အတွေးထဲက မြူခိုး

ညဉ့်နက်သွားပြီ။ အတော်လေးကို ညဥ့်နက်နေပြီဘဲ။ နာရီကို လှမ်းကြည့်လိုက်တော့ မနက် ၂ နာရီ ၂၇ မိနစ်။ အိပ်ဖို့သင့်ပြီ။ ဖတ်လက်စ Sangha and State In Burma (A Study of Monastic Sectarianism and Leadership) စာအုပ်လေးကို Bookmark လုပ်ထားပြီး အဖုံးပိတ်လိုက်တယ်။ ပြီးတော့ ထုံးစံအတိုင်း အိပ်ခါနီး ရေအိမ်ခဏ၀င်ဖို့ အခန်းအပြင်ဘက်ထွက်လိုက်တယ်။ အမှတ်တမဲ့နဲ့ ပြတင်းပေါက်မှတစ်ဆင့် အပြင်ဘက်ပတ်ဝန်းကျင်ကို အကဲခတ်ကြည့်လိုက်မိတယ်။ တိတ်လို့ဆိတ်လို့ပါလား။ ဒါပေမဲ့ အဲဒီတိတ်ဆိတ်မှုကို အံတုနေတဲ့အရာတစ်ခုကိုတော့ ကွက်ကွက်ကွင်းကွင်း မြင်ရလိုက်တယ်။ နှင်းမြူတွေ။

ဟုတ်တယ်။ အပြင်မှာ နှင်းမြူတွေ ကျနေတယ်။ ကျလိုက်သမှ ရှေ့နောက် ၀ဲယာ ဘာမှကို သဲသဲကွဲကွဲမမြင်ရအောင် ကျနေတာ။ ညဘက်မို့ တော်ပါသေးရဲ့။ နေ့ဘက်များ ခုလို မြူထူထူထပ်ထပ် ကျဆင်းနေရင် လမ်းပေါ်ပြေးလွှားသွားလာနေတဲ့ ယာဉ်ရထားတွေ၊ ရုန်းကန်လှုပ်ရှားနေကြတဲ့လူတွေ၊ အစာရှာနေကြတဲ့သတ္တ၀ါတွေအတွက်တော့ ဒုက္ခဘဲ။ လမ်းခရီးကြန့်ကြာနိုင်တယ်။ ယာဉ်တိုက်မှုတွေ ပေါ်ပေါက်လာနိုင်တယ်။ သွားရေးလာရေး ခက်ခဲလာနိုင်တယ်။ အော်... ဒုက္ခ.. ဒုက္ခ.. ဒုက္ခ။

ဒါနဲ့။ ငါတို့နှလုံးသားထဲမှာရော မြူတွေ ကင်းနေပြီလား။ ဟင့်အင်း။ မကင်းသေးဘူး။ လုံးဝ မကင်းသေးပါဘူး။ လောဘမြူတွေ၊ ဒေါသမြူတွေ၊ မောဟမြူတွေ၊ မာနမြူတွေ၊ ဣဿာမြူတွေ၊ မစ္ဆရိယမြူတွေ ပြည့်လို့ကြပ်လို့ပါဘဲ။ မတရားလိုချင်စိတ်တွေ။ မလိုမုန်းထားစိတ်တွေ၊ တွေဝေစိတ်တွေ၊ မခံချင်စိတ်တွေ၊ မနာလိုစိတ်တွေ၊ ၀န်တိုစိတ်တွေ။ အဲဒီလို ကိလေသာမြူညစ်မြူဆိုးတွေ ငါတို့နှလုံးသားထဲ အသွေးအသားထဲမှာ စွဲမြဲတည်နေကြတယ်။ ဒီလိုမြူညစ်မြူဆိုးတွေ ပေကျံနေတဲ့ နှလုံးသားနဲ့ သံသရာလမ်းကြမ်းကြီးကို ဘယ်လိုခုတ်မောင်း ဖြတ်ကျော်နိုင်ပါ့မလဲ။ ငါတို့သွားရမဲ့ မိန်းလမ်းမကြီးက မှုန်ဝါးနေတယ်။ ညစ်ပေနေတယ်။ ရှုပ်ထွေးနေတယ်။ ဒါကြောင့် မဂ္ဂင်ယာဉ်ရထားစီးပြီး သွားရင် လမ်းခရီးတစ်ဝက်မှာ သောင်တင်နိုင်တယ်။ ယာဉ်တိုက်မှုဖြစ်ပြီး အောက်ကို ပြုတ်ကျနိုင်တယ်။ လမ်းခရီးမဖြောင့်ဖြူးနိုင်တော့ဘူး။ ဒါကမှ တကယ့်ဒုက္ခစစ်။

ပကတိမြူခိုးတွေကြောင့် အလွန်ဆုံး တစ်ဘ၀ဘဲ သေကြေပျက်စီးနိုင်တယ်။ နှလုံးသားထဲမှာရှိတဲ့ ကိလေသာ မြူအညစ်အကြေးတွေကြောင့်ကား မဂ္ဂင်ယာဉ်ကြီး တိမ်းမှောက်ပြီး သံသရာတစ်လျောက်လုံး ဆင်းရဲအတိဖြစ်သွားနိုင်လောက်တယ်။ ဒါဆို ရင်တွင်းဖြစ် မြူခိုးတွေနဲ့ နှိုင်းယှဉ်လိုက်ရင် ပြတင်းပေါက်အပြင်ဘက်မှာ ဝေနေတဲ့ ပကတိမြူခိုးတွေရဲ့ ဘေးရန်က ဘာမှ မပြောပလောက်တော့ပါလား။ အဲဒီလို စဉ်းစားပြီး အပြင်က မြူခိုးတွေကို ဥပေက္ခာပြုကာ အခန်းတွင်းဝင်ပြီး အိပ်စက်ဖို့ ပြင်ဆင်မိပါတော့တယ်။

.