တရုန်းရုန်း ပွင့်နေတဲ့
ဒီဂမုန်းတွေအောက်
ငါ
စစ်ရှုံးရတော့မှာလား။
ချွတ်ယွင်းချက်နဲ့ သိုင်းချည်ထားပေမဲ့
ဒီ ပြိုင်ဖက်လွင်ပြင်ရိုင်းတွေကြောင့်
ငါ့ကောင်းကင် သမိုင်းမှာ
တိမ်လှိုင်းတွေ မှိုင်းမှုံလို့။
တဖွဲဖွဲ တသဲသဲ
သဲကြီးမဲကြီး ရွာချလိုက်တာများ
ငါ့နာတာရှည် ကန်ဘောင်ရိုးတွေ
ကျိုးလုလု။
သပြေနုရေ
ယိုင်လုလု ငါ့ ချည်တိုင်ကို
ဖေးကိုင်ပေးပါဦး
မျက်ဝန်းအလှုပ်မှာ
ငါ့ သက်တမ်းတွေ ပြုတ်မှာ ကြောက်လို့။
.
အဲဒီ ဘီးကြီးပေါ့။ ၀င်ရိုးတွေ ထောက်တိုင်တွေ ပဋိစ္စသမုပ္ပါဒ် မပြတ်သေးသမျှ ဂျတ်အေး သူ့အမေရိုက်သလို...
Tuesday 10 April 2012
Monday 9 April 2012
မုဒိတာပန်းတွေ ထပ်ပွင့်ခွင့်ရပြန်ပြီ အမှတ် ၃
မြန်မာမုဒိတာလူငယ်များအဖွဲ့မှ မရမ်းချောင်းအနာကြီးရောဂါဂေဟာသို့ သွားရောက်လှူဒါန်းခဲ့သည့် မှတ်တမ်းနှင့် အလှူငွေစာရင်း ရှင်းတမ်းတို့ကို မြန်မာမုဒိတာလူငယ်များအဖွဲ့ ဘလော့ဂ်မှ ကူးယူပြီး မျှဝေးပေးလိုက်ပါသည်။ အားလုံး မုဒိတာတရား လက်ကိုင်ထားနိုင်ကြပါစေ။
အားလုံးမင်္ဂလာပါခင်ဗျား။အလှုရှင်များရဲ့ စေတနာသဒ္ဓါတရားထက်သန်မှုကြောင့် MMYGရဲ့ ဒုတိယအလှုဖြစ်တဲ့ မရမ်းချောင်း အလှုဟာ အောင်မြင်စွာ ပြီးဆုံးခဲ့ပြန်ပါပြီ။အလှုဓါတ်ပုံများကို ကြည့်ရှုရခြင်းအားဖြင့် အလှုရှင်များအနေနဲ့လည်း မိမိတို့ရဲ့အလှုနဲ့ MMYG လူငယ်များရဲ့ ဆောင်ရွက်ခဲ့ပုံကို အတိုင်းအတာတစ်ခုထိ ကျေနပ်နိုင်ကြလိမ့်မယ်၊ ပီတိဖြစ်ကြလိမ့်မယ်လို့ မျှော်လင့်မိပါတယ်ခင်ဗျား။ မရမ်းချောင်းအလှုအတွက် အွန်လိုင်းကနေ အလှုခံကြော်ညာကိုတွေ့ပြီး ယုံကြည်စွာလက်တွဲ လှုဒါန်းပေးခဲ့တဲ့ အလှုရှင်များရဲ့ သဒ္ဒါတရားထက်သန်မှု ၊ MMYG လူငယ်များအပေါ် ယုံကြည်မှုကို ကျွန်တော်တို့အဖွဲ့က အမြဲ မှတ်တမ်းတင်ထားမှာပါ။ဒီနှစ်ထဲမှာမှ စပြီးလုပ်ဖြစ်ခဲ့ကြလို့ တစ်ချို့ နေရာလေးတွေမှာ နည်းနည်း ကို့ရို့ ကားယား နိုင်တာလေးတွေကိုလည်း ခွင့်လွှတ်ပေးစေချင်ပါတယ်။ဘာပဲဖြစ်ဖြစ် ကျွန်တော်တို့ရဲ့အလှုဟာ နိုင်ငံအရပ်ရပ်က အလှုရှင်တွေရဲ့အလှုပါ။ အဲတာကြောင့် မရမ်းချောင်းအလှုအတွက် နိုင်ငံအရပ်ရပ်မှ အလှုရှင်များအားလုံးအား ကျေးဇူးတင်ကြောင်း ဦးစွာ ပြောပါရစေ။မရမ်းချောင်းအလှုနဲ့ ပါတ်သတ်ပြီး ကျွန်တော်တို့မှာ ထပ်ဆင့်ပြောစရာတွေ အမှတ်တရတွေ တော်တော် များများကျန်ရစ်ခဲ့ပါတယ်။
ပထမဆုံးအမှတ်တရတစ်ခုက မလေးရှားနိုင်ငံကပါ။ကျွန်တော်တို့ အလှုအတွက် အလှုငွေ ထည့်ဝင်ဖို့ “ဆရမ်ဘမ်း”ပြည်နယ်ကနေလာတဲ့ KL အထိ လေးနားရီလောက် ကားစီးပြီး ကြိုးစားပမ်းစားလာခဲ့တဲ့ ကျွန်တော်တို့ရဲ့ညီငယ် ဘလော့ဂါ “ ဒုတိယလူ” ဟာ KL ကနေ Kalangကိုသွားမဲ့ ကားဂိတ်မှာ ဓါးပြအတိုက်ခံခဲ့ရပါတယ်။ရှိသမျှကိုယူသွားရင် ပြသနာမရှိပေမဲ့ ကားပေါ်တင်ပြီး မြို့နဲ့ နည်းနည်းလှမ်းတဲ့ ရာဘာတောအုပ် ထဲကိုခေါ်သွား ကာ လူကိုလည်း ကြိုးနဲ့တုပ်ပြီး ရိုက်နှက်တာ ခေါင်းနည်းနည်းကွဲသွားပါတယ်။တခြားဒဏ်ရာတွေလည်း ရခဲ့ပါတယ်။နောက်ဆုံးလူကို အဆုံးစီရင်ဖို့ထိ သူတို့လုပ်ခဲ့ကြပါတယ်။နောက်နေ့မှာ ဒုတိယလူရဲ့ အမျိုးသမီးဟာ မလေးရှားနိုင်ငံ ဆရမ်ဘမ်းက ဆေးရုံတစ်ခုမှာ အော်ပရေးရှင်းလုပ်ရမှာဖြစ်လို့ သူ့ကိုမသတ်ဖို့၊ ရှိတာတွေသာယူသွားဖို့ ပြောဆိုတောင်းပန်ခဲ့ရပါတယ်။နောက်ဆုံး သူ့ဆီမှာ ပါလာတဲ့အလှုငွေ ပိုက်ဆံနဲ့ ကိုယ်ပိုင်ပိုက်ဆံတစ်ချို့ ၊ ကင်မရာနဲ့ ဖုံးတွေ အကုန်ယူသွားကြပါတယ်။ဘယ်လောက်ထိဆိုးလည်းဆိုရင် အင်းကျီပါ ချွတ်ယူပြီး လူကိုကြိုးတုပ်ရက်နဲ့ ထားခဲ့ကြပါတယ်။ ကံကောင်းထောက်မစွာပဲ သူ့အကြောင်းနဲ့သူ တောထဲလာတဲ့ တက္ကစီသမားတစ်ယောက်က တွေ့လို့ ကြိုးဖြေပေးပြီး အိမ်ကိုပြန်နိုင်ခဲ့ပါတယ်။အခုတော့ သူလည်း တော်တော်သက်သာသွားပါပြီ။အကယ်၍ သူသာ အဲ့ဒီနေ့မှာ အသက်ဆုံးရှုံးခဲ့ရင် ကျွန်တော်တို့အနေနဲ့လည်း MMYGရဲ့ အလှုကြောင့် ဖြစ်ရတယ်ဆိုပြီး ဘယ်လိုမှ ဖြေနိုင်မယ်မထင်ပါဘူး။ (စကားချပ်- အထူးသတိပေးလိုတာက ကေအယ်လ်ကနေ ကလန်းကို သွားတဲ့ကားဂိတ်နဲ့ ကလန်းကနေ ကေအယ်လ်ကိုလာတဲ့ကားဂိတ်ဟာ လုယက်မှုမှာ အလွန်နာမည်ကြီးပါတယ်။အဲ့တာကြောင့် အဲ့ဒီနေရာတွေကို မလွှဲသာလို့ သွားရတော့မယ်ဆိုရင်တောင် အထူးသတိထားဖို့ ထပ်လောင်းပြောကြားပါရစေ။တက္ကစီစီးမယ်ဆိုရင်လည်း ကိုယ့်ထက် အသက်အရွယ်ကြီးရင့်တဲ့ တက္ကစီသမားကြီးတွေကို စီးခြင်းအားဖြင့် မိမိရဲ့လုံခြုံမှုကို ရယူပါ။ဘယ်လိုအကြောင်းပဲရှိရှိ လူတစ်ရာမှာ တစ်ယောက်လောက်သာကောင်းတဲ့ အိန္ဒိယတွေမောင်းတဲ့ တက္ကစီများကို ရှောင်ကျဉ်ကြပါ...)
အမှတ်ရစရာပြီးရင် နောက်ထပ်ကျေးဇူးတင်စရာတစ်ခုက ကျွန်တော်တို့အလှုကို နောက်ကွယ်ကနေ ပံ့ပိုးပေးခဲ့တဲ့ ဒေါ်အိအိစိုး (ရွှေအိမုန့်ဟင်းခါး) နှင့် FEEL Restaurant Group ပါခင်ဗျား။ပစ္စည်းဝယ်ယူတဲ့နေ့ကစပြီး အလှုပြီးဆုံးချိန်ထိ ပစ္စည်းသယ်ယူဖို့ လိုအပ်တဲ့ ကားအခက်အခဲအတွက် အခမဲ့ကူညီပေးခဲ့ပါတယ်။အမေရိကားမှ ဒံပေါက်လှုဒါန်းတဲ့ အလှုရှင်အတွက်လည်း FEEL Restaurant Group မှ အခမဲ့ချက်ပြုတ်ပေးခဲ့ပါတယ်။ အဲ့ဒီအတွက် ဒေါ်အိအိစိုးနဲ့ အလှုနေ့မှာ လိုက်ပါဆောင်ရွက်ပေးခဲ့တဲ့ ၀န်ထမ်းများကို အထူးပဲ ကျေးဇူးတင်ပါခင်ဗျား။နောက်ထပ် ကားလေးတစ်စီး အလှုရှင်ကတော့ ကိုမိုးဇော်သန်းနဲ့ မယွန်းယွန်းတို့ ဇနီးမောင်နှံအား အထူးကျေးဇူးတင်ပါတယ်။ပြင်ပအလှုရှင်များ အနေနဲ့ ကျွန်တော်တို့ မှတ်တမ်းတင် ထားပါတယ်ခင်ဗျား။သူတို့တွေကြောင့် ကျွန်တော်တို့ ဒီအလှုမှာ ခရီးစရိတ်တော်တော်များ သက်သာပြီး ဂေဟာကို ပိုလှုဒါန်းနိုင်ခဲ့ပါတယ်..။
ကိုမိုးဇော်သန်း+မယွန်းယွန်းတို့မှ အခမဲ့ ကူညီပေးခဲ့သော ယာဉ်၊ ဒေါ်အိအိစိုး (အလယ်)နှင့် ၀န်ထမ်းများ
FEEL Restaurant Group မှ အခမဲ့ ကူညီပေးခဲ့သောယာဉ်
နောက်တစ်ဦးကတော့ ကျွန်တော်တို့ဒီအလှုအတွက် အလုပ်ကို ခဏပစ်ခဲ့ပြီး လိုက်ပါကူညီဆောင်ရွက်ပေးခဲ့တဲ့ မက်ဖန်ဖောင်ဒေးရှင်းမှ ကိုအေးမင်းထွန်း ( ကျွန်တော့်တို့အခေါ် ငဂျင်းမ) အား ကျေးဇူးအထူးတင်ပါတယ်။
ကိုအေးမင်းထွန်း @ ဂျင်းဂျင်း @ ငဂျင်းမ
နောက်ထပ် ကျေးဇူးတင်ရမှာက အလှုဟေ့ဆိုတာနဲ့ အမြဲတမ်း တက်ကြွနေတတ်တဲ့ မြန်မာပြည်က ကျောစွာစိုးမြတ်နဲ့ အဖွဲ့ပါ။သူတို့ လုပ်နေတဲ့ အလုပ်တွေကို တစ်ပတ်လောက် ပစ်ထားကြပြီး အလှုငွေတွေ ရောက်တဲ့နေ့ကစပြီး အလှုအတွက် လုံးပန်းခဲ့ကြတဲ့သူတွေပါ။မီးကမလာ၊ ကွန်ကမရပေမဲ့ နေ့တိုင်း မနက်သုံးနာရီ လေးနာရီအထိ “ဘယ်ပစ္စည်းကတော့ ဘယ်ဈေးရှိတယ်၊ ဘယ်နိုင်ငံက ငွေလွှဲကတော့ မရောက်သေးဘူး” စသည်ဖြင့် နေ့တိုင်း အအိပ်ပျက်ခံ ခေါင်းစားပေးခဲ့တဲ့သူပါ။
(၀ဲမှယာ)ရဲကျော်၊ လွန်းလွန်း၊ ကြည်လှိုင်ဝင်း၊ ညီစိုး၊ ဗညားထွန်း၊ ဖိုးတာ
ကျွန်တော်တို့ လုပ်ချင်တဲ့ပုံစံထက် ပိုကောင်းအောင် အမြဲလုပ်ပေးတတ်ကြတဲ့ မြန်မာပြည်က အမာခံ MMYG တွေပေါ့..။
နောက်တစ်ယောက်က စာမေးပွဲတစ်ဖက်နဲ့ မြန်မာပြည်ကအလှုငွေတွေကို လက်ခံပေးခဲ့တဲ့ သမီးစံပါ။အလှုငွေ ဆယ့်နှစ်သိန်းကျော် လက်ခံပေး နိုင်ခဲ့ပါတယ်။
သွားပေါ်အောင် ပြုံးနေတဲ့တစ်ယောက်က MMYG ရဲ့ ညီမငယ် သမီးစံပါ။
နောက်ထပ် ကျေးဇူးတင်ရမှာက အလှုပစ္စည်းတွေကို လက်ခံပေးခဲ့တဲ့ ဂေဟာဥက္ကဌနဲ့ မရမ်းချောင်းဂေဟာက အနာကြီးရောဂါ ဝေဒနာရှင်တွေပါ။ သူတို့သာ မရှိခဲ့ရင် ကျွန်တော်တို့လည်း ဒီအလှုမဖြစ်မြောက်နိုင်ပါဘူး။
နောက်ဆုံးကျေးဇူးတင်ရမှာကတော့ MMYG ရဲ့ပင်မ ခေါင်တိုင်တွေဖြစ်တဲ့ ပြည်ပက အကျိုးတော်ဆောင်တွေ ဖြစ်ပါတယ်။“ဒီနေရာကို တပည့်တော် အလှုလေးလုပ်ချင်တယ်ဘုရား”လို့ လျှောက်တော့ စကားတောင် မဆုံသေးဘူး သင်္ကန်းထရုံပြီး လန်ဒန်ရက်ကွက်တွေထဲ အလှုရှင်အရှာထွက်တဲ့ ဗြိတိန်က အရှင်ဇနက(အင်္ဂါမောင်)၊ အလုပ်ကပြန်လာတိုင်း အကိုရေ ပင်ပန်းတယ်ဗျာလို့ ဖုံးဆက်ပြီး ညည်းတတ်ပေမဲ့ အလှုကိစ္စကျတော့ တရေးနိုးဖုံးဆက်တာတောင် တက်ကြွနေခဲ့တဲ့ အမေရိကားမှ ဗညားရှိန်(လင်းခေတ်ဒီနို)၊ ကျွန်တော်နေတဲ့နိုင်ငံမှာ ကိုယ်စားလှယ်မရှိသေးလို့ ကျွန်တော် အလှုခံပေးပါရစေလို့ ကမ်းလည်းကမ်းလှမ်း တစ်ကယ်လည်း လုပ်ပြခဲ့တဲ့ ကျောင်းတစ်ဖက်နဲ့ ဂျပန်မှ ညီငယ် ရန်နိုင် (နေ၀သန်)၊ အလုပ်က တော်တော် မိုးချုပ်မှ ပြန်ရောက်တတ်ပေမဲ့ အလှုအတွက် မဖြစ်မနေ ရုန်းကန်ပေးခဲ့တဲ့ ထိုင်ဝမ်က ဂျယ်ရီပစ်ပစ်၊ နေ့တိုင်း ကျွန်တော်နဲ့အတူ ခေါင်းစားပေးပြီး မရမ်းချောင်းအလှုကို စိတ်တူ ကိုယ်တူထောက်ခံပေးခဲ့တဲ့ စင်ကာပူမှ အိကု(ငြိမ်းနိုင်) နဲ့ ကျွန်တော်ဇနီး မဒမ်ကိုး၊ အလှုရှိတယ်ကွာ ဆိုတာနဲ့ ဂျီမေး ဟက်နေရာကနေ ထပြီး အလှုခံပေးတတ်တဲ့ မလေးရှားနိုင်ငံက မောင်(စွယ်စံကျမ်း)၊အိပ်နေရင်တောင် ကဗျာတွေပဲ အိပ်မက်တယ်ဆိုတဲ့ မိုးဇက်၊ ခုတစ်လော ကားအကြောင်းတွေကိုပဲ တစ်စိုက်မက်မက် လေ့လာနေတဲ့ မောင်ဘုန်း၊ ကျွန်တော် သိပ်ကြိုက်တဲ့ကာရံကဗျာဆရာ နွေတေးရှင်(မင်းဧရာ)၊တစ်နေ့တစ်နေ့ ဆော့ဝဲတွေကြားမှာပဲ ခေါင်းထိုးထားတတ်တဲ့ ကျွန်တော့်ညီ ဇင်ငြိမ်းဦး (မြန်မာအိုင်တီနန်းတော်) တို့အား အထူးကျေးဇူးတင်ပါတယ်ခင်ဗျား။
ကိုယ်တိုင်မလှုနိုင်ခဲ့ကြပေမဲ့ အွန်လိုင်းမှာ လက်ဆင့်ကမ်းပေးခဲ့ကြတဲ့ သူငယ်ချင်းတွေကိုလည်း ကျေးဇူးတင်ပါတယ်။အလှုမှာ ပါဝင်လှုဒါန်းပေးခဲ့တဲ့ မနိုင်းနိုင်းစနေနဲ့ အန်တီတင့်တို့လို စီနီယာဘလော့ဂါများမှ စန်းထွန်း၊ ကန်ဒီခိုင်၊ ချစ်စံအိမ်တို့လို ဖန်စီဘလော့ဂါငယ်များအထိ အားလုံး အားလုံးကို ကျေးဇူးတင်ပါတယ်ခင်ဗျား..။
ကျန်းမာရေး ပဒေသာပင်အလှုငွေ (၁၁)သိန်းအတွက် အတွက် ဂုဏ်ပြုမှတ်တမ်းလွှာ ဖြစ်ပါတယ်။
မရမ်းချောင်းဂေဟာ မီးရရှိရေး မတည်ငွေ ကျပ်(၁၀)သိန်းအတွက် ဂုဏ်ပြုမှတ်တမ်းလွှာ ဖြစ်ပါတယ်။
လှုဒါန်းမှုစုစုပေါင်း ( ၄,၆၆၆,၉၁၃ )ကျပ် လေးဆယ့် ခြောက်သိန်း ခြောက်သောင်း ခြောက်ထောင် ကိုးရာ တစ်ဆယ့် သုံးကျပ်)အတွက် ဂုဏ်ပြုမှတ်တမ်းလွှာ ဖြစ်ပါတယ်။
ကျေးဇူးတင်ထိုက်တာတွေ ပြီးရင် အလှုစာရင်းရှင်းတမ်းကို ဆက်ပါ့မယ်။ဒီအလှုအတွက် စုစုပေါင်းအလှုငွေ ၄,၇၄၈,၆၂၇.၅၀ကျပ်(လေးဆယ့် ခုနစ်သိန်း လေးသောင်း ရှစ်ထောင် ခြောက်ရာ နှစ်ဆယ့် ခုနစ်ကျပ် ငါးဆယ်ပြား) ရရှိပြီး စုစုပေါင်း ကုန်ကျစရိတ် ၄,၆၆၆,၉၁၃ ကျပ် ( လေးဆယ့် ခြောက်သိန်း ခြောက်သောင်း ခြောက်ထောင် ကိုးရာ တစ်ဆယ့် သုံးကျပ်) ဖြစ်ပါတယ်။လက်ကျန်ငွေ ၈၁၇၁၄.၅၀ကျပ် (ရှစ်သောင်း တစ်ထောင် ခုနစ်ရာ တစ်ဆယ့် လေးကျပ် ငါးဆယ်ပြား) ကျန်ရှိပါတယ်။ လက်ကျန်ငွေများထဲမှ ဂုဏ်ပြုမှတ်တမ်းလွှာများအတွက် မှန်ဘောင်များ ပြုလုပ်ပြီး ပိုလျှံသော ပမာဏအား ကျွန်တော်တို့ရဲ့ နောက် သုံးလ အကြာမှာ ထပ်မံပြုလုပ်မဲ့ အလှုအတွက် မတည်ငွေအဖြစ် ကိုကျော်စွာစိုးမြတ်မှ လက်ခံသိမ်းဆည်းပေးထားကြောင်း အသိပေးရင်း မရမ်းချောင်း အလှုကိစ္စအား ဤတွင် နိဋ္ဌိတံပါသည်ခင်ဗျား..။
နောက်သုံးလ (သို့) လေးလကြာရင် အခုလိုပဲ ပြန်လည်ဆုံတွေ့ကြပါဦးစို့လား..
လေးစားစွာဖြင့်
မြန်မာမုဒိတာလူငယ်များအဖွဲ့ (MMYG) ကိုယ်စား
ကိုရင်
20:35 (GMT) .
Sunday 8 April 2012
မုဒိတာပန်းတွေ ထပ်ပွင့်ခွင့်ရပြန်ပြီ အမှတ် ၂
မိမိတို့ ပေးလှူလိုက်တဲ့ အလှူငွေမှ ဖြစ်ပေါ်လာတဲ့ အသီးအပွင့်များကို ကြည့်ပြီး မုဒိတာ ပွါးစေနိုင်ဖို့ မရမ်းချောင်းအလှူမှတ်တမ်းများကို မုဒိတာဘလော့ဂ်ဘလော့ဂ်မှ ထပ်ဆင့် ကူးယူပြီး မျှဝေပေးလိုက်ပါတယ်။ ။ မုဒိတာတရား လက်ကိုင်ထားနိုင်ကြပါစေ။ ။
မှတ်ချက်။
မရမ်းချောင်းအနာကြီးရောဂါ၌ မှတ်တမ်းတင်ခဲ့သည့် ဗီဒီယို မှတ်တမ်းကို မြန်မာမုဒိတာလူငယ်များအဖွဲ့ ဘလော့ဂ်မှာ သွားရောက် ကြည့်ရှုနိုင်ပါသည်။ ကော်ပီလုပ်ရ မလွယ်ကူသောကြောင့် ဤဘလော့ဂ်၌ တင်မပေးထားခြင်း ဖြစ်ပါသည်။
မှတ်ချက်။
မရမ်းချောင်းအနာကြီးရောဂါ၌ မှတ်တမ်းတင်ခဲ့သည့် ဗီဒီယို မှတ်တမ်းကို မြန်မာမုဒိတာလူငယ်များအဖွဲ့ ဘလော့ဂ်မှာ သွားရောက် ကြည့်ရှုနိုင်ပါသည်။ ကော်ပီလုပ်ရ မလွယ်ကူသောကြောင့် ဤဘလော့ဂ်၌ တင်မပေးထားခြင်း ဖြစ်ပါသည်။
ဆက်ပါအုံးမယ်ခင်ဗျား။နှင်းဆီရင်ခွင်အဖွဲ့သားတွေ ပြောသလို ပြောရရင်တော့ မြန်မာပြည်က အလှုဓါတ်ပုံများ ကျွန်တော်တို့ဆီရောက်အောင် ပို့နိုင်ဖို့ “မီးးးးစက် လိုပါတယ်ခင်ဗျား”။တစ်ခုကောင်းရင် တစ်ခု ဆုတ်ယုတ်တဲ့ ဓမ္မတာအရ မီးလည်း လာရော လှည်းတန်းက ဂုံးကျော်တံတားတည်ဆောက် ရာမှာ ဒီနေ့ပဲ မြေတွေတူးတယ်လို့ သိရပြီး အင်တာနက်လိုင်း ထပ်မံပြတ်တောက်ပါတယ်။အကယ်၍ ကျွန်တော်မနက်ဖန်မှာ အလှုစာရင်းရှင်းတမ်း မတင်ပေးနိုင်သေးရင် သည်းခံပြီး ခဏစောင့်ပေးကြပါအုံးလို့ အလှုရှင်များအား မေတ္တာရပ်ပါတယ်။
မရမ်းချောင်း ဧည့်သည်မှတ်တမ်း
မုဒိတာအလှုရှင်အားလုံးရဲ့ကိုယ်စား white board မှာ အမည်ရေးထိုးပါတယ်။
အလှုပစ္စည်းများနဲ့ အလှုခံအဖိုးအဖွားများ
ဝှီးချဲလ်ဆယ်စီးပါ..။
ခြေထောက်လေးများရဲ့ အလှုရှင်များ ဖြစ်ပါတယ်ခင်ဗျား..။
၁။ကိုငြိမ်းချမ်း (ဂျပန်နိုင်ငံ)၊ ၂။အရှင်ဇနက @ အင်္ဂါမောင် (ဗြိတိန်)
၃။မနိုင်းနိုင်းစနေ (အမေရိကန်နိုင်ငံ)၊ ၄။မချစ်စံအိမ် (မြန်မာနိုင်ငံ)
၅။ ဦးချစ်ထွန်း + ဒေါ်အိနန်း (သမီး) မစန်းစန်းခိုင် (စင်ကာပူ)၊၆။ဦးကိုကိုနိုင်+ဒေါ်မြင့်သဲစုစံ(သား)မောင်ဇွဲလုလင်နိုင် (စင်ကာပူ)
၇။မဟေမာမြတ်ခိုင်၊ မနန္ဒာထွန်း (ဗြိတိန်)၊ ၈။မမီမီသန်းဌေး (ဂျပန်)
၉။ZYL & KPS (စင်ကာပူ)၊ ၁၀။နိုင်ချစ်စိန် + မိအုံးရီ (သမီး) မိမြစန္ဒာ (စင်ကာပူ)
ဝှီးချဲလ်အလှုရှင် ကိုငြိမ်းချမ်း (ဂျပန်နိုင်ငံ) နှင့် အရှင်ဇနက @ အင်္ဂါမောင် (ဗြိတိန်)တို့ ကိုယ်စား ကျော်စွာစိုးမြတ်မှ လှုဒါန်းပေးပါတယ်။
ဝှီးချဲလ်အလှုရှင် ဦးချစ်ထွန်း + ဒေါ်အိနန်း (သမီး) မစန်းစန်းခိုင် (စင်ကာပူ)နှင့် ဦးကိုကိုနိုင်+ဒေါ်မြင့်သဲစုစံ (သား)မောင်ဇွဲလုလင်နိုင် (စင်ကာပူ)တို့ ကိုယ်စား ကိုကြည်လှိုင်ဝင်းမှ ပေးလှုခဲ့ပါတယ်။
ဝှီးချဲလ် အလှုရှင် မနိုင်းနိုင်းစနေ (အမေရိကန်နိုင်ငံ) နှင့် မချစ်စံအိမ် (မြန်မာနိုင်ငံ)တို့ကိုယ်စား သမီးစံမှ ပေးလှုခဲ့ပါတယ်။
ဝှီးချဲလ်အလှုရှင် ZYL & KPS (စင်ကာပူ) နှင့် နိုင်ချစ်စိန် + မိအုံးရီ (သမီး) မိမြစန္ဒာ (စင်ကာပူ)တို့ကိုယ်စား MMYG မှ ညီမငယ်တစ်ဦးမှ ပေးလှုခဲ့ ပါတယ်။
ဝှီးချဲလ်အလှုရှင် မဟေမာမြတ်ခိုင်၊ မနန္ဒာထွန်း (ဗြိတိန်) နှင့် မမီမီသန်းဌေး (ဂျပန်)တို့ကိုယ်စား ဖိုးတာမှ လှုဒါန်းပေးခဲ့ပါတယ်။
မရမ်းချောင်းဂေဟာ မီးရရှိရေးအတွက် အလှုရှင်များအားလုံးကိုယ်စား MMYG လူငယ်များနှင့် FEEL Restaurant Group တာဝန်ရှိသူများမှ မတည်ငွေ ကျပ်၁၀သိန်းအား ဂေဟာမှုးကို ပေးလှုပါတယ်။
မရမ်းချောင်းဂေဟာရဲ့ ကျန်းမာရေးစောင့်ရှောက်မှု ပဒေသာပင်ထဲသို့ အလှုရှင်များအားလုံး ကိုယ်စား MMYG လူငယ်များနှင့် FEEL Restaurant Groupမှ တာဝန်ရှိသူများက ကျပ် (၁၁)သိန်းအား ဂေဟာမှုးသို့ ထပ်မံလှုဒါန်းပါတယ်။
ဂေဟာမှုးမှ ဂုဏ်ပြုမှတ်တမ်းလွှာကို အလှုရှင်များကိုယ်စား MMYG သို့ ပြန်လည်ပေးအပ်ပါတယ်။
မရမ်းချောင်းဂေဟာ မီးရရှိရေးအတွက် မတည်ငွေ ကျပ်ဆယ်သိန်း လှုဒါန်းနိုင်ခဲ့ပြီး ကျန်းမာရေးစောင့်ရှောက်မှု ပဒေသာပင်ထဲသို့ ကျပ် ဆယ့်တစ်သိန်း နှစ်ခုပေါင်း ငွေသား ကျပ် နှစ်ဆယ့်တစ်သိန်းတိတိ လှုဒါန်းနိုင်ခဲ့ပါတယ်ခင်ဗျား။အစောပိုင်းက သူတို့ဈေးဝယ်ရင် ဆိုင်ကယ်ရီခ မတန်တဆ ပေးရတယ်ဆိုတာကြောင့် ၀ယ်လှုဖို့ စီစဉ်ခဲ့သော်လည်း ဂေဟာမှာ ရှိပြီးသား ဖြစ်နေပြီ ဖြစ်တာကြောင့် အလှုငွေချည်းပဲ လှုဒါန်းပေးခဲ့ဖြင်း ဖြစ်ပါတယ်။
အလှုရှင်များခင်ဗျား..မရမ်းချောင်းဂေဟာက ယနေ့အချိန်ထိ မီးမရရှိသေးပါဘူး။ဒါပေမဲ့ ယနေ့မှာ မရမ်းချောင်းဂေဟာအနီးထိ လမ်းမီးများ ရရှိနေပြီး မိမိတို့ အစီအစဉ်နဲ့ မီးရယူမယ်ဆိုရင် ရယူနိုင်နေပါပြီ။အဲ့ဒီအတွက် စုစုပေါင်း ကုန်ကျစရိတ် ၂၅ သိန်းဝန်းကျင်ခန့် ကုန်ကျနိုင်ပါသည်။အကယ်၍ လှုဒါန်းလိုသူများ ရှိပါက မိမိတို့ရဲ့ အစီအစဉ်နဲ့ မရမ်းချောင်းဂေဟာ မီးရရှိရေးအတွက် သွားရောက်လှုဒါန်းနိုင် ပါသည်ခင်ဗျား...။
ဂေဟာမှ အလှုခံပုဂ္ဂိုလ် အဖိုး၊အဖွားများရဲ့ ဆုပေးကြပုံနဲ့ ဂေဟာရဲ့ လည်ပတ်စောင့်ရှောက်ပုံ၊အလှုအကြောင်းကိုသူတို့ရဲ့ ဆန္ဒအရ ကိုကျော်စွာစိုးမြတ်မှ ရှင်းလင်းပြခဲ့တာတွေကို အောက်က မူဗီဖိုင်ထဲမှာ ကြည့်ရှုနိုင်ပါတယ်ခင်ဗျား..
“မီးလေးများရရင် ကျုပ်တို့က ပန်ကာလေးနဲ့ အေးအေးလေးနေရတော့ တော်ယုံနဲ့ မသေနိုင်တော့ဘူးပေါ့ဗျာ..။ခင်ဗျားတို့ လှုဒါန်းတာလေးတွေကို စားပြီး တရားဘာဝနာကို အေးအေးဆေးဆေး အားထုတ်ချင်သေးတယ်”ဆိုတဲ့ အဖိုးတစ်ယောက်ရဲ့ စကား “နိုင်ငံတော် အစိုးရက ဂေဟာမှ လူတစ်ယောက်အတွက် တစ်နေ့ကို ကျပ် ၅၀ ထောက်ပံ့ပေးပါတယ်” ဆိုတဲ့ ဂေဟာမှုးရဲ့ ပြောစကားတွေက အလှုရှင်တွေရဲ့ရင်ဘတ်ကို တိုက်ရိုက်ထိစေပါလိမ့်မယ်..ကြည့်လိုက်ပါအုံးဗျာ..။
မနက်ဖန်ကျရင်လည်း မီးစက်နှိုးပြီးပို့အုံးမှာ ဖြစ်လို့ ထပ်ပြီးဆက်ပါအုံးမယ်ခင်ဗျား..>>>>
လေးစားစွာဖြင့်
MMYGလူငယ်များ အားလုံးကိုယ်စား
ကိုရင်
18:02 (GMT) .
Friday 6 April 2012
မုဒိတာပန်းတွေ ထပ်ပွင့်ခွင့်ရပြန်ပြီ
စီစဉ်ထားတဲ့အတိုင်း ဒီနေ့ အေပရယ်လ ၆ ရက်နေ့ သောကြာနေ့မှာ မြန်မာမုဒိတာလူငယ်များအဖွဲ့ဟာ မရမ်းချောင်း အနာကြီးရောဂါဂေဟာသို့ သွားရောက်ပြီး လိုအပ်ရာများကို သွားရောက်လှူဒါန်းကြပါတယ်။ ဓါတ်ပုံတွေ ကြည့်ရတာနဲ့တင် ၀မ်းသာကြည်နူးစရာ ကောင်းလှပါတယ်။ တကယ့်ကို မုဒိတာဖြစ်စရာ မြင်ကွင်းလေးပါဘဲ။ တစ်စိမ့်စိမ့်တစ်လိပ်လိပ် တက်လာတဲ့ ကြည်နူးမှုလှိုင်းတွေကို ခံစားမိပါတယ်။
အားလုံး မုဒိတာပွါးနိုင်ရန်အတွက် အလှူမှတ်တမ်းများကို မုဒိတာလူငယ်များအဖွဲ့ဘလော့ဂ်မှ ကူးယူမျှဝေ ပေးလိုက်ပါတယ်။ အားလုံးမုဒိတာတရား လက်ကိုင်ထားနိုင်ကြပါစေ။ ။
မရမ်းချောင်းဂေဟာအတွက်အလှုလေး လုပ်ကြမယ်လို့ စပြီးတိုင်ပင်တဲ့အချိန်က ကျွန်တော်တို့ရဲ့ ရရှိလာနိုင်တဲ့ အလှုငွေကို ခန့်မှန်းခဲ့ကြရာမှာ ၇သိန်းဝန်းကျင်လောက်ပဲ ဖြစ်ဖို့များတယ်ဆိုပြီး ကျွန်တော်တို့ ကောက်ချက်ချခဲ့ ကြတယ်။အဲ့တာလေးနဲ့ ဆန်အိတ် လေး ငါးအိတ်လောက်ရယ်၊ ၀ှီးချဲလ်လေး နှစ်စီးလောက်ရယ်နဲ့ ပိုတာလေးကို ပဒေသာပင်ထဲထည့်မယ်ဆိုပြီး ဒီအလှုလေးကို အုတ်မြစ်စချတယ်။တကယ်လည်း အလှုခံလို့ပြီးရော ကျွန်တော်တို့ လက်ခံရရှိခဲ့တဲ့ပမာဏက ကနဦး ကျွန်တော်တို့ခန့်မှန်းထားခဲ့တာထက် ခြောက်ဆကျော်လောက် ရရှိခဲ့တယ်။ မရမ်းချောင်းက ဝေဒနာ-ရှင်တွေရဲ့ ကံတရားကောင်းမှုကြောင့်ရယ် နိုင်ငံအရပ်ရပ်က အလှုရှင်တွေရဲ့ တိုင်းတာမရနိုင်တဲ့ သဒ္ဓါတရားတွေကြောင့် ကျွန်တော်တို့ဟာ ဒီအလှုငွေတွေနဲ့ မရမ်းချောင်းဂေဟာရဲ့ လက်ရှိလိုအပ်နေတဲ့ အရာလေးတွေ (ဂေဟာက တောင်းဆိုလာသလောက်အကုန်)ကို ဖြည့်ဆည်းနိုင်ခဲ့ တဲ့အပြင် ပိုလျှံနေတဲ့ အလှုငွေတွေကိုပါ ရာသက်ပန် ပဒေသာပင်ထဲ ထည့်ပေးနိုင်ခဲ့ပါပြီ။စိတ်ကြည်နူးမိတယ်၊ ပီတိဖြစ်မိတယ်ဆိုတာထက် အဆပေါင်းများစွာ ရင်ထဲမှာဖြစ်နေတာကို စာစီပြလို့ မရနိုင်ပါဘူး။မနက်ကလည်း အစောကြီး အလုပ်ထဲကထွက်ပြီး ဒီနေ့မှာ သွားပြီးလှုပေးမဲ့ အဖွဲ့တွေကို မေတ္တာပို့ပြီး ဖုံးဆက်တယ်။သူတို့ တက်ကြွနေတဲ့ အသံတွေကို ကြားမိတော့ ကြက်သီးတွေတောင် ထမိတယ်။
ဒီနေ့မှာ ကိုကျော်စွာစိုးမြတ်နဲ့သမီးစံတို့ ဦးဆောင်တဲ့အဖွဲ့ဟာ ဆေးဝါးများ၊ ခေါင်းအုံးအလုံး(၈၀)၊ ၀ှီးချဲလ် (၁၀)စီး၊ ဆန်(၂၀)အိတ်၊ ကြက်သွန်နီ၊ ကြက်သွန်ဖြူနဲ့ ၂၅သိန်းကျော်ဖိုး အလှုပစ္စည်းများအား တင်ဆောင်ကာ ရန်ကုန်မှ နံနက် ခုနစ်နာရီခွဲအချိန်မှာ MMYG လူငယ်အင်အားစု (၃၀) ၀န်းကျင်နဲ့ ထွက်ခွာကြပါတယ်။နေ့လည်စာ ဒံပေါက်ကြွေးမှာ ဖြစ်တာမို့ မရမ်းချောင်းဂေဟာကို မနက် ဆယ်နာရီရောက်အောင် သွားခဲ့ကြပါ တယ်။
ကျော်စွာနဲ့ မိစံတို့ ဦးဆောင်တဲ့ MMYG အင်အားစု မရမ်းချောင်းဂေဟာကို ရောက်သွားကြပါပြီ..။
ခရီးရောက်မဆိုက်ပဲ ခဏနားပြီး သူတို့တွေ အလှုပစ္စည်းတွေ ကားပေါ်က ချကြပြီ။
သူတို့တွေ တကယ် ပင်ပန်းကြပြီ..
ဂေဟာမှ သန်စွမ်းတဲ့လူတစ်ချို့ လည်း ကူညီပေးကြပါတယ်..။
တစ်ဖက်က ပစ္စည်းတွေ ချနေတဲ့အချိန်မှာ ကျန်တဲ့တစ်ဖွဲ့က ဂေဟာက ဝေဒနာရှင်တွေအတွက် နေ့လည်စာ ပြင်ဆင်ကြပါတယ်။
ဒံပေါက်စားပွဲဝိုင်းကို လာရောက်နိုင်တဲ့ ဝေဒနာရှင်တွေ အလှုဒံပေါက်ကို စားဖို့ အဆင်သင့် ပြင်ဆင်ပြီးပါပြီ..
သူတို့တွေ အလှုထမင်းကို စားကာနီးအချိန်မှာ လက်အုပ်ချီနေကြတဲ့ပုံက ကျွန်တော့ရင်ကို မြှားတစ်စင်းနဲ့ ထုတ်ချင်းပေါက်အပစ်ခံလိုက်ရသလို ထိခိုက်ခံစားရစေတယ်။ကျွန်တော်တို့ အလှုအတွက် အထူးတလည် ဆုတောင်းပေးစရာ မလိုပါဘူး..။အထူးသဖြင့် လက်အုပ်ချီစရာ မလိုပါဘူး ခင်ဗျား..။
အနာရောဂါတွေ မြန်မြန်သက်သာပါစေဗျာ..၀ဋ်ကြွေးတွေဆိုလည်း ခဏတာပဲ ဖြစ်ပါစေ..။
လူကြီးတွေပြီးတော့ ကလေးတွေကို ကျွေးပါတယ်။ မရမ်းချောင်းကျေးရွာက ကလေးတွေ ဂေဟာမှာလာပြီး ဆော့ကစားနေကြဟန်တူရဲ့။
တကယ်တော့ ဒံပေါက်ထမင်းဆိုတာ မရမ်းချောင်းဂေဟာက ဝေဒနာသည်တွေ တစ်နှစ်လုံးနေမှ နှစ်ကြိမ်ပဲ စားခဲ့ဘူးပါတယ်တဲ့။အခုတော့ ကျွန်တော်တို့ MMYG က သူတို့အတွက် သုံးကြိမ်မြောက် ဒံပေါက်ထမင်းကို လှုဒါန်းနိုင်ခဲ့ပါပြီ။ဒီနေ့မှာ ဒီအလှု ဒီခရီးအတွက် ဒံပေါက်အလှုကို အမေရိကန်နိုင်ငံမှ ကိုဝေမိုးအောင်+မခင်မာဇင်တို့က သားဖြစ်သူ မောင်ကျော်ဇင်ဟိန်းရဲ့ မွေးနေ့အလှုအဖြစ် လှုဒါန်းပေးခဲ့ခြင်း ဖြစ်ပြီး ရန်ကုန်မှ Feel Resturant Group မှ မေတ္တာဖြင့် အကောင်းဆုံး ချက်ပေးခဲ့ခြင်း ဖြစ်ပါတယ်ခင်ဗျား။ ကိုဝေမိုးအောင် + မခင်မာဇင် နဲ့ သားဖြစ်သူ မောင်ကျော်ဇင်ဟိန်းတို့ ဒီမြင်ကွင်းကိုမြင်တွေ့ပြီး စိတ်နှလုံး ချမ်းမြေ့ကြပါစေ..မုဒိတာ ပွားနိုင်ကြပါစေ..
တကယ်တော့ ကျွန်တော် ဒီနေ့ညမှာ အကုန်လုံးကို တင်ပေးဖို့ပါပဲခင်ဗျား..။ဒါပေမဲ့ မီဂါဝပ်တွေ ပိုလျှံနေပါတယ်ဆိုတဲ့ ကျွန်တော်တို့ နိုင်ငံက ရွှေမြို့တော်ကြီးမှာ မီးပျက်နေတဲ့အတွက် မြန်မာနိုင်ငံက ၀ိုင်းတော်သားတွေ ဓါတ်ပုံပို့ပေးဖို့ အခက်တွေ့နေကြလို့ပါခင်ဗျား..။ နောက်လာမဲ့ အပိုင်းမှာ ၀ှီးချဲအလှုရှင်များနဲ့ ပဒေသာပင်အတွက် ထည့်ဝင်ငွေအလှုဓါတ်ပုံများ၊ ဗွီဒီယိုဖိုင်များကို ဖော်ပြပေးပြီး နောက်ဆုံးအပိုင်းမှာ အလှုစာရင်း ရှင်းတမ်းကို တစ်ပါတည်း ဖော်ပြပေးပါ့မယ်..
အားလုံးချမ်းမြေ့ကြပါစေခင်ဗျား..
လေးစားစွာဖြင့်
MMYG ကိုယ်စား
ကိုရင်
15:47(GMT)
~~~~~~~~&&&&&~~~~~~~~ ဆက်ပါအုံးမည် ခင်ဗျား ~~~~~~~~&&&&&~~~~~~~~
Subscribe to:
Posts (Atom)