ခပ်ပြင်းပြင်းတံခါးခေါက်သံ

ဒေါက် ဒေါက် ဒေါက်။ 

တံခါးခေါက်သံ ကြားရတယ်။ လက်ဆပြင်းပြင်းခေါက်တဲ့အသံ။ ဒီအချိန်(မနက် ၁၁ နာရီခန့်) ဆို စာပို့သမားလာနေကျအချိန်။ စာပို့သမားလာရင် စာပါမယ်။ ပါဆယ်ထုပ်တွေပါမယ်။ တစ်ချို့စာတွေ၊ တစ်ချို့ပါဆယ်ထုပ်တွေကို လက်မှတ်ထိုးပြီး ရွေးယူရတယ်။ အဲဒီလို လက်မှတ်ရေးထိုးဖို့ လိုပြီဆိုရင် တံခါးကို ခေါက်လေ့ရှိတယ်။ လူခေါ်ဘဲလ်ရှိပေမဲ့ ရာသီဥတုရဲ့ဒဏ်ကြောင့် ဘဲလ်ကသိပ်အလုပ်မလုပ်။ ဒါကြောင့် အင်္ဂါမောင်တို့ကျောင်းမှာ တံခါးခေါက်သံ မကြာမကြာ ကြားရလေ့ရှိတယ်။

အွန်လိုင်းဘဏ်ကင်းရတဲ့အတွက် အင်္ဂါမောင်တို့ ဈေးဝယ်ရင် အွန်လိုင်းက လှမ်းဝယ်လိုက်တာများတယ်။ ဘာတွေဝယ်သလဲ။ ပညာရေးသမားဆိုတော့လဲ ပညာရေးနဲ့ ပတ်သက်တဲ့ သင်ထောက်ပစ္စည်းတွေကိုဘဲ များသောအားဖြင့် ၀ယ်ဖြစ်တယ်။ ဥပမာ။ စာအုပ်စာတမ်း၊ အီလက်ထရောနစ်ဒစ်ရှင်နရီ၊ အီးဘုတ်ရီ့ဒါ စသဖြင့်ပေါ့။ Amazon တို့ Waterstones တို့ Wisdombookshop တို့  Ebay တို့ Play.com တို့ဆီကဘဲ လှမ်းမှာလိုက်တာ များပါတယ်။ အင်တာနက်ကျေးဇူးကြောင့် စာအုပ်ဆိုင်ကို ကိုယ်တိုင်သွားပြီး ၀ယ်စရာမလိုတော့ဘူးပေါ့။

အင်္ဂါမောင်အိပ်ခန်းရဲ့ အပေါ်ထပ်အခန်းက ဦးဇင်းတစ်ပါး မြန်မာပြည် ပြန်သွားတယ်။ မာစတာဒီဂရီ ပူပူနွေးနွေး ပိုက်ထွေးပြီး အပြီးပြန်သွားတာပါ။ အွန်လိုင်းက ဈေးဝယ်တဲ့ နေရာမှာ သူကမှ တကယ့်ဆရာကြီးပါ။ ဆရာကြီးဆို ကလစ်အလုပ်မှားလို့ ပေါင်စတာလင်ငွေ ပွန်းပဲ့ပါသွားတဲ့ အကြိမ်လဲ နဲမှ မနဲတော့တာ။ သူ မြန်မာပြည်မပြန်ခင် အွန်လိုင်းကနေ ပစ္စည်းတွေ အများကြီးဝယ်သွားတယ်။ မြန်မာပြည်မှာ သူ့တပည့်တွေက အပါး ၄၀၀ လောက်ရှိတာဆိုတော့ လက်ဆောင်ပစ္စည်းအနေနဲ့ ဘောလ်ပင်တွေ အချောင်း ငါးရာကျော်လောက် ၀ယ်သွားတယ်။ သူ့ရဲ့နာမည်ကို ဘောလ်ပင်မှာ Imprint လုပ်ပြီးတော့ပေါ့။ ပစ္စည်းတွေ မှာထားတော့လဲ ပစ္စည်းတွေ နေ့စဉ်ရောက်လာတယ်။ ပစ္စည်းတွေ ရောက်လာတိုင်းလဲ ဒေါက် ဒေါက် ဒေါက်ဆိုတဲ့ တံခါးခေါက်သံကို ကြားရလေ့ရှိတယ်။

အင်္ဂါမောင်ကတော့ ပညာဆက်သင်ဦးမှာဆိုတော့ လန်ဒန်မှာ ဆက်ကျန်ရစ်တယ်။ ပညာရေးအတွက် စာအုပ်စာတမ်းတွေကို အွန်လိုင်းက မှာယူတယ်။ ပညာရေးရိက္ခာဆိုလဲ မမှားဘူးပေါ့။ မြန်မာပြည်ပြန်မဲ့ ဦးဇင်းကတော့ မြန်မာပြည်ပြန်ရောက်ရင် လက်ဆောင်ပေးဖို့ ပစ္စည်းပစ္စယတွေကို အွန်လိုင်းက မှာယူတယ်။ ပြန်တော်ပြန် ရိက္ခာတွေ အနေနဲ့ပေါ့။ ရိက္ခာများများစုထားနိုင်မှ ပညာရေးဘက်မှာ အဆင်ပြေနိုင်သလို၊ ပြန်တော်ပြန်ခရီးလဲ အဆင်ပြေမှာ မဟုတ်လား။ ဒါကြောင့် တံခါးခေါက်သံကြားတိုင်း ရိက္ခာထုပ်ပြင်ဆင်ဖို့ ပိုပြီး သတိကိုဖြစ်စေတယ်။

ဒေါက် ဒေါက် ဒေါက်။

ဒီလို အပြင်းစားတံခါးခေါက်သံကို လူတိုင်း တစ်နေ့နေ့မှာ ကြားရဦးမှာပါ။ ကြုံရဦးမှာပါ။ ဘယ်နေ့မှန်းမသိပေမဲ့ တစ်နေ့နေ့မှာတော့ ဒီတံခါးခေါက်သံကို ကြားကို ကြားရဦးမှာပါ။ မကြားချင်လို့ မရပါဘူး။ ထွက်ပြေးလို့လဲ မရပါဘူး။ ပုန်းရှောင်လို့လဲ မရပါဘူး။  မြေအောက်၊ ရေအောက်၊ ကောင်းကင်၊ အာကာသ၊ စကြာဝဠာတစ်ခုလုံး ဘယ်မှာပုန်းရှောင်ပုန်းရှောင် လုံးဝ မလွတ်မြောက်နိုင်ပါဘူး။ ဧကဧကန်ကြုံရဦးမှာပါ။ ဒါဖြင့် အဲဒီတံခါးခေါက်သံက ဘာလဲ။ ရှင်းရှင်းလေးပါဘဲ။ အဲဒါ သေမင်းရဲ့ တံခါးခေါက်သံ။ လက်ရှိဘ၀က ထွက်ခွါဖို့ အချက်ပေးတဲ့ တံခါးခေါက်သံ။ သံသရာခရီးကို သွားဖို့ လာခေါက်တဲ့ တံခါးခေါက်သံ။

ဒီခရီးကို သွားဖို့အတွက် ဘာတွေပြင်ဆင်ပြီးပြီလဲ။ ဘာရိက္ခာထုပ်တွေ ထုပ်ပိုးပြီးပြီလဲ။ ဒီရိက္ခာထုပ်တွေကိုတော့ အွန်လိုင်းကနေ၀ယ်လဲ မရဘူး။ အပြင်ဆိုင်ကနေ၀ယ်လဲ မရဘူး။ Amazon က ၀ယ်လဲ မရဘူး။ Waterstones က ၀ယ်လဲ မရဘူး။ Wisdombookshop က ၀ယ်လဲ မရဘူး။ Ebay က ၀ယ်လဲ မရဘူး။ Play.com က ၀ယ်လဲ မရဘူး။ ဘယ်မှာမှ ၀ယ်လို့ မရပါဘူး။ မိမိရဲ့ ခန္ဓာကိုယ်ထဲကဘဲ ၀ယ်ယူပြီး ရိက္ခာစုဆောင်း ထုပ်ပိုးရမှာပါ။ စိတ်ရှင်းတဲ့ ဒါနနဲ့ ရိက္ခာထုပ်ကြရမယ်။ ဖြူစင်တဲ့ သီလနဲ့ ရိက္ခာထုပ်ကြရမယ်။ အားပါတဲ့ ဘာဝနာနဲ့ ရိက္ခာထုပ်ကြရမယ်။ စိတ်သန့်သန့်နဲ့ အထုပ်ထုပ်ကြရမယ်။ တရားရှာ ကိုယ်မှာတွေ့လို့ ဆိုထားတယ်မဟုတ်လား။

အင်္ဂါမောင်တို့အားလုံး ဘာရိက္ခာတွေ ထုပ်ပြီးပြီလဲ။ မထုပ်ရသေးရင် ထုပ်ဖို့ ပြင်ဆင်သင့်ပြီ။ အနာဂါတ်ဆိုတာ ဘာမှ သေချာတာမဟုတ်ဘူး။ လက်ရှိပစ္စုပ္ပန်က အကောင်းဆုံးပါဘဲ။ များများကြီး တစ်ခါထဲ စုဆောင်းထုပ်ပိုးနေစရာမလိုပါဘူး။ နဲနဲစီစုဆောင်းထားရင် တစ်နေ့မှာ လုံလောက်တဲ့ ရိက္ခာထုပ်ကြီး ဖြစ်လာမှာပါ။ တစ်စတစ်စ၊ စွန့်ဝံ့မှလျှင်၊ ဘ၀နောက်နှောင်း၊ ဆက်တိုင်းကောင်း၏ တဲ့။ စုထားကြ။ စုထားကြ။ နဲနဲစီစုထားကြ။ တော်ကြာ တံခါးခေါက်သံကြားရမှ အထုပ်မပါဘဲ လိုက်ပါသွားရဦးမယ်။ အထုပ်ပါမသွားရင်တော့ တရားသူကြီးယမမင်းလဲ မျက်နှာလှမှာ မဟုတ်ဘူး။ အထုပ်ပါမလာတဲ့ လူတွေကို တရားသူကြီး ဘယ်လိုဆုံးဖြတ်မယ်ထင်လဲ။ ရှင်းရှင်းလေးပါဘဲ။ သွားရော့ လဟယ်၊ သေဟဲ့ နန္ဒိယ ဘဲပေါ့။  ။

.