်ဓါတ်ပုံကင်မရာဖြင့်သာ)
ဖိုင် (၁)

ဖိုင် (၂)



 ဖိုင် (၃)


ဖိုင် (၄)


ဖိုင် (၅)



အားလုံး ကိုယ်စိတ်နှစ်ဖြာ ရွှင်လန်းချမ်းမြေ့ကြပါစေ။

.

Friday 22 March 2013

ဓဇဂ္ဂသုတ် နိဿယသစ် (သပြေကန်မူ)

(၇၈)
ယဿာ' နုဿရဏေနာပိ၊ အန္တလိက္ခေပိ ပါဏိနော။
ပတိဋ္ဌ' မဓိဂစ္ဆန္တိ၊ ဘူမိယံ ဝိယ သဗ္ဗထာ။

(၇၉)

သဗ္ဗုပဒ္ဒဝဇာလမှာ၊ ယက္ခစောရာဒိသမ္ဘဝါ။
ဂဏနာ န စ မုတ္တာနံ၊ ပရိတ္တံ တံ ဘဏာမ ဟေ။


ဟေ၊ အို သူတော်ကောင်းတို့။ ယဿ ပရိတ္တဿ၊ အကြင်ဓဇဂ္ဂသုတ်ပရိတော်ကို။ အနုဿရဏေနာပိ၊ အောက်မေ့ရုံမျှဖြင့်သော်လည်း။ ပါဏိနော။ သတ္တ၀ါတို့သည်။ အန္တလိက္ခေပိ၊ ကောင်းကင်၌သော်ပင်။ ဘူမိယံ ၀ိယ၊ မြေပေါ်၌ကဲ့သို့။ သဗ္ဗထာ၊ ခပ်သိမ်းသော အချင်းအရာအားဖြင့်။ ပတိဋ္ဌံ၊ ထောက်တည်ရာကို။ အဓိဂစ္ဆန္တိ၊ ရရှိကြကုန်၏။ ယက္ခစောရာဒိသမ္ဘ၀ါ၊ ဘီလူး ခိုးသူ စသည်တို့ကြောင့် ဖြစ်ပေါ်လာသော။ သဗ္ဗုပဒ္ဒ၀ဇာလမှာ၊ ဘေးရန်ခပင်း ပိုက်ကွန်တွင်းမှ။ မုတ္တာနံ၊ လွတ်မြောက်ကြရသူတို့၏။ ဂဏနာ စ၊ အရေအတွက်သည်လည်း။ န၊ မရှိတော့ပါပေ။ တံ ပရိတ္တံ၊ ထိုဓဇဂ္ဂသုတ် ပရိတော်ကို။ (မယံ၊ ငါတို့သည်။) ဘဏာမ၊ ရွတ်ကြကုန်စို့။

(၈၀)
ဧဝံ မေ သုတံ-
ဧကံ သမယံ ဘဂဝါ သာဝတ္ထိယံ ဝိဟရတိ
ဇေတဝနေ အနာထပိဏ္ဍိကဿ အာရာမေ။

(၈၁)

တတြ ခေါ ဘဂဝါ ဘိက္ခူ အာမန္တေသိ ''ဘိက္ခဝေါ''တိ။''ဘဒန္တေ''တိ တေ ဘိက္ခူ ဘဂဝတော ပစ္စေဿာသုံ။
ဘဂဝါ ဧတဒဝေါစ-
ဘူတပုဗ္ဗံ ဘိက္ခဝေ ဒေဝါသုရသင်္ဂါမော သမုပဗျူဠှော အဟောသိ။ အထ ခေါ ဘိက္ခဝေ သက္ကော ဒေဝါနမိန္ဒော ဒေဝေ တာဝတိံသေ အာမန္တေသိ-
''သစေ မာရိသာ ဒေဝါနံ သင်္ဂါမဂတာနံ ဥပ္ပဇ္ဇေယျ ဘယံ ဝါ ဆမ္ဘိတတ္တံ ဝါ လောမဟံသော ဝါ၊ မမေဝ တသ္မိံ သမယေ ဓဇဂ္ဂံ ဥလ္လောကေယျာထ။ မမံ ဟိ ဝေါ ဓဇဂ္ဂံ ဥလ္လောကယတံ ယံ ဘဝိဿတိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယိဿတိ။''


(ဘန္တေ၊ အရှင်ဘုရား။) မေ၊ တပည့်တော်သည်။ ဧ၀ံ၊ ဤသို့။ သုတံ၊ နာခံမှတ်သား ကြားခဲ့ရပါ၏။ ဧကံ၊ တပါးသော။ သမယံ၊ အခါ၌။ ဘဂ၀ါ၊ မြတ်စွာဘုရားသည်။ သာဝတ္ထိယံ၊ သာဝတ္ထိနေပြည်တော်၌။ ဇေတ၀နေ၊ ဇေတ၀န်မည်သော။ အနာထပိဏ္ဍိကဿ၊ အနာထပိဏ် သူဌေး၏။ အာရာမေ၊ ကျောင်းတိုက်၌။ ၀ိဟရတိ၊ သီတင်းသုံးတော်မူပါ၏။

တတြ ခေါ၊ ထိုဇေတ၀န်ကျောင်းတော်၌ပင်။ ဘဂ၀ါ၊ မြတ်စွာဘုရားသည်။ ဘိက္ခူ၊ ရဟန်းတို့ကို။ ဘိက္ခဝေါတိ၊ ရဟန်းတို့ဟူ၍။ အာမန္တေသိ၊ ခေါ်တော်မူပြီ။ ဘဒန္တေတိ၊ အရှင်ဘုရားဟူ၍။ တေ ဘိက္ခူ၊ ထိုရဟန်းတို့သည်။ ဘဂ၀တော၊ မြတ်စွာဘုရား၏ မိန့်ခေါ်ခြင်းကို။ ပစ္စေဿာသုံ၊ စကားတုံ့ပြန် ခံယူကြကုန်ပြီ။ ဘဂ၀ါ၊ မြတ်စွာဘုရားသည်။ ဧတံ၊ ဤစကားကို။ အဝေါစ၊ မိန့်တော်မူပြီ။

ဘိက္ခဝေ၊ ရဟန်းတို့။ ဘူတပုဗ္ဗံ၊ ရှေး၌ဖြစ်ဘူးသည်ကား။ ဒေ၀ါသုရသင်္ဂါမော၊ နတ်တာဝတိံသာ အသုရာတို့၏ စစ်သည်။ သမုပဗျူဠော၊ ပြင်ဆင်ခြင်းပြု စုရုံးမိသည်။ အဟောသိ၊ ဖြစ်ပြီ။ ဘိက္ခဝေ၊ ရဟန်းတို့။ အထခေါ၊ ထိုအခါ၌။ ဒေ၀ါနမိန္ဒော၊ နတ်တို့အရှင် ဘုရင်ဖြစ်သော။ သက္ကော၊ သိကြားမင်းသည်။ တာဝတိံသေ ဒေဝေ၊ တာဝတိံသာနတ်တို့ကို။ အာမန္တေသိ၊ မိန့်ဆိုပြီ။ မာရိသာ၊ ဆင်းရဲမဲ့ငြား မောင်နတ်သားတို့။ သင်္ဂါမဂတာနံ၊ စစ်မြေပြင်၌ ရောက်နေကြကုန်သော။ ဒေ၀ါနံ၊ အမောင်နတ်တို့အား။ ဘယံ ၀ါ၊ ကြောက်လန့်ခြင်းသည်၎င်း။ ဆမ္ဘိတတ္တံ ၀ါ၊ နှလုံးသားတုန် ကိုယ်တုန်လှုပ်ခြင်းသည်၎င်း။ လောမဟံသော ၀ါ၊ မွေးညှင်းရွှင်ပျ ကြက်သီးထခြင်းသည်၎င်း။ သစေ ဥပ္ပဇ္ဇေယျ၊ အကယ်၍ ဖြစ်ငြားအံ့။ တသ္မိံသမယေ၊ ထိုအခါ၌။ မမေ၀၊ ငါ၏သာလျှင်။ ဓဇဂ္ဂံ၊ အလံတော်ထိပ်ဖျားကို။ ဥလ္လောကေယျာထ၊ မော်ကြည့်ကြကုန်လော့။ ဟိ၊ မော်ကြည့်ဖို့ကောင်း အကြောင်းကို ဆိုရသော်။ မမံ၊ ငါ၏။ ဓဇဂ္ဂံ၊ အလံတော်ထိပ်ဖျားကို။ ဥလ္လောကေယတံ၊ မော်ကြည့်ကြကုန်သော။ ဝေါ၊ သင်တို့အား။ ယံ ဘယံ ၀ါ၊ အကြင် ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် နှလုံးသားခုန် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် မွေးညှင်းရွှင်ပျ ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်လန့်ခြင်း တုန်လှုပ်ခြင်း ကြက်သီးထခြင်းမှန်သမျှကို။ ပဟီယိဿတိ၊ ပယ်ဖျောက်အပ်ပေလတ္တံ့။

 (၈၂)
နော စေ မေ ဓဇဂ္ဂံ ဥလ္လောကေယျာထ၊ အထ ပဇာပတိဿ ဒေဝရာဇဿ ဓဇဂ္ဂံ ဥလ္လောကေ ယျာထ။ ပဇာပတိဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကယတံ ယံ ဘဝိဿတိ ဘယံ ဝါ ဆမ္ဘိ တတ္တံ ဝါ လောမဟံသော ဝါ သော ပဟီယိဿတိ။

မေ၊ ငါ၏။ ဓဇဂ္ဂံ၊ အလံတော်ထိပ်ဖျားကို။  နော စေ ဥလ္လောကေယျာထ၊ အကယ်၍ မကြည့်မိကုန်ငြားအံ့။ အထ၊ ထိုသို့ မကြည့်မိကုန်သည်ရှိသော်။ ပဇာပတိဿ၊ ပဇာပတိမည်သော။ ဒေ၀ရာဇဿ၊ နတ်မင်း၏။ ဓဇဂ္ဂံ၊ အလံတော်ထိပ်ဖျားကို။ ဥလ္လောကေယျာထ၊ မော်ကြည့်ကြကုန်လော့။ ဟိ၊ မော်ကြည့်ရခြင်း အကြောင်းကား။ ပဇာပတိဿ၊ ပဇာပတိမည်သော။ ဒေ၀ရာဇဿ။ နတ်မင်း၏။ ဓဇဂ္ဂံ၊ အလံတော် ထိပ်ဖျားကို။ ဥလ္လောကေယတံ၊ မော်ကြည့်ကြကုန်သော။ ဝေါ၊ သင်တို့အား။ ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယိဿတိ၊ ပယ်ဖျောက်ပေလတ္တံ့။

 (၈၃)
နော စေ ပဇာပတိဿ ဒေဝရာဇဿ ဓဇဂ္ဂံ ဥလ္လောကေယျာထ၊ အထ ဝရုဏဿ ဒေဝရာဇဿ ဓဇဂ္ဂံ ဥလ္လောကေယျာထ။ ဝရုဏဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကယတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယိဿတိ။

ပဇာပတိဿ၊ ပဇာပတိမည်သော။ ဒေ၀ရာဇဿ၊ နတ်မင်း၏။ ဓဇဂ္ဂံ၊ အလံတော်ထိပ်ဖျားကို။  နော စေ ဥလ္လောကေယျာထ၊ အကယ်၍ မကြည့်မိကုန်ငြားအံ့။ အထ၊ ထိုသို့ မကြည့်မိကုန်သည်ရှိသော်။ ၀ရုဏဿ၊ ၀ရုဏအမည်ရှိသော။ ဒေ၀ရာဇဿ၊ နတ်မင်း၏။ ဓဇဂ္ဂံ၊ အလံတော်ထိပ်ဖျားကို။ ဥလ္လောကေယျာထ၊ မော်ကြည့်ကြကုန်လော့။ ဟိ၊ မော်ကြည့်ရခြင်း အကြောင်းကား။ ၀ရုဏဿ၊ ၀ရုဏမည်သော။ ဒေ၀ရာဇဿ။ နတ်မင်း၏။ ဓဇဂ္ဂံ၊ အလံတော် ထိပ်ဖျားကို။ ဥလ္လောကေယတံ၊ မော်ကြည့်ကြကုန်သော။ ဝေါ၊ သင်တို့အား။ ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယိဿတိ၊ ပယ်ဖျောက်ပေလတ္တံ့။

(၈၄)

နော စေ ဝရုဏဿ ဒေဝရာဇဿ ဓဇဂ္ဂံ ဥလ္လောကေယျာထ၊ အထ ဤသာနဿ ဒေဝရာဇဿ ဓဇဂ္ဂံ ဥလ္လောကေယျာထ။ ဤသာနဿ ဟိ ဝေါ ဒေဝရာဇဿ ဓဇဂ္ဂံ ဥလ္လောကယတံ၊ ယံ ဘဝိဿတိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယိဿတီတိ။

ဝရုဏဿ၊ ၀ရုဏမည်သော။ ဒေ၀ရာဇဿ၊ နတ်မင်း၏။ ဓဇဂ္ဂံ၊ အလံတော်ထိပ်ဖျားကို။  နော စေ ဥလ္လောကေယျာထ၊ အကယ်၍ မကြည့်မိကုန်ငြားအံ့။ အထ၊ ထိုသို့ မကြည့်မိကုန်သည်ရှိသော်။ ဤသာနဿ၊ ဤသာနမည်သော။ ဒေ၀ရာဇဿ၊ နတ်မင်း၏။ ဓဇဂ္ဂံ၊ အလံတော်ထိပ်ဖျားကို။ ဥလ္လောကေယျာထ၊ မော်ကြည့်ကြကုန်လော့။ ဟိ၊ မော်ကြည့်ရခြင်း အကြောင်းကား။ ဤသာနဿ၊ ဤသာနမည်သော။ ဒေ၀ရာဇဿ။ နတ်မင်း၏။ ဓဇဂ္ဂံ၊ အလံတော် ထိပ်ဖျားကို။ ဥလ္လောကေယတံ၊ မော်ကြည့်ကြကုန်သော။ ဝေါ၊ သင်တို့အား။ ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယိဿတိ၊ ပယ်ဖျောက်ပေလတ္တံ့။ (ဣတိ၊ ဤသို့။ အာမန္တေသိ၊ မိန့်တော်မူပြီ။)

(၈၅)

တံ ခေါ ပန ဘိက္ခဝေ သက္ကဿ ဝါ ဒေဝါနမိန္ဒဿ ဓဇဂံ္ဂ ဥလ္လောကယတံ ပဇာပတိဿ ဝါ ဒေဝရာဇဿ ဓဇဂ္ဂံ ဥလ္လောကယတံ ဝရုဏဿ ဝါ ဒေဝရာဇဿ ဓဇဂ္ဂံ ဥလ္လောကယတံ ဤသာနဿ ဝါ ဒေဝရာဇဿ ဓဇဂ္ဂံ ဥလ္လောကယတံ ယံ ဘဝိဿ တိ ဘယံ ဝါ ဆမ္ဘိတတ္တံ ဝါ လောမဟံသော ဝါ သော ပဟီယေထာပိ နောပိ ပဟီယေထ။

ဘိက္ခဝေ၊ ရဟန်းတို့။ ဒေ၀ါနမိန္ဒဿ၊ နတ်တို့၏အရှင် ဘုရင်ဖြစ်သော။ သက္ကဿ၊ သိကြားမင်း၏။ တံ ခေါ ပန ဓဇဂ္ဂံ၊ ထို အလံတော် ထိပ်ဖျားကို။ ဥလ္လောကေယတံ ၀ါ၊  မော်ကြည့်ကြသော နတ်တို့အား၎င်း။ ပဇာပတိဿ၊ ပဇာပတိမည်သော။ ဒေ၀ရာဇဿ၊ နတ်မင်း၏။ တံ ခေါ ပန ဓဇဂ္ဂံ၊ ထို အလံတော် ထိပ်ဖျားကို။ ဥလ္လောကေယတံ ၀ါ၊  မော်ကြည့်ကြသော နတ်တို့အား၎င်း။ဝရုဏဿ။ ၀ရုဏမည်သော။ ဒေ၀ရာဇဿ၊ နတ်မင်း၏။ တံ ခေါ ပန ဓဇဂ္ဂံ၊ ထို အလံတော် ထိပ်ဖျားကို။ ဥလ္လောကေယတံ ၀ါ၊  မော်ကြည့်ကြသော နတ်တို့အား၎င်း။ ဤသာနဿ၊ ဤသာနမည်သော။ ဒေ၀ရာဇဿ၊ နတ်မင်း၏။ တံ ခေါ ပန ဓဇဂ္ဂံ၊ ထို အလံတော် ထိပ်ဖျားကို။ ဥလ္လောကေယတံ ၀ါ၊  မော်ကြည့်ကြသော နတ်တို့အား၎င်း။ ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယေထာပိ၊ ပယ်ဖျောက်အပ်သည်လည်း ရှိရာ၏။ နောပိ ပဟီယေထ၊ မပယ်ဖျောက်အပ်သည်လည်း ရှိရာ၏။

(၈၆)
တံ ကိဿ ဟေတု?
သက္ကော ဟိ ဘိက္ခဝေ ဒေဝါနမိန္ဒော
အဝီတရာဂေါ အဝီတဒေါသော အဝီတမောဟော
ဘီရု ဆမ္ဘီ ဥတြာသီ ပလာယီတိ။


တံ၊ ထို ကြောက်ခြင်းစသည် ပျောက် မပျောက် နှစ်မျိုးဖြစ်ရခြင်းသည်။ ကိဿဟေတု၊ အဘယ်အကြောင်းကြောင့်နည်း။ ဘိက္ခဝေ၊ ရဟန်းတို့။ ဟိ ယသ္မာ၊ အကြင်ကြောင့်။ ဒေ၀ါနမိန္ဒော၊ နတ်တို့၏ အရှင် ဘုရင်ဖြစ်သော။ သက္ကော၊ သိကြားမင်းသည်။ အ၀ီတရာဂေါ၊ မကင်းသေးသော ရာဂရှိ၏။ အ၀ီတဒေါသော၊ မကင်းသေးသော ဒေါသရှိ၏။ အ၀ီတမောဟော၊ မကင်းသေးသော မောဟရှိ၏။ ဘီရု၊ ကြောက်တတ်၏။ ဆမ္ဘီ၊ ကိုယ်တုန်လှုပ်၏။ ဥတြာသီ၊ ထိတ်လန့်တတ်၏။ ပလာယီ၊ ထွက်ပြေးတတ်၏။ ဣတိ၊ ထို့ကြောင့်ပင်တည်း။

(၈၇)
အဟဉ္စ ခေါ ဘိက္ခဝေ ဧဝံ ဝဒါမိ-
သစေ တုမှာကံ ဘိက္ခဝေ
အရညဂတာနံ ဝါ ရုက္ခမူလဂတာနံ ဝါ
သုညာဂါရဂတာနံ ဝါ ဥပ္ပဇ္ဇေယျ ဘယံ ဝါ
ဆမ္ဘိတတ္တံ ဝါ လောမဟံသော ဝါ၊
မမေဝ တသ္မိံ သမယေ အနုဿရေယျာထ၊


ဘိက္ခဝေ၊ ရဟန်းတို့။ အဟဉ္စ ခေါ၊ ငါဘုရားသည်ကား။ ဧ၀ံ၊ ဤသို့။ ၀ဒါမိ၊ ဟောတော်မူ၏။ ဘိက္ခဝေ၊ ရဟန်းတို့။ အရညဂတာနံ ၀ါ၊ တောအရပ်သို့ ကပ်ရောက်သည်မူလည်း ဖြစ်ကုန်သော။ ရုက္ခမူလဂတာနံ ၀ါ၊ သစ်ပင်ရင်းသို့ ကပ်ရောက်သည်မူလည်း ဖြစ်ကုန်သော။ သုညာဂါရဂတာနံ ၀ါ၊ ဆိတ်ငြိမ်ရာအရပ်သို့ ကပ်ရောက်သည်မူလည်း ဖြစ်ကုန်သော။ တုမှာကံ၊ သင်တို့အား။ ဘယံ ၀ါ၊ ကြောက်ခြင်းသည်၎င်း။ ဆမ္ဘိတတ္တံ ၀ါ၊ ကိုယ်တုန်လှုပ်ခြင်းသည်၎င်း။  လောမဟံသော ၀ါ၊ ကြက်သီးထခြင်းသည်၎င်း။ သစေ ဥပ္ပဇ္ဇေယျ၊ အကယ်၍ ဖြစ်ငြားအံ့။ တသ္မိံ သမယေ၊ ထိုအခါ၌။ မမေ၀၊ ငါဘုရားကိုသာလျှင်။ အနုဿရေယျာထ၊ အဖန်တလဲလဲ အောက်မေ့ကြကုန်လော့။

(၈၈)
''ဣတိပိ သော ဘဂဝါ အရဟံ,
သမ္မာသမ္ဗုဒ္ဓေါ, ဝိဇ္ဇာစရဏသမ္ပန္နော, သုဂတော,
လောကဝိဒူ, အနုတ္တရော ပုရိသဒမ္မသာရထိ,
သတ္ထာ ဒေဝမနုဿာနံ, ဗုဒ္ဓေါ, ဘဂဝါ''တိ။


သော ဘဂ၀ါ၊ ဘုန်းတော်ခြောက်စုံ ဂုဏ်တော်ထင်ရှား ထိုရှင်တော်မြတ်ဘုရားသည်။ ဣတိပိ၊ အရဟတ္တ မဂ်အရဖြင့် ဗုဒ္ဓဂုဏ်အင် စုံလင်ခဲ့ရာ ဗြဟ္မာနတ်လူ သုံးပုံသူတို့၏ အလှူတော် အတန်တန် အပူဇော်မှန်သမျှ ခံတော်မူထိုက် နှစ်ခြိုက်ဖွယ်ကောင်း ဤအကြောင်းကြောင့်လည်း။ အရဟံ၊ အရဟံဟု သုံးတန်ဘုံခွင် လွင်တလူလူ ကျော်ကြားတော်မူပါပေသတည်း။

 သော ဘဂ၀ါ၊ ဘုန်းတော်ကြီးမား ထိုရှင်တော်မြတ်ဘုရားသည်။ ဣတိပိ၊ အမှန်တိုင်းသာ ဆရာမပြ သဘာဝဖြင့် ဓမ္မဖုံဖုံ တရားစုံကို အကုန်သိတောင်း ဤအကြောင်းကြောင့်လည်း။ သမ္မာသမ္ဗုဒ္ဓေါ၊ သမ္မာသမ္ဗုဒ္ဓ ဘွဲ့တော်ရလျှက်  လောကတခွင် ထင်ထင်ပေါ်ပေါ် ကျော်ကြားတော်မူပါပေသတည်း။

သော ဘဂ၀ါ၊ ဘုန်းတော်ကြီးမား ထိုရှင်တော်မြတ်ဘုရားသည်။ ဣတိပိ၊ ၀ိဇ္ဇာဥာဏ်နှင့် အကျင့်စရဏ ပြည့်ဝစုံလင် ဂုဏ်တင်ဖွယ်ကောင်း ဤအကြောင်းကြောင့်လည်း။ ၀ိဇ္ဇာစရဏသမ္ပန္နော၊ ၀ိဇ္ဇာစရဏ သမ္မန္နဟု လောကတခွင် ထာဝစဉ်ထင်ပေါ် ကျော်ကြားတော်မူပါပေသတည်း။

သော ဘဂ၀ါ၊ ဘုန်းတော် ကံတော် ဥာဏ်တော်ကြီးမား ထိုရှင်တော်မြတ်ဘုရားသည်။ ဣတိပိ၊ စကားကောင်းဆို နိဗ္ဗာန်ကိုကြွ ဗုဒ္ဓဖြစ်ထိ လွဲမရှိဘဲ သတိသမ္ပဇဉ် မြဲယှဉ်ကောင်းစွာ လာတော်မူတတ် သိမှတ်ဖွယ်ကောင်း ဤအကြောင်းကြောင့်လည်း။ သုဂတော၊ သုဂတဟု ဂုဏမြတ်မွန် တံခွန်ထူကာ ကျော်ကြားတော်မူပါပေသတည်း။

သော ဘဂ၀ါ၊ ဘုန်းတော်ခြောက်ပါးသခင် ထိုရှင်တော်မြတ်ဘုရားသည်။ ဣတိပိ၊ သတ္တ၀ါအဖုံဖုံ ဘုံအနန္တ သင်္ခါရဟု လောကအစုံ အကုန်သိတတ် မြတ်အရည်ကောင်း ဤအကြောင်းကြောင့်လည်း။ လောက၀ိဒူ၊ လောက၀ိဒူ တံခွန်ထူလျှက် ၀ှန်ဆူဖြိုးမော် ကျော်ကြားတော်မူပါပေသတည်း။

သော ဘဂ၀ါ၊ နတ်လူလေးမြတ် ဆည်းကပ်အပ်သား ထိုရှင်တော်မြတ်ဘုရားသည်။ ဣတိပိ၊ သီလစသည် ဂုဏ်အရည်ဖြင့် မီသူကင်းကွာ သာသူမထင် ဂုဏ်တင်ဖွယ်ကောင်း ဤအကြောင်းကြောင့်လည်း အနုတ္တရော၊ အနုတ္တရ ဘွဲ့တော်ရလျှက်  လောကလုံးတွင်  ထင်ထင်ရှားရှား ကျော်ကြားတော်မူပါပေသတည်း။

သော ဘဂ၀ါ၊ ဘုန်းတော်ကြီးမား ထိုရှင်တော်မြတ်ဘုရားသည်။ ဣတိပိ၊ ဆုံးမထိုက်သူ နတ်နှင့်လူကို ကျင့်မူလုံးဝ အသုံးကျအောင် ဆုံးမပဲ့ပြင် သွန်သင်ပေတတ် မြတ်အရည်ကောင်း ဤအကြောင်းကြောင့်လည်း။ ပုရိသဒမ္မသာရထိ၊ ပုရိသဒမ္မသာရထိ ဂုဏ်အရှိဖြင့် နှံ့သိကြေညာ ကျော်ကြားတော်မူပါပေသတည်း။

သော ဘဂ၀ါ၊ ဘုန်းခြောက်ပါးသခင် ထိုရှင်တော်မြတ်ဘုရားသည်။ ဣတိပိ၊ ကုန်သည်ကြီးမှူး ဦစီးပမာ သတ္တ၀ါတို့ကို သံသရာတ၀ှမ်း ခရီးကြမ်းမှ ရွှေနန်းနိဗ္ဗူ ထုတ်ကယ်ယူလျှက် နတ်လူဗြဟ္မာ မြတ်ဆရာဟု မှတ်စရာ အရည်ကောင်း ဤအကြောင်းကြောင့်လည်း။ သတ္ထာဒေ၀မနုဿာနံ၊ သတ္ထာဒေ၀မနုဿာနံ ခေတ်လုံးလျှံအောင် ဆူညံခြိမ့်ဝေ ကျော်ကြားတော်မူပါပေသတည်း။

သော ဘဂ၀ါ၊ ဘုန်းတော်ကြီးမား ထိုရှင်တော်မြတ်ဘုရားသည်။ ဣတိပိ၊ သစ္စာလေးတန် တရားမှန်ကို ရွှေဥာဏ်တော်ထူး မဂ်အမှူးဖြင့် လက်ဦးတွင်ဘိ မြင်သိတော်မူ နတ်လူတတွေ မြင်သိစေတတ် ထူးမြတ်ဘိတောင်း ဤအကြောင်းကြောင့်လည်း။ ဗုဒ္ဓေါ၊ ဗုဒ္ဓနာမံ ဘွဲ့တော်ခံလျှက် သုံးတန်ဘုံဘွေ ထင်ရှားတော်မူပါပေသတည်း။

သော ဘဂ၀ါ၊ လောကထွတ်တင် ထိုရှင်တော်မြတ်ဘုရားသည်။ ဣတိပိ၊ ဣဿရိယ စသည်ခြောက်ဆင့် ဘုန်းပန်းပွင့်တွေ တင့်ဝေဘိတောင်း ဤအကြောင်းကြောင့်လည်း။ ဘဂ၀ါ၊ ဘဂ၀ါဟု သူငါပြောရ လောကတခွင် ထာဝစဉ်ထင်ပေါ် ကျော်ကြားတော်မူပါပေသတည်း။

ဣတိ၊ ဤသို့။ အနုဿရေယျာထ၊ အဖန်တလဲလဲ အောက်မေ့ကြကုန်လော့။

 (၈၉)
မမံ ဟိ ဝေါ ဘိက္ခဝေ အနုဿရတံ
ယံ ဘဝိဿတိ ဘယံ ဝါ ဆမ္ဘိတတ္တံ ဝါ
လောမဟံသော ဝါ သော ပဟီယိဿတိ။


ဟိ၊ အောက်မေ့ရခြင်း အကြောင်းမှာ။ ဘိက္ခဝေ၊ ရဟန်းတို့။ မမံ၊ ငါဘုရားကို။ အနုဿရတံ၊ အဖန်တလဲလဲ အောက်မေ့ကြကုန်သော။ ဝေါ၊ သင်တို့အား။  ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယိဿတိ၊ ပယ်ဖျောက်ပေလတ္တံ့။
 
(၉၀)

နော စေ မံ အနုဿရေယျာထ၊
အထ ဓမ္မံ အနုဿရေယျာထ-

 
မံ၊ ငါဘုရားကို။ နော စေ အနုဿရေယျာထ၊ အကယ်၍ မအောက်မေ့မိကုန်သည်ဖြစ်အံ့။ အထ၊ ထိုသို့ မအောက်မေ့မိကုန်သည်ရှိသော်။ ဓမ္မံ၊ တရားတော်ကို။ အနုဿရေယျာထ၊ အောက်မေ့ကြကုန်လော့။

(၉၁)
''သွာက္ခာတော ဘဂဝတာ ဓမ္မော,
သန္ဒိဋ္ဌိကော, အကာလိကော,
ဧဟိပဿိကော, သြပနေယျိကော,
ပစ္စတ္တံ ဝေဒိတဗ္ဗော ဝိညူဟီ''တိ။

 
ဘဂ၀တာ၊ သုံးလူ့ထွတ်ထား ရှင်တော်မြတ်ဘုရားသည်။ ဓမ္မော၊ မဂ်ဖိုလ်နိဗ္ဗာန် ဓမ္မက္ခန် ပရိယတ် ဆယ်ပါးသော တရားတော်မြတ်ကို။ သွာက္ခာတော၊ ကောင်းခြင်းသုံးဖြာ စုံညီညာလျှက် အနက်သဒ္ဒါ ဝေဆာစုံလင် ဂုဏ်တင်ဖွယ်မှန် ကျင့်ရန်လျောက်ပတ် ကောင်းစွာ ဟောကြားတော်မူအပ်ပါပေ၏။ ဘဂ၀တာ၊ သုံးလူထွတ်ထား ရှင်တော်မြတ်ဘုရားသည်။ သွာက္ခာတော၊ နည်းစုံလောင်းကာ ကောင်းစွာသတ်မှတ် ဟောကြားတော်မူအပ်သော။ ဓမ္မော၊ မဂ်ဖိုလ်နိဗ္ဗာန် ကိုးတန်သတ်မှတ် တရားတော်မြတ်သည်။ သန္ဒိဋ္ဌိကော၊ သူပြောငါပြော အဟော၌တည် မယုံကြည်ရ ဓမ္မကျင့်သူ နတ်လူမှန်က ဒိဋ္ဌကိုယ်တိုင် ပိုင်ပိုင်တိတိ သိအပ်မြင်အပ် တရားတော်မြတ်ပါပေတည်း။ ဓမ္မော၊ မဂ်လေးပါး တရားတော်သည်။ အကာလိကော၊ အခါအခွင့် ကြာမဖင့်ပဲ မလင့်မနှေး ချက်ခြင်း အကျိုးပေးတတ်သော တရားတော်မြတ်ပါပေတည်း။ ဓမ္မော၊ လောကုတ္တရာတရား ကိုးပါးသည်။ ဧဟိပဿိကော၊ လာလှည့်စမ်းပါ ရှုစမ်းပါဟူ သူငါနှိုးဆော် ဖိတ်ခေါ်ထိုက်သား လွန်ထူးခြားလတ် တရားတော်မြတ်ပါပေတည်း။ ဓမ္မော၊ လောကုတ္တရာတရား ကိုးပါးသည်။ သြပနေယျိကော၊ ပုဆိုးမီးလောင် ခေါင်းမီးလောင်လည်း ငြိမ်းအောင်ပြုရေး မပြုသေးပဲ အရေးကြီးစွာ ဘာဝနာဖြင့် စိတ်မှာစွဲအောင် အမြဲဆောင်ထိုက်ပါပေ၏။ ဓမ္မော၊ လောကုတ္တရာတရား ကိုးပါးကို။ ၀ိညူဟိ၊ တရားသိမြင် ပညာရှင်တို့သည်။ ပစ္စတ္တံ၊ ကိုယ်စီအမှန် ကိုယ့်သန္တာန်၌။ ဝေဒိတဗ္ဗော၊ မဂ်ဖိုလ်နိဗ္ဗာန် ရပိုင်ဟန်ကို အမှန်တိုင်းရှိ သိမြင်အပ်ပေသတည်း။ ဣတိ၊ ဤသို့။ အနုဿရေယျာထ၊ အဖန်တလဲလဲ အောက်မေ့ကြကုန်လော့။

(၉၂)
ဓမ္မံ ဟိ ဝေါ ဘိက္ခဝေ အနုဿရတံ
ယံ ဘဝိဿတိ ဘယံ ဝါ ဆမ္ဘိတတ္တံ ဝါ
လောမဟံသော ဝါ သော ပဟီယိဿတိ။

ဟိ၊ အောက်မေ့ရခြင်း အကြောင်းကား။ ဘိက္ခဝေ၊ ရဟန်းတို့။ ဓမ္မံ၊ တရားတော်ကို။ အနုဿရတံ၊ အဖန်တလဲလဲ အောက်မေ့ကြကုန်သော။ ဝေါ၊ သင်တို့အား။  ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယိဿတိ၊ ပယ်ဖျောက်ပေလတ္တံ့။

 (၉၃)
နော စေ ဓမ္မံ အနုဿရေယာထ၊
အထ သံဃံ အနုဿရေယျာထ-


ဓမ္မံ၊ တရားတော်ကို။ နော စေ အနုဿရေယျာထ၊ အကယ်၍ မအောက်မေ့မိကုန်သည်ဖြစ်အံ့။ အထ၊ ထိုသို့ မအောက်မေ့မိကုန်သည်ရှိသော်။ သံဃံ၊ သံဃာတော်ကို။ အနုဿရေယျာထ၊ အောက်မေ့ကြကုန်လော့။

(၉၄)
''သုပ္ပဋိပန္နော ဘဂဝတော သာဝကသံဃော,
ဥဇုပ္ပဋိပန္နော ဘဂဝတော သာဝကသံဃော,
ဉာယပ္ပဋိပန္နော ဘဂဝတော သာဝကသံဃော,
သာမီစိပ္ပဋိပန္နော ဘဂဝတော သာဝကသံဃော,
ယဒိဒံ စတ္တာရိ ပုရိသယုဂါနိ အဋ္ဌ,ပုရိသပုဂ္ဂလာ၊
ဧသ ဘဂဝတော သာဝကသံဃော
အာဟုနေယျော, ပါဟုနေယျော,
ဒက္ခိဏေယျော, အဉ္ဇလီကရဏီယော,
အနုတ္တရံ ပုညက္ခေတ္တံ လောကဿာ''တိ။


ဘဂ၀တော၊ မြတ်စွာဘုရား၏။ သာဝကသံဃော၊ တပည့်သား သံဃာတော်သည်။ သုပ္ပဋိပန္နော၊ ဘုရားအဆုံးအမ မလွန်ရအောင် ညွန်ပြတိုင်းသာ အကောင်းဆုံး ကျင့်တော်မူတတ်ပါပေ၏။ ဘဂ၀တော၊ မြတ်စွာဘုရား၏။ သာဝကသံဃော၊ တပည့်သား သံဃာတော်သည်။ ဥဇုပ္ပဋိပန္နော၊ မဇ္ဈိမပဋိပဒါ လမ်းသာယာဖြင့် ကောင်းစွာလျှောက်၍ ကောက်ကွေ့ခြင်းကင်း ဖြောင့်စင်းတည့်မတ်စွာ ကျင့်တော်မူတတ်ပါပေ၏။ ဘဂ၀တော၊ မြတ်စွာဘုရား၏။ သာဝကသံဃော၊ တပည့်သား သံဃာတော်သည်။ ဥာယပ္ပဋိပန္နော၊ ချမ်းသာစစ်မှန် နိဗ္ဗာန်ဆိုက်ရေး အလေးပေးကာ ကျင့်တော်မူတတ်ပါပေ၏။ ဘဂ၀တော၊ မြတ်စွာဘုရား၏။ သာဝကသံဃော၊ တပည့်သား သံဃာတော်သည်။ သာမီစိပ္ပဋိပန္နော၊ နတ်လူကြည်ညို ရိုသေဖို့တန် ခံယူထိုက်ခွင့် ဂုဏ်ရည်မြင့်စရာ ကျင့်တော်မူတတ်ပါပေ၏။ ယဒိဒံ ယာနိ ဣမာနိ စတ္တာရိ ပုရိသယုဂါနိ၊ မဂ်ဖိုလ်နှစ်လီ အညီတွဲကုန် အကြင်ပုဂ္ဂိုလ်ပေါင်း လေးစုံတို့သည်။ အဋ္ဌ ပုရိသပုဂ္ဂလာ၊ ရှစ်ပါးသော ယောက်ျားမွန် ပုဂ္ဂိုလ်မြတ်တို့သည်။ ဟောန္တိ၊ ဖြစ်ကုန်၏။ ဘဂ၀တော၊ မြတ်စွာဘုရား၏။ ဧသ သာဝကသံဃော၊ ဤတပည့်သား သံဃာတော်သည်။ အာဟုနေယျော၊ အဝေးမှပင် ဆောင်ယူငင်လာ လှူစရာကို ရှင်သာထိုက်စေ ခံတော်မူထိုက်ပါပေ၏။ ပါဟုနေယျော၊ ချစ်ခင်မြတ်နိုး ဆွေမျိုးမိတ်ကလျာ အတွက်သာဟု ဖွယ်ရာမငြီး အသီးစီမံ အာဂန္တုက ဧည့်ဒါနကို မုချမသွေ ခံတော်မူထိုက်ပါပေ၏။ ဒက္ခိဏေယျော၊ ချမ်းသာအမျိုးမျိုး အကျိုးရည်သန် အလှူမှန်ကို ခံတော်မူထိုက်ပါပေ၏။ အဉ္ဇလိကရဏီယော၊ ကောင်းကျိးကိုသော် ရည်မျှော်တလျှက် လက်နှစ်ဖက်ကို ဦးထက်မှာမိုး ရှိခိုးခြင်းအမှန် ခံတော်မူထိုက်ပါပေ၏။ လောကဿ၊ တလောကလုံး၏။ အနုတ္တရံ၊ ကြီးကျယ်ဖွံ့ဖြိုး အကျိုးအရ နိုင်းဆကင်းဘိ အတုမရှိသော။ ပုညခေတ္တံ၊ ကောင်းမှုမျိုးတို့ စိုက်ပျိုးဖွယ်ရာ လယ်ယာတမျိုး အဖိုးထိုက်တန် မြေကောင်းမှန်ပါပေသတည်း။ ဣတိ၊ ဤသို့။ အနုဿရေယျာထ၊ အဖန်တလဲလဲ အောက်မေ့ကြကုန်လော့။

(၉၅)
သံဃံ ဟိ ဝေါ ဘိက္ခဝေ အနုဿရတံ
ယံ ဘဝိဿတိ ဘယံ ဝါ ဆမ္ဘိတတ္တံ ဝါ
လောမဟံသော ဝါ သော ပဟီယိဿတိ။


ဟိ၊ အောက်မေ့ရခြင်း အကြောင်းကား။ ဘိက္ခဝေ၊ ရဟန်းတို့။ သံဃံ၊ သံဃာတော်ကို။ အနုဿရတံ၊ အဖန်တလဲလဲ အောက်မေ့ကြကုန်သော။ ဝေါ၊ သင်တို့အား။  ယံ ဘယံ ၀ါ၊ အကြင်ကြောက်လန့်ခြင်းသည်၎င်း။ ယံ ဆမ္ဘိတတ္တံ ၀ါ၊ အကြင် ကိုယ်တုန်လှုပ်ခြင်းသည်၎င်း။ ယော လောမဟံသော ၀ါ၊ အကြင် ကြက်သီးထခြင်းသည်၎င်း။ ဘ၀ိဿတိ၊ ဖြစ်ပေလတ္တံ့။ သော၊ ထိုကြောက်ခြင်း တုန်လှုပ်ခြင်း ကြက်သီးထခြင်းကို။ ပဟီယိဿတိ၊ ပယ်ဖျောက်ပေလတ္တံ့။ 

(၉၆)
တံ ကိဿ ဟေတု?
တထာဂတော ဟိ ဘိက္ခဝေ
အရဟံ သမ္မာသမ္ဗုဒ္ဓေါ
ဝီတရာဂေါ ဝီတဒေါသော ဝီတမောဟော
အဘီရု အဆမ္ဘီ အနုတြာသီ အပလာယီတိ။

တံ၊ ထိုသို့ အကြောက်အလန့်စသည် ပျောက်ကင်းရခြင်းသည်။ ကိဿဟေတု၊ အဘယ်အကြောင်းကြောင့်နည်း။ ဘိက္ခဝေ၊ ရဟန်းတို့။ ဟိ ယသ္မာ၊ အကြင့်ကြောင့်။ အရဟံ၊ ပူဇော်အထူးကို ခံတော်မူထိုက်သော။ သမ္မာသမ္ဗုဒ္ဓေါ၊ တရားစုံကို အကုန်လုံးဝ ညွန်ပြသူမရှိ အမှန်အတိုင်း သိတော်မူသော။ တထာဂတော၊ ငါ ဘုရားသည်။ ၀ီတရာဂေါ၊ ကင်းပြီးသော ရာဂရှိတော်မူ၏။ ၀ီတဒေါသော၊ ကင်းပြီးသော ဒေါသရှိတော်မူ၏။ ၀ီတမောဟော၊ ကင်းပြီးသော မောဟရှိတော်မူ၏။ အဘီရု၊ ကြောက်လန့်ခြင်းရှိတော်မမူ။ အဆမ္ဘီ၊ ကိုယ်တုန်လှုပ်ခြင်း ရှိတော်မမူ။ အနုတြာသီ၊ ထိတ်လန့်လေ့မရှိ။ အပလာယီ၊ ပြေးလေ့ရှိတော်မမူ။ ဣတိ၊ ထို့ကြောင့်ပင်တည်း။

(၉၇)
ဣဒ မဝေါစ ဘဂဝါ၊ ဣဒံ ဝတွာန သုဂတော
အထာပရံ ဧတဒဝေါစ သတ္ထာ။

ဂ၀ါ၊ မြတ်စွာဘုရားသည်။ ဣဒံ၊ ဤ သစေ တုမှာကံ ဘိက္ခဝေ အစရှိသော စုဏ္ဏိယစကားပြေ ဒေသနာတော်မြတ်ကို။ အဝေါစ၊ မိန့်တော်မူခဲ့ပြီ။ သုဂတော၊ ကောင်းသော စကားကို မိန့်ဆိုတတ်သား မြတ်ဘုရားသည်။ ဣဒံ၊ ဤစုဏ္ဏိယစကားပြေ ဒေသနာတော်မြတ်ကို။ ၀တွာန၊ မိန့်တော်မူပြီးသော်။ အထ၊ ထို့နောက်။ သတ္ထာ၊ နတ်လူတို့ဆရာ ရှင်တော်မြတ်ဘုရားသည်။ အပရံ၊ တပါးသော။ ဧတံ၊ ဤဂါထာဗန္ဓ ဓမ္မဒေသနာကို။ အဝေါစ၊ မိန့်တော်မူ၏။

(၉၈)
အရညေ ရုက္ခမူလေ ဝါ၊
သုညာဂါရေ ဝ ဘိက္ခဝေါ။
အနုဿရေထ သမ္ဗုဒ္ဓံ၊
ဘယံ တုမှာက နော သိယာ။

ဘိက္ခဝေါ၊ ရဟန်းတို့။ အရညေ ၀ါ၊ တော၌သော်၎င်း။ ရုက္ခမူလေ ၀ါ၊ သစ်ပင်ရင်း၌သော်၎င်း။ သုညာဂါရေ ၀ါ၊ ဆိတ်ငြိမ်ဘိတောင်း တဲအိမ်ကျောင်း၌သော်၎င်း။ သမ္ဗုဒ္ဓံ၊ ငါဘုရားကို။ အနုဿရေထ၊ အဖန်ဖန်တလဲလဲ အောက်မေ့ကြကုန်လော့။ ဧ၀ံ၊ ဤသို့ အောက်မေ့သည်ရှိသော်။ တုမှာကံ၊ သင်တို့အား။ ဘယံ၊ ကြောက်ခြင်းသည်။ နော သိယာ၊ ဖြစ်နိုင်ဖွယ်ရာ မရှိပေ။

(၉၉)
နော စေ ဗုဒ္ဓံ သရေယျာထ၊
လောကဇေဋ္ဌံ နရာသဘံ။
အထ ဓမ္မံ သရေယျာထ၊
နိယျာနိကံ သုဒေသိတံ။

လောကဇေဋ္ဌံ၊ လောကထွတ်ဖူး အကြီးအမှူး ဖြစ်တော်မူသော။ နရာသဘံ၊ မနှိုင်းယှဉ်အပ် ပုဂ္ဂိုလ်မြတ် ဖြစ်တော်မူပေသော။ ဗုဒ္ဓံ၊ ငါဘုရားကို။ နော စေ သရေယျာထ၊ အကယ်၍ မအောက်မေ့မိကုန်သည် ဖြစ်အံ။ အထ၊ ထိုသို့ မအောက်မေ့ကုန်သည်ရှိသော်။ နိယျာနိကံ၊ သံသရာဝဋ်မှ ထွက်မြောက်တတ်သော။ သုဒေသိတံ၊ ကောင်းစွာ ဟောကြားတော်မူအပ်သော။ ဓမ္မံ၊ တရားတော်မြတ်ကို။ သရေယျာထ၊ အောက်မေ့ကြကုန်လော့။

(၁၀၀)
နော စေ ဓမ္မံ သရေယျာထ၊
နိယျာနိကံ သုဒေသိတံ။
အထ သံဃံ သေရယ်ာထ၊
ပုညက္ခေတ္တံ အနုတ္တရံ။

နိယျာနိကံ၊ သံသရာဝဋ်မှ ထွက်မြောက်တတ်သော။ သုဒေသိတံ၊ ကောင်းစွာ ဟောကြားတော်မူအပ်သော။ ဓမ္မံ၊ တရားတော်မြတ်ကို။ နော စေ သရေယျာထ၊ အကယ်၍ မအောက်မေ့မိကုန်သည်ဖြစ်အံ့။ အထ၊ ထိုသို့ မအောက်မေ့မိကုန်သည်ရှိသော်။ အနုတ္တရံ၊ အတုမရှိသော။ ပုညခေတ္တံ၊ ကောင်းမှုမျိုးတို့ စိုက်ပျိုးခင်းသာ လယ်ယာကောင်းဖြစ်သော။ သံဃံ၊ သံဃာတော်ကို။ သရေယျာထ၊ အောက်မေ့ကြကုန်လော့။
 
(၁၀၁)

ဧဝံ ဗုဒ္ဓံ သရန္တာနံ၊
ဓမ္မံ သံဃဉ္စ ဘိက္ခဝေါ။
ဘယံ ဝါ ဆမ္ဘိတတ္တံ ဝါ၊
လောမဟံသော န ဟေဿတိ။

ဘိက္ခဝေါ၊ ရဟန်းတို့။ ဧ၀ံ၊ ဤငါဘုရား ညွန်ကြားတော်မူသည့်အတိုင်း။ ဗုဒ္ဓဉ္စ၊ ငါဘုရားကို၎င်း။ ဓမ္မဉ္စ၊ တရားတော်မြတ်ကို၎င်း။ သံဃဉ္စ၊ သံဃာတော်မြတ်ကို၎င်း။ သရန္တာနံ၊ အမှတ်တရ အောက်မေ့ကြကုန်သော သင်တို့အား။ ဘယံ ၀ါ၊ ကြောက်လန့်ခြင်းသည်၎င်း။ ဆမ္ဘိတတ္တံ ၀ါ၊ ကိုယ်တုန်လှုပ်ခြင်းသည်၎င်း။ လောမဟံသော ၀ါ၊ ကြက်သီးထခြင်းသည်၎င်း။ န ဟေဿတိ၊ ဖြစ်လိမ့်မည်မဟုတ်။

ဓဇဂ္ဂသုတ္တံ နိဋ္ဌိတံ။  
ဓဇဂ္ဂသုတ္တံ၊ ဓဇဂ္ဂသုတ်သည်။ နိဋ္ဌိတံ၊ ပြီးပြီ။ ။


.

Wednesday 20 March 2013

ဆက်လုပ်

ကောင်းတာမှန်ရင်
ဆက်သာလုပ်။

ပတ်ဝန်းကျင်ကို
ငဲ့မနေနဲ့။

အပြောသမားက ပြောလိမ့်မယ်။
ဒါပေမဲ့
အလုပ်သမားက လုပ်နေဖို့ဘဲ လိုတယ်။

.

Thursday 14 March 2013

အချစ်နှင့်အပြစ်

အချစ်ရှာရင် အချစ်တွေ့မယ်
အပြစ်ရှာရင် အပြစ်တွေ့မယ်။

အချစ်တွေ့ပြီး အပြစ် မမေ့ပါနဲ့
အပြစ်တွေ့ပြီး အချစ် မမေ့ပါနဲ့။

အချစ်နှင့်အပြစ်
အပြစ်နှင့်အချစ်
သူ့သဘော သူဖြစ်ပါစေ။


.

Friday 8 March 2013

ဝဋ္ဋသုတ်နိဿယသစ် (သပြေကန်မူ)

(၇၂)
ပူရေန္တံ ဗောဓိသမ္ဘာရေ၊ နိဗ္ဗတ္တံ ဝဋ္ဋဇာတိယံ။
ယဿ တေဇေန ဒါဝဂ္ဂိ၊ မဟာသတ္တံ ဝိဝဇ္ဇယိ။

ဟေ၊ အို သူတော်ကောင်းတို့။ ဗောဓိသမ္ဘာရေ၊ သဗ္ဗညုတဥာဏ် ရရန်ထောက်ကူ ပါရမီအဆောက်အဦတို့ကို။ ပူရေန္တံ၊ ဖြည့်ကျင့်ဆည်းပူးတော်မူသော။ ၀ဋ္ဋဇာတိယံ၊ ငုံးမျိုး၌။ နိဗ္ဗတ္တံ၊ ဖြစ်တော်မူရသော။ မဟာသတ္တံ၊ ဘုရားအလောင်းငုံးမင်းကို။ ယဿ ပရိတ္တဿ၊ အကြင် ၀ဋ္ဋသုတ် ပရိတ်တော်၏။ တေဇေန၊ အစွမ်းအာနုဘော်ကြောင့်။ ဒါဝဂ္ဂိ၊ တောမီးသည်။ ၀ိဝဇ္ဇယိ၊ ရှောင်ကွင်းလေပြီ။

(၇၃)

ထေရဿ သာရိပုတ္တဿ၊ လောကနာထေန ဘာသိတံ။
ကပ္ပဋ္ဌာယိံ မဟာတေဇံ၊ ပရိတ္တံ တံ ဘဏာမ ဟေ။

သာရိပုတ္တဿ၊ သာရိပုတ္တမည်သော။ ထေရဿ၊ မထေရ်အား။ လောကနာထေန၊ လောကသားတို့၏ အားထားကိုးကွယ်ရာ မြတ်စွာဘုရားသည်။ ဘာသိတံ၊ ဟောတော်မူအပ်သော။ ကပ္ပဋ္ဌာယိံ၊ တကမ္ဘာလုံးဆက် မပျက်အရှည်တည်သော သဘောရှိသော။ မဟာတေဇံ၊ ကြီးမားသော အစွမ်းအာနုဘော်ရှိသော။ တံ ပရိတ္တံ၊ ထို ၀ဋ္ဋသုတ် ပရိတ်တော်ကို။ (မယံ၊ ငါတို့သည်။) ဘဏာမ၊ ရွတ်ကြကုန်စို့။

(၇၄)

အတ္ထိ လောကေ သီလဂုဏော၊ သစ္စံ သောစေယျ' နုဒ္ဒယာ။
တေန သစ္စေန ကာဟာမိ၊ သစ္စကိရိယ' မုတ္တမံ။

လောကေ၊ လောက၌။ သီလဂုဏော၊ သီလအကျင့်တရားသည်၎င်း။ သစ္စံ၊ သစ္စာတရားသည်၎င်း။ သောစေယျံ၊ စင်ကြယ်သည်၏ အဖြစ်သည်၎င်း။ အနုဒ္ဒယာ၊ မေတ္တာ ကရုဏာသည်၎င်း။ အတ္ထိ၊ ရှိ၏။ တေန သစ္စေန၊ ထို သစ္စာတရားဖြင့်။ ဥတ္တမံ၊ ထူးမြတ်သော။ သစ္စကိရိယံ၊ အမှန်ဖော်ကာ သစ္စာဆိုမှုကို။ ကာဟာမိ၊ ပြုပေတော့အံ့။

(၇၅)

အာဝဇ္ဇေတွာ ဓမ္မဗလံ၊ သရိတွာ ပုဗ္ဗကေ ဇိနေ။
သစ္စဗလ' မဝဿာယ၊ သစ္စကိရိယ' မကာသ'ဟံ။

အဟံ၊ ငါသည်။ ဓမ္မဗလံ၊ တရားတော်၏ အစွမ်းအာနုဘော်ကို။ အာဝဇ္ဇေတွာ။ ဆင်ခြင်၍။ ပုဗ္ဗကေ၊ ရှေးအခါက ပွင့်တော်မူကြကုန်သော။ ဇိနေ၊ ငါးမာရ်အောင်မြင် ရှင်တော်ဘုရားတို့ကို။ သရိတွာ၊ အောက်မေ့၍။ သစ္စဗလံ၊ သစ္စာ၏ အစွမ်းအာနုဘော်ကို။ အ၀ဿာယ၊ အားကိုးတခု အမှီပြု၍။ သစ္စကိရိယံ၊ သစ္စာဆိုမှုကို။ အကာသိံ၊ ပြုခဲ့ပေပြီ။

(၇၆)

သန္တိ ပက္ခာ အပတနာ၊ သန္တိ ပါဒါ အဝဉ္စနာ။
မာတာ ပိတာ စ နိက္ခန္တာ၊ ဇာတဝေဒ ပဋိက္ကမ။

မေ၊ ငါ့အား။ ပက္ခာ၊ အတောင်တို့သည်။ အတ္ထိ၊ ရှိကုန်၏။ အပတနာ၊ ပျံကား မပျံနိုင်ကုန်။ မေ၊ ငါ့အား။ ပါဒါ၊ ခြေတို့သည်။ သန္တိ၊ ရှိကုန်၏။ အ၀ဉ္စနာ၊ သွားကား မသွားနိုင်ကုန်။ မာတာပိတာ စ၊ ငါ့ကို ဆောင်မည့် အမိအဖတို့သည်လည်း။ နိက္ခန္တာ၊ အသက်ဘေးကြောင့် ရှောင်ပြေး ထွက်ခွါခဲ့ကုန်ပြီ။ ဇာတဝေဒ၊ အို တောမီး။ ပဋိက္ကမ၊ ပြန်၍ လှည့်သွား ရှောင်ရှားပါလေလော့။

(၇၇)

သဟ သစ္စေ ကတေ မယှံ၊ မဟာပဇ္ဇလိတော သိခီ။
ဝဇ္ဇေသိ သောဠသကရီသာနိ၊ ဥဒကံ ပတွာ ယထာ သိခီ။
သစ္စေန မေ သမော နတ္ထိ၊ ဧသာ မေ သစ္စပါရမီ။

မယှံ၊ ငါဘုရားသည်။ သစ္စေ၊ သစ္စာဆိုမှုကို။ ကတေ၊ ပြုအပ်သည်ရှိသော်။ သဟ၊ သစ္စာဆိုသည်နှင့် တပြိုင်နက်။ သိခီ၊ မီးသည်။ ဥဒကံ၊ ရေသို့။ ပတွာ၊ ရောက်သည်ရှိသော်။ ၀ဇ္ဇေတိ ယထာ၊ ငြိမ်းအေးပျောက်လေ ရှောင်လေဘိသကဲ့သို့။ တထာ၊ ထို့အတူ။ မဟာပဇ္ဇလိတော၊ ကြီးမားသော အရှိန်အလျှံရှိသော။ သိခီ၊ တောမီးသည်။ သောဠသကရီသာနိ၊ တဆယ့်ခြောက်ပယ်စာ အကွာသို့ တိုင်အောင်။ ၀ဇ္ဇေသိ၊ လုံးဝရုပ်သိမ်း ငြိမ်းအေး ရှောင်ခွါလေပြီ။ မေ၊ ငါ၏။ သစ္စေန၊ သစ္စာတရားနှင့်။ သမော၊ တူသော တရားကား။ နတ္ထိ၊ မရှိတော့ပေ။ ဧသာ၊ ဤသစ္စာအမှုသည်။ မေ၊ ငါဘုရား၏။ သစ္စပါရမီ၊ ထွတ်ဖျားရောက်လာ သစ္စာပါရမီတော်ပေတည်း။

ဝဋ္ဋသုတ္တံ နိဋ္ဌိတံ။
ဝဋ္ဋသုတ္တံ၊ ၀ဋ္ဋသုတ်သည်။ နိဋ္ဌိတံ၊ ပြီးပြီ။ ။

.

Friday 1 March 2013

ဘယ်သူသိနိုင်မလဲ ဒီလိုအခက်အခဲတွေကို....


 

 ရဟန်းဘ၀က တယ်မလွယ်လှဘူး။ အရာရာကို ထိန်းသိမ်းနေရတယ်။ ထိန်းသိမ်းနေရတာဆိုတာထက် ထိန်းချုပ်နေရတာ။ ရယ်ချင်ရင်လဲ ထိန်းချုပ်ရ၊ ငိုချင်ရင်လဲ ထိန်းချုပ်ရနဲ့။ ရဟန်းဆိုပေမဲ့ ပုထုဇဉ်ဘဲ ဆိုတော့ လူတွေနဲ့ ကွာတာဆိုလို့ သိက္ခာပုဒ်ထိန်းသိမ်းရတာ၊ စာပေလေ့လာနေရတာ၊ တစ်နေ့ကို ဆွမ်းနှစ်ထပ်ဘဲ စားရတာ၊ အလျဉ်းသင့်သလို တရားဘာဝနာ ပွါးများအားထုတ်တာ။ ဒါတွေဘဲ ကွာခြားတာ မဟုတ်လား။ ပွင့်ပွင့်လင်းလင်း ပြောရရင် ကျန်တဲ့ စိတ်အခြေအနေက ပုထုဇဉ်ပီပီ (အရိယာဖြစ်ပြီးသူများနှင့် တည်ကြည်မှုပြည့်ဝပြီးတဲ့သူများကို မရွယ်ရည်ပါ) ရယ်စရာတွေ့ရင် ရယ်ချင်မယ်။ ၀မ်းနည်းစရာရှိရင် ၀မ်းနည်းမယ်။ ယုတ်စွအဆုံး ငိုစရာ ရှိရင်တောင် မျက်ရည်ကို ကွယ်ရာမှာ တိုးတိုးတိတ်တိတ် ကျရရှာတဲ့ ဘ၀တွေလေ။

မှတ်မိသေးတယ်။ စာရေးသူနေခဲ့တဲ့ မြို့တစ်မြို့မှာ အသုဘ တစ်ခုဖြစ်တယ်။ အသုဘက ကလေးအသုဘပါ။ မိန်းခလေးငယ်ငယ်လေးဘဲ ရှိသေးတယ်။ ရှိလှမှ ခြောက်နှစ် ခုနစ်အရွယ်ပေါ့။ မွေးထားတာကလဲ တစ်ဦးတည်းသော သမီးဆိုတော့ မိဘတွေ ရင်ကွဲကြရောပေ့ါ။ အဆိုးဆုံးက မိခင်ဖြစ်သူပါ။ ဖခင်ဖြစ်သူဖြစ်သူက အတတ်နိုင်ဆုံး ထိန်းချုပ်နေပေမဲ့ မိခင်ဖြစ်သူကတော့ မိန်းမသားပီပီ အရူးတစ်ပိုင်းပေါ့။ စာရေးသူတို့က အဲဒီအသုဘအခမ်းအနားတက်ဖို့ သုဿာန်သွားပြီး အသုဘကမ္မဋ္ဌာန်းစီးဖြန်းရတာပေါ့။ သံဃာတွေ အများကြီးပါ။ အားလုံး အပါး သုံးဆယ်လောက်တော့ ရှိမယ်။ တရားမနာခင် တရားနာရအောင်ဆိုပြီး သူ့သမီးနာမည်ကိုလဲ ခေါ်လိုက်ရော ငိုလိုက်တာ မပြောပါနဲ့တော့။ ငိုယုံဆို တော်သေးတယ်။ ပိုဆိုးတာက သူ့သမီးနာမည်ကို ခဏခဏ ရေရွတ်ပြီး သူ့သမီးရဲ့ ဇာတ်ကြောင်းတွေ ပြောလိုက် ငိုလိုက်နဲ့။ သုဿာန်ထဲမှာ အလွန်ဝမ်းနည်းစရာကောင်းတဲ့ ဖြစ်ရပ်မှန် ဇာတ်ထုတ်တစ်ခုကို ကြည့်ရှုနားထောင်နေရသလိုမျိုး ဖြစ်နေတော့တာဘဲ။ အပြောကလဲ ဆွေးမြေ့စရာကောင်း ငိုသံကလဲ လုံးဝကြေကွဲသံ ပေါက်နေလေတော့ ကြွရောက်လာကြတဲ့ ပရိသတ်တွေလဲ မျက်ရည်တလည်လည် ရဟန်းသံဃာတွေကလဲ မျက်တောင် တစ်ခပ်ခပ်နဲ့ပေါ့။ ကျန်တဲ့ သံဃာတော်တွေတော့ မသိဘူး။ စာရေးသူကတော့ အဲဒီလိုမျိုးဆို ၀မ်းနည်းတတ်တဲ့ အကျင့်က ရှိလေတော့ ပရိတ်တရားရွတ်ဖတ်တဲ့အခါ အသံက မသိမသာ ခပ်တုန်တုန် ဖြစ်နေလေတော့ရဲ့။ အသံကို မနည်းထိန်းပြီး ရွတ်ဆိုခဲ့ရပါတော့လား။
.....

ငိုစရာပြီးတော့ ရယ်စရာလေးတွေ ပြောရဦးမယ်။ ရဟန်းဘ၀ အခက်အခဲဆိုတာကလဲ ရဟန်းကိုယ်တိုင် ပြောပြမှ သိကြမှာ မဟုတ်လား။ ဟိုတုန်းကတော့ ကိုယ်တိုင်ပြောပြရင်လဲ ကိုယ်နဲ့နီးစပ်ရာ ပတ်ဝန်းကျင်လောက်က လူတွေဘဲ သိကြမှာလေ။ အခုတော့ အတွေ့အကြုံလေးရေးလိုက် ဘလော့ပေါ်တင်လိုက် ကမ္ဘာတစ်ဝှမ်းက ဖတ်ချင်သူတွေက ဖတ်လိုက်နဲ့ ဆိုရှယ်နက်ဝါ့က်ဆိုတာကြီးက တယ် အသုံးဝင်လှသကိုး။ ဟုတ်တဲ့သတင်းလဲ အွန်လိုင်းပေါ်ရောက် မဟုတ်တဲ့ အတင်းလဲ အွန်လိုင်းပေါ်ရောက်နဲ့။ အသုံးဝင်ရာတွေကိုဘဲ ရွေးယူကြရုံပေါ့။ ဒီတော့ ပြောချင်တဲ့ စကားကို တစ်ခွန်းထဲသာ ပြောလိုက်။ မိနစ်ပိုင်းအတွင်း ကမ္ဘာနှံ့သွားရော။ ကောင်းပါလေ့။ အင်း... ရေးရင်းနဲ့ ဘယ်ရောက်ကုန်ပါလိမ့်။ အနုသန္ဓေ ပြန်စပ်ဦးမှ။ အမှန်က ရယ်ချင်ရက်သားနဲ့ ထိန်းသိမ်းခဲ့ရပုံလေးတွေပြောပြချင်တာပါ။

စာရေးသူ ကိုရင်ပေါက်စဘ၀တုန်းက တောရွာထုံးတန်းစဉ်လာလေးတွေအရ စာရေးသူနေထိုင်တဲ့ ရွာမှာလဲ နှစ်စဉ် တော်သလင်းလတိုင်း စာရေးတံ ဆွမ်း ကပ်လှူလေ့ရှိကြတယ်လေ။ စာရေးတံဆွမ်းဆိုတာ အားလုံးသိပြီးကြတဲ့အတိုင်းပါဘဲ။ မိမိတတ်နိုင်သလောက် ကိုယ့်အိမ်ကို သံဃာတစ်ပါး သို့မဟုတ် နှစ်ပါး သို့မဟုတ် သုံးပါးစသည် ပင့်ကြလေ့ရှိတယ်။ ဘယ်သံဃာက ဘယ်အိမ်ကိုကြွဆိုပြီးတော့တော့ ကြိုတင်ခွဲဝေ မထားကြဘူး။ မဲစနစ်နဲ့ဘဲ ခွဲဝေလေ့ရှိကြတယ်။ ရဟန်းတစ်ပါး သို့မဟုတ် ကိုရင်တစ်ပါးရဲ့ ဘွဲ့နာမည်ကို စာရွက်ကလေးနဲ့ရေး ပြီးတော့ အလိပ်လိပ် ပြီးတော့ ငွေဖလားကြီးထဲထည့်ပေါ့။ အဲဒါပြီးရင် မိမိအိမ်က ကြိုတင်လျှောက်တောင်းထားတဲ့အတိုင်း သုံးပါးလိုချင်တဲ့သူက ငွေဖလားကြီးထဲက မဲလိပ် သုံးလိပ်နှိုက်၊ နှစ်ပါးလိုချင်တဲ့သူက နှစ်လိပ်နှိုက်၊ တစ်ပါးဘဲ  လိုချင်တဲ့သူက တစ်လိပ် နှိုက်ယူပေါ့။ မိမိရတဲ့ မဲလိပ်ထဲက နာမည်အတိုင်း  သံဃာတွေကို မိမိအိမ်ကို ပင့်ဖိတ်သွားပြီး ဆွမ်းကွမ်းဝေယျာဝစ္စ ပြုလုပ် လှူဒါန်းပြီး ပရိတ်တရားစသည် နာကြားကြတာပေါ့။

ဖြစ်ချင်တော့ စာရေးသူက အိမ်တစ်အိမ်ကို သူငယ်ချင်းနှစ်ပါးနှင့်အတူ မဲကျသွားတယ်။ ကိုရင်အောင်ပုရယ် ကိုရင်တင်ထွန်းရယ်ပေါ့။ စာရေးသူ အပါအ၀င်ဆို စုစုပေါင်း သုံးပါး။ သူငယ်ချင်းအချင်းချင်းတွေဆိုတော့ အသက်ကလဲ တစ်နှစ်ကြီးတစ်နှစ်ငယ်လောက်ဘဲ ရှိမယ်။ အဲဒီအချိန်တုန်းက ရှိလှမှ အသက် ၁၁ နှစ် ၁၂ နှစ်အရွယ်ပေါ့။ ပျော်လို့ကောင်းတုန်း ဆော့လို့ကောင်းတုန်း ရယ်လို့ကောင်းတုန်း အသက်အရွယ်လေးတွေ မဟုတ်လား။ ကိုရင်ဘ၀နဲ့ နေရတာဆိုပေမဲ့လဲ အသက်က ငယ်သေးတော့ စာဖတ်စာအံတာထက် ကစားရတာ ဆော့ရတာကို ပိုခုံမင်နေတဲ့အချိန်လေ။ အဲဒါနဲ့... အဲဒီ ပင့်ဖိတ်လာတဲ့ ဒကာအိမ်ကို သုံးပါးအတူတူ သင်္ကန်းလေး ကပိုကရိုဝတ်ရုံပြီး ကြွသွားကြတာပေါ့။ 

အိမ်ရောက်တော့ အိမ်သားတွေ စုံစုံလင်လင် ဆွမ်းကပ်တယ်။ န၀ကမ္မလေးတွေ ကပ်လှူတယ်။ သီလယူတယ်။ အဲဒီအထိ အဆင်ပြေနေတုန်းဘဲ။ အဲဒါပြီးတော့ ပရိတ်ရွတ်ဖတ်ရမဲ့ အလှည့်ရောက်လာရော။ အားလုံးက ကိုရင်လေးတွေဆိုပေမဲ့ ဘုန်းတော်ကြီးကျောင်းတွေရဲ့ ပညာရေးကောင်းမွန်မှုကြောင့် ပရိတ်ကြီး ၁၁ သုတ်ကိုတော့ ဖင်ပြန်ခေါင်းပြန် အာဂုံရပြီးသားပါ။ ဒါပေမဲ့ ဘာက ထဖောက်လာသလဲဆိုတော့ ကိုရင်အောင်ပုရဲ့ ပါးစပ်ဘေးနားမှာ ထမင်းစေ့လေး ကပ်နေတာကို ကိုရင်တင်ထွန်းက မြင်သွားတယ်။ ပြီးတော့ စာရေးသူကို လက်ကုတ်ပြီး မေးငေါ့ပြတယ်။ ဘာရယ်လို့တော့ မဟုတ်ဘူး။ ကလေးအရွယ်တွေဆိုတော့ စာရေးသူနဲ့ ကိုရင်တင်ထွန်းနဲ့ ပြိုင်တူ ခွိကနဲ ဖြစ်သွားကြတယ်။ ပြီးတော့ ကိုရင်အောင်ပုကို အနားကပ်ပြီး ပါးစပ်ဘယ်ဘက်ဘေးနားမှာ ထမင်းလုံးလေး ကပ်နေတယ်လို့ တိုးတိုးလေး ပြောလိုက်တယ်။ ကိုရင်အောင်ပုလဲ ထမင်းလုံးလေးကို အသာလေး လက်နဲ့ ပွတ်ချလိုက်တယ်။ ဒါဆို ပွဲက ပြီးရမှာ။ ဒါပေမဲ့ ဘယ်လိုက ဘယ်လို ရယ်ကြောပေါက်သွားကြတယ် မသိဘူး။ ပရိတ်ရွတ်ရင်းနဲ့... သမန္တာ စက္က၀ါဠေသု.... ခွိ ခွိ ခွိ.... အတြာဂစ္ဆန္တု ဒေ၀တာ... ခွီး ခွီး ခွီး... သဒ္ဓမ္မံ မုနိရာဇဿ... အ ဟိ ဟိ... ဖြစ်နေကြတော့တာဘဲ။ သုံးပါးလုံး ပေါင်းရွတ်ပေမဲ့ သုံးပါးလုံးက ထိန်းချုပ်ရွတ်လိုက် တခွိခွိ အသံထွက်လာလိုက် အသံကျယ်လာလိုက် တိမ်ဝင်သွားလိုက်နဲ့ ဘယ်လို နေရမှန်းတောင် မသိတော့ဘူး။ ရယ်ချင်တာကို ထိန်းချုပ်ထားပြီး မအောင့်နိုင်တော့လို့ ထွက်လာကျလာတဲ့အသံကိုက ရယ်စရာတစ်ခုဖြစ်နေပြန်တယ်။ အဲဒီတော့ တစ်ယောက်က အောင့်အီးထိန်းချုပ်ပြီး ဆက်ရွတ်လိုက် တစ်ယောက်က ခွိကနဲ လုပ်လိုက်ပေါ့။  အဲဒီလိုဖြစ်နေတော့ ကျန်တဲ့ သူတွေကလဲ မအောင့်နိုင်ပြန်တော့ဘူး တခွိခွိ ပြန်ဖြစ်သွားရောပေါ့။

အဲဒီလို ရွတ်ရင်းနဲ့... မေတ္တသုတ် ရောက်လာတယ်။ ကရဏီယမတ္ထကုသလေန... ဟီး ဟီး ဟီး... ယန္တသန္တံ... ခွီးခွီးခွီး... ထိန်းချုပ်ရတာများလာတော့ မျက်ရည်တွေတောင် ထွက်ကျလာတယ်။ ရှေ့တည့်တည့်မှာက ပရိတ်တရားနာယူနေကြတဲ့ အိမ်ရှင်မိသားစု အစုံအလင်ရယ်။ ဒီတော့ အိမ်ရှင် ဒကာလုပ်တဲ့သူက... ကဲ.. ကိုရင်တို့... အဆင်မပြေရင်လဲ ပရိတ်ကို ဆက်မရွတ်ကြပါနဲ့တော့ဘုရား... တပည့်တော် ရေစက်ဘဲ ချလိုက်ပါတော့မယ်ဘုရားတဲ့။ စာရေးသူတို့ အရပ်ဘက်မှာက ရေစက်ချတာကို ဒကာဒကာမတွေက လုပ်ကြတာလေ။ ဒကာဒကာမ အတော်များများ ရေစက်ချအမျှဝေခန်းကို ကျက်မှတ်ထားလေ့ရှိကြတယ်လေ။ အိမ်ရှင်ဒကာက အဲဒီလို လျောက်လိုက်တော့မှဘဲ စာရေးသူတို့ နဲနဲ ထိန်းချုပ်လာနိုင်တော့တယ်။ ဒါတောင် ကိုရင်အောင်ပုနဲ့ ကိုရင်တင်ထွန်းတို့ဆီက ရယ်သံနဲနဲ ထွက်လာသေးတယ်။ အဲဒါနဲ့... သူတို့ကို ပရိတ်မရွတ်ဘဲ အသာလေးနေဖို့ ပြောပြီး စာရေးသူကဘဲ ပရိတ်တရားကို ပြီးသည်အထိ ရွတ်ဖတ်ပေးခဲ့ရတယ်။ ဒီအဖြစ်အပျက်ကလေးတွေဟာ မထူးဆန်းပေမဲ့ အမှတ်ရစရာတော့ အမြဲဖြစ်ကျန်ရစ်ခဲ့တယ်။ အခုဆို ကိုရင်အောင်ပုတို့ ကိုရင်တင်ထွန်းတို့လဲ သားနဲ့မယားနဲ့ ကလေးတွဲလွဲတွေ ဖြစ်နေကြကုန်ရောပေါ့။

နောက်တစ်ခု...။ အင်း....တစ်ခု မကပါဘူး။ အတွေ့အကြုံတွေက အများသားရယ်။ အတွေ့အကြုံများဆို ရဟန်းသက်ကလဲ အတော်လေး ရလာပြီကိုး။ အဲဒီ အတွေ့အကြုံတွေထဲက လန်ဒန်ရောက်ပြီး တွေ့ကြုံခဲ့ရတဲ့ အတွေ့အကြုံလေးတစ်ခု ပြောပြရဦးမယ်။ လန်ဒန်ရောက်လာတာ လေးငါးနှစ်လောက်တော့ ရှိပါပြီ။ ဒါပေမဲ့ ကိုယ့်ထက် အသက်သိက္ခာ ကြီးတဲ့ သူတွေနဲ့ နေရတာဆိုတော့ တရားဟော ရေစက်ချအလုပ်ကို မလုပ်ဖြစ်သလောက်ပါဘဲ။ စီနီယာတွေကဘဲ လုပ်လေ့လုပ်ထရှိကြတယ်လေ။  ရဟန်းလောကရဲ့ ကျင့်ထုံးတစ်ခုလို့ ပြောရင်လဲ ရပါတယ်။ ပိဋကတ် စာထဲမှာတောင်မှ... မထေရ်ကြီးက တရားဟောခြင်း၊ မထေရ်ကြီးက တိုက်တွန်း၍ဟောခြင်း... ဆိုပြီးတော့ ဆိုထားတယ် မဟုတ်လား။ စာရေးသူလဲ တရားဟောတဲ့အလုပ်ကို အရမ်းဝါသနာမပါတာနဲ့ ဟန်ကျလို့ပေါ့။ ဒါပေမဲ့ ရဟန်းဘ၀နဲ့နေရင်တော့ တစ်နေ့နေ့ တစ်ကွေ့ကွေ့ ဒီတာဝန်တွေကို ထမ်းဆောင်ရဦးမှာ မဟုတ်လား။ အမှန်ပြောရရင် ကိုရင်ပေါက်စ ဘ၀ကထဲက ကိုယ့်ထက် အသက်ကြီးတဲ့ ကိုရင် ရဟန်းတွေနဲ့ ပေါင်းလာတာဆိုတော့ သူငယ်ချင်းတွေထဲမှာ စာရေးသူက အငယ်ဆုံးပါဘဲ။ ဒီတော့ အဲဒီ တရားဟောတဲ့အလုပ်ကို ခေါင်းရှောင်လို့ ကောင်းခဲ့တာပေါ့။

အခုတော့ အဲဒီတစ်ကွေ့ကွေ့ဆိုတာကြီးကို ထိပ်တိုက် တွေ့ရပါရောလား။ တရားမဟောလို့ မရတဲ့ အခြေအနေဖြစ်လာလို့လေ။ ကိုယ့်ထက်ကြီးတဲ့ စီနီယာတွေက သင့်တော်တဲ့ နေရာတွေကို အသီးသီး ကြွသွားကြလေတော့ အဲဒီတရားဟော ရေစက်ချ တာဝန်ကြီးဟာ စာရေးသူ ခေါင်းပေါ် ရောက်လာပါရောလား။ တရားဟောဆိုပေမဲ့ ဟိုလို တရားပွဲကြီးတွေ မဟုတ်ပါဘူး။ ဆွမ်းစားကွမ်းစားနဲ့ တစ်ခြားအရေးအကြောင်းလေးတွေမှာဘဲ ဟောရတာပါ။ ဒီတော့ တရားလေးတွေ ကျက်မှတ် ရေစက်ချတွေကို အလွတ်ကျက်နဲ့ မလျှောက်တတ်လျှောက်တတ် လျှောက်လာလိုက်တာ အခုထက်ထိ ထော့ကျိုးထော့ကျိုးပါဘဲ။ အဲဒီ တာဝန်ယူပြီး တစ်နှစ်အတွင်းမှာဘဲ အတွေ့အကြုံတွေ အတော်များများ ရခဲ့တယ်။

တစ်နေ့မှာ မိသားစုတစ်စု နေ့ဆွမ်းလာကပ်ကြတယ်။ မွေးနေ့ဆွမ်းပါ။ အဖေရယ် အမေရယ် သမီးပေါက်စရယ်။ စုစုပေါင်း သုံးယောက်ထဲပါ။ သမီးပေါက်စက အသက် ၅ နှစ်လောက်ဘဲ ရှိဦးမယ်။ ထုံးစံအတိုင်း သီလပေး ပရိတ်ရွတ် တရားစကားနဲနဲပြော ပြီးတော့ ရေစက်ချပေါ့။ ရှေ့ပိုင်းတွေမှာ အတော်လေး အဆင်ပြေပါတယ်။ ဒါပေမဲ့ ရေစက်ချတဲ့ အပိုင်းရောက်လာတော့ အမှတ်မထင် သမီးအငယ်လေးက လေလည်လိုက်တယ်။ လေလည်သံကလဲ နဲနဲကျယ်လေတော့ အားလုံး အတိုင်းသား ကြားရပါတယ်။ အဲဒီမှာ အဖေဖြစ်တဲ့သူက တခိခိရယ်တယ်။ သမီးလေးကလဲ ရှက်ကိုးရှက်ကန်း ဖြစ်ဟန်တူပါရဲ့။ သူ့အဖေကို ဆိတ်ဆွဲဆွဲနေတာ တွေ့ရတယ်။ ဒါပေမဲ့ အဖေလုပ်သူလဲ ရယ်ကြောပေါက်သွားလို့ ထင်ပါရဲ့။ ဘယ်လိုမှ ထိန်းမရတော့ဘူး။ သူ့သမီးလေးကို လက်ဆွဲပြီး တရားနာတဲ့ အခန်းထဲက ထွက်သွားပါလေရော။ အဲဒီတော့ အမေလုပ်သူတစ်ယောက်ထဲနဲ့ဘဲ ရေစက်ချကို အဆုံးသတ်လိုက်ရတယ်။ တော်ပါသေးရဲ့။ အမေကိုယ်တိုင်ပါ ထရယ်နေရင် တရားနာ ပရိသတ် တစ်ယောက်မှ ရှိတော့မှာ မဟုတ်ဘူး။ ပြီးတော့ တရားဟောတဲ့ သူကလဲ ငယ်ငယ်တုန်းကထဲက ရယ်သွေးရယ်မာန် ရှိလာခဲ့တာဆိုတော့ တရားဟောသူနှင့် တရားနာသူတွေ တခိခိဖြစ်နေကြရင် မခက်လား။

နောက်တစ်ခုရှိသေးတယ်။ အဲဒါလဲ ရေစက်ချပေးတဲ့ အချိန်မှာ ပြဿနာပေါ်တာဘဲ။ နေ့ဆွမ်းလာကပ်ကြတဲ့ စုံတွဲတစ်တွဲပါ။ အင်း... ရေးသာရေးနေရတယ်။ ဒီစာကို သူတို့ ဖတ်မိရင် သူတို့ကို ဖောက်သည်ချရကောင်းလားဆိုပြီး ကျောင်းဆွမ်းလာမကပ်တော့ရင်တော့ ဒုက္ခ။း) ဒါပေမဲ့ ရဟန်းဘ၀မှာ ကြုံတွေ့လေ့ရှိတဲ့ တစ်ချို့ကိစ္စလေးတွေကို မျှဝေပေးချင်တဲ့ စာရေးသူရဲ့ ဆန္ဒကို သူတို့ သိရင် နားလည်မှု ပေးနိုင်မယ်လို့ ယုံကြည်ပါတယ်။ ပြီးတော့ သူတို့ နာမည်ကိုလဲ ထည့်မရေးထားဘူးလေ။ ကဲ ရှိစေတော့။ ဆက်ကြဦးစို့ရဲ့။ အဲဒီ စုံတွဲလဲ သီလပေး ပရိတ်တရားနာ အားလုံး အိုကေပါဘဲ။ ရေစက်ချအပိုင်း ရောက်လာတော့ ဒူးတုပ် လက်အုပ်ချီပြီး စာရေးသူ ရှေ့က တိုင်ပေးတဲ့ ရေစက်ချကို လိုက်ဆိုကြတာပေါ့။ သူတို့က ရေစက်ချကို အတိုလေး ပြီးမယ်လို့ ထင်ထားပုံရတယ်။ ဒါကြောင့် ဒူးတုပ်ပြီး ရေစက်ချကို လိုက်ဆိုနေတာ ဖြစ်မယ်။ ဒူးတုပ်တာက ခြေထောက်ကို တစ်ကိုယ်လုံး ဖိထိုင်ထားသလို ဖြစ်နေတာ မဟုတ်လား။ ဒီတော့ သူတို့ ခြေကျင်ပေမပေ့ါ။ ရေစက်ချက အတော်လေး ရှည်လာတော့ သူတို့ထဲက ယောက်ျားလုပ်တဲ့သူက တောင့်ခံနိုင်ပုံမရတော့ဘူး။ ခန္ဓာကိုယ် လှုပ်လှုပ် လှုပ်လှုပ် ဖြစ်လာတယ်။ တိုက်တိုက်ဆိုင်ဆိုင် ရေစက်ချ စာပိုဒ်ထဲက.... သုံးဆယ့်တစ်ဘုံ၌ ကျင်လည်ကြကုန်သော... ဆိုတဲ့ အပိုဒ်လဲ ရောက်ရော ယောက်ျားလုပ်သူက သူခြေကျင်လာတာ ဘယ်လိုမှ မထိန်းနိုင်တော့လို့ ခန္ဓာကိုယ်ကို တစ်ဘက်လည်ထိုင်လိုက်တာကို တွေ့ရတယ်။ ရေစက်ချစာပိုဒ်ထဲက ...ကျင်လည်ကြကုန်သော... ဆိုတဲ့ အပိုဒ်နဲ့ သူ့ခြေကျင်ပြီး လည်ထိုင်လိုက်တာနဲ့ ကွက်တိဖြစ်နေတာကိုက ရယ်ချင်စရာကြီးမဟုတ်လား။ တိုက်ဆိုင်ပုံပြောပါတယ်။ ကျင်လည်တာခြင်းတူပေမဲ့ ရေစက်ချစာပိုဒ်ထဲက ကျင်လည်တာက သံသရာမှာ ကျင်လည်တာ။ သူ ကျင်လည်တာက ခြေကျင်ပြီး လည်ထိုင်လိုက်တာလေ။ နဲနဲတောင် ရယ်မိတော့မလို့ မနည်းထိန်းချုပ်ပြီး ရေစက်ချကို အမြန်အဆုံးသတ်လိုက်ရတယ်။

ပုထုဇဉ်မှန်ရင်တော့ ရယ်မောကြမှာပါဘဲလေ။ မြတ်ဗုဒ္ဓတောင်မှ အကြောင်းတိုက်ဆိုင်ရင်ပြုံးသေးတာ မဟုတ်လား။ ဘုရားရှင်က ပြုံးလိုက် ရှင်အာနန္ဒာက ဘာဖြစ်လို့ ပြုံးတာလဲ မေးလိုက် ဘုရားရှင်က အတိတ်ဇာတ်ကြောင်းဟောလိုက်နဲ့ အတော်လေး အထာကျခဲ့တယ်။ ဘုရားရှင်က ပြိတ္တာကို တွေ့ရင်လဲ ပြုံးလိုက်တာဘဲ။ တီထွေးကိုမြင်လဲ ပြုံးလိုက်တာဘဲ။ ပြုံးဆို အတိတ်အကြောင်း ဆောင်ယူလိုတဲ့ ဆန္ဒ ရှိနေတာကိုး။ ဒါပေမဲ့ ဘုရားရှင် ပြုံးတော်မူတာက စဉ်းငယ်သွားပေါ်ရုံပြုံးတာ၊ ပြီးတော့ ကုသိုလ်အကုသိုလ်က အလွတ်ဖြစ်တဲ့ ကိရိယာစိတ်နဲ့ ပြုံးတာလေ။ စာရေးသူတို့ကျတော့ ပြုံးရုံတင် မကတော့ဘူး။ တခွိခွိ တဟားဟား ဖြစ်ကြကုန်ရော။ တခွီးခွီး တဟားဟား ဖြစ်တာက ကိစ္စမဟုတ်ဘူး။ တော်ကြာ ကင်မရာတွေက ပေါမှပေါပါဘိသနဲ့။ အဲဒီလို ရယ်မောနေတဲ့ ပုံတွေများ အွန်လိုင်းပေါ်ရောက်သွားရင် မသင့်တော်ဘူးမဟုတ်လား။ 

ဒီတော့ ရဟန်းဘ၀ဆိုတော့ သာရေးနာရေး စတဲ့ ပွဲတွေ ရှောင်လွဲလို့ မရနိုင်ပါဘူး။ တစ်ကွေ့ကွေ့မှာ ကြုံကြရဦးမှာပါ။ အဲဒီလို ကြုံကြိုက်လာတဲ့အခါ မှင်သေသေ ငိုခြင်းရယ်ခြင်းကင်းသောမျက်လုံးနဲ့ နေနိုင်ဖို့ ကြိုးစားရဦးမှာပါဘဲ။ (စာဖတ်သူများ အနေဖြင့်လဲ) ရယ်ခြင်းငိုခြင်းကို မထိန်းနိုင်လို့ တရားပေးရင်း တခွိခွိဖြစ်နေတဲ့ ရဟန်းတစ်ပါးကို တွေ့မြင်ရရင်လဲ နားလည်ပေးနိုင်ကြပါစေလို့ ဆန္ဒပြုရင်း ရဟန်းဘ၀အတွေ့အကြုံတစ်စိပ်တစ်ဒေသကို ကိုယ့်ပေါင်ကိုယ်လှန်ထောင်းလိုက်ရကြောင်းပါ။ ။

***Photo
From here by courtesy of Google Search