Monday 30 November 2009

မှတ်စု ၆

ဂိုဏ်းကြီး ကိုးဂိုဏ်း
၁။ဂဏ၀ိမုတ် ကူးတို့ဂိုဏ်း
၂။စတုဘုမ္မိက မဟာသတိပဋ္ဌာန် ငှက်တွင်းဂိုဏ်း
၃။ဓမ္မယုတ္တိနိကာယ မဟာရင်ဂိုဏ်း
၎။ဓမ္ခ္မ၀ိနယာနုလောမ မူလဒွါရနိကာယဂိုဏ်း
၅။ဓမ္မာနုဓမ္မ မဟာဒွါရနိကာယဂိုဏ်း
၆။ရွှေကျင်ဂိုဏ်း
၇။ဝေဠုဝန်နိကာယဂိုဏ်း
၈။အနောက်ချောင်းဒွါရဂိုဏ်း
၉။သုဓမ္မာဂိုဏ်း

ကိုးကားချက်။
ဓမ္မဃောသက ဦးမောင်မောင်၊ သံဃာအား ဘုရားယုံခဲ့သည်၊ စာ ၁၈၇။

..

Sunday 29 November 2009

မှတ်စု (၅)

ခေတ်သစ်သုသီမ
‘လူသေသော် လူမဖြစ်လျှင်လ 
ဘာဖြစ်မှာတုန်း၊
ရွှေပျက်လျှင်
မြေထွက်နွယ် အဝင်ပေမို့
တကယ်ပင် ရွှေပြန်ဖြစ်တယ်ကွယ်
လောကစံထုံး’ (လူသေလူဖြစ်၊ စာ-၃ဝ၁) …


‘လူသေသော် လူမဖြစ်လျှင်လ
ပါယ်နတ်စစ် နိဗ္ဗူတာ
မှန်စွာပ ဖြစ်ထုံး၊
ရွှေနှင့်လူ
လုံးလုံးပင် ခန်မတူလို့
စံတမူ မှားရာက မှောက်ပေပေါ့
နာမ်တဆူ ကြားမှာ ပျောက်တယ်ကွယ်
သားမျောက် ကတုံး’။ (http://ahlataya.wordpress.com)


...

Tuesday 3 November 2009

မော်ကျူရီသို့ရောက်ဖူးသွားခြင်း

ဒီနေ့ မိုးရွာသည်။
မိုးရွာပေမဲ့ အင်္ဂါမောင်တို့အုပ်စု ကားဆရာ(ကိုသူရိန်)အကူအညီဖြင့် မော်ကျူရီတစ်ခုသို့ ချီတက်ခဲ့ကြသည်။
လူသေရုပ်အလောင်းတစ်ခုကို အသုဘဘာဝနာစီးဖြန်းဖို့ ဖြစ်သည်။

သေဆုံးသူသည် အင်္ဂါမောင်တို့ကို အိန္ဒိယဗုဒ္ဓဘာသာသင်ကြားပေးသော ဆရာ စကိုရော့စကီး၏ သူငယ်ချင်းတစ်ယောက်ဖြစ်သည်။ ၄င်းဆရာသည် လန်ဒန်တက္ကသိုလ် SOAS ၌ ပညာသင်ကြားပေးခဲ့သည်ဟု သိရသည်။ ပရော်ဖက်ဆာ တစ်ယောက်ဖြစ်သည်။ တိဗက်ဗုဒ္ဓဘာသာဝင်ဖြစ်သည်။ သူအမျိုးသမီးသည်ကား ဗုဒ္ဓဘာသာမဟုတ်ချေ။

ဆရာစကိုရော့စကီးက သူ့သူငယ်ချင်းအတွက် ဗုဒ္ဓဘာသာလုပ်ထုံးအတိုင်းလုပ်ချင်သည်။ ထို့ကြောင့် ကျန်ရစ်သူမိသားစုကို တိုင်ပင်ပြီးဘုန်းကြီးပင့်ဖို့ စီစဉ်သည်။ ပထမ၌ တိဗက်ဘုန်းတော်ကြီးများကို ပင့်ခဲ့သည်တဲ့။ သို့သော် ဘုန်းတော်ကြီးများ မအားလပ်၍ အမျိုးသမီးတစ်ယောက်ကို ကိုယ်စားလွတ်ပေးခဲ့သည်တဲ့။ သို့ပေမဲ့ ကျန်ရစ်သူက ဘုန်းကြီးစစ်စစ်လိုချင်သည်ဟုဆိုကာ ထိုအမျိုးသမီးအား ပြန်လွတ်လိုက်သည်တဲ့။

နောက်တော့
အဲဒီပြဿနာက အင်္ဂါမောင်တို့ဘက်လှည့်လာသည်။ အတန်းတက်ရင်း ဆရာစကိုရော့စကီးက အကူအညီတောင်းသည်။ လက်ခံလိုက်ပါသည်။ သတ်မှတ်တဲ့ ရက်ချိန်းအတိုင်း ဒီနေ့ လိပ်စာရှာပြီး ကိုယ့်အစီအစဉ်နဲ့ကိုယ် ကားတစ်စီးဖြင့် သွားခဲ့ပါသည်။ မီးအရမ်းရွာသည်။ တစ်နာရီခွဲလောက်မောင်းပြီး မော်ကျူရီသို့ ရောက်သည်။

နေ့လည် ၁၂ နာရီမှာ ကျန်ရစ်သူ မိသားစုနှင့်ချိန်းဆိုထားသော်လည်း သူတို့ မလာကြပါ။ ဆရာစကိုရော့စကီးလဲ မလာပါ။ စိတ်ပျက်ဖို့တော့ကောင်းသည်။ မော်ကျူရီ ၀န်ထမ်းတစ်ယောက်က ရေခဲတိုက်ထဲမှ အလောင်းကို ဗြောင်စင်ကြီးထုတ်ပေးသည်။ အပြင်ရောက်မှ ခေါင်းနှင့်ခြေကို ဖော်ထားပြီး အလယ်ပိုင်းကို ပိတ်ဖြူဖြင့်ဖုံးအုပ်ပေးသည်။ အလောင်းကို ရေခဲသေတ္တာလိုမျိုးတိုက်ထဲမှာ အဆင့်လိုက်စီထားသည်။ နံပါတ်စဉ်အလိုက်ထားသည်။ သော့လဲပိတ်ထားသည်။ ပိုင်ရှင်လာမှ ဖွင့်ပေးသည်။

သက်ဆိုင်သူတွေ မည်သူမှ မလာသည့်အတွက်  ကိုယ့်အစီအစဉ်နဲ့ကိုယ် ရွတ်ဖတ်သရဇ္ဈာယ်ပြီး ပြန်လာခဲ့ရသည်။ စိတ်ပျက်ပေမဲ့ ရေခဲတိုက်အတွေ့အကြုံရခဲ့သည်။ ရေခဲရိုက်ထားသော အလောင်းကောင်ကြီးကို မြင်ခဲ့ရသည့်အတွက် တရားသဘောအရတော့ သင်္ခါရတရားကို ဆင်ခြင်မိခဲ့သည်။
လူတိုင်းရဲ့သွားရာလမ်းကြီးပေတကား။ ။

....

Saturday 24 October 2009

သတ္တိနှင့်ဗျတ္တိ

အရာဝတ္ထုဟူသမျှတွင် မြင်ရသောအပိုင်းနှင့်မမြင်ရသောအပိုင်းဟူ၍ အပိုင်းနှစ်ပိုင်းပါရှိမြဲဖြစ်၏။ ပါဠိဝေါဟာရအားဖြင့် မြင်ရသောအပိုင်းကို ဗျတ္တိပိုင်းဟူ၍ ဆိုရ၏။ မမြင်ရသောအပိုင်းကို သတ္တိပိုင်းဟူ၍ ဆိုရ၏။ သိပ္ပံနယ်ပယ်၌ စွမ်းအင်နှင့်ဒြပ်သဖွယ်ပင်ဖြစ်၏။ သတ္တိပိုင်းသည် စွမ်းအင်နှင့်တူ၏။ ဗျတ္တိပိုင်းသည် ဒြပ်နှင့်တူ၏။ ဗုဒ္ဓအဘိဓမ္မာဝေါဟာရအားဖြင့် သတ္တိပိုင်းသည် ကံဖြစ်၍ ဗျတ္တိပိုင်းသည် ကမ္မဖလ (၀ါ) ကမ္မ၀ိပါကဖြစ်လေ၏။ လောကဝေါဟာရအားဖြင့် ဆိုရလျှင် ကံသည် အကြောင်းဖြစ်၍ ကမ္မဖလ (၀ါ) ကမ္မ၀ိပါကသည် အကျိုးဖြစ်၏။

သတ္တိပိုင်းနှင့်ဗျတ္တိပိုင်းတို့၏အကြား၌ အ၀ိဇ္ဇာက ကန့်လန့်ကာအဖြစ်ဆောင်ရွက်လေ၏။ အ၀ိဇ္ဇာသည် ဖုံးသော သတ္တိနှင့်ဖော်သောသတ္တိ နှစ်မျိုးလုံးကို ပိုင်ဆိုင်၏။ ဖုံးသောသတ္တိကို ပါဠိဝေါဟာရအားဖြင့် အာဝရဏဟူ၍ ဆိုရ၏။ ဖော်သော သတ္တိကို ၀ိက္ခေပဟူ၍ ဆိုရ၏။ သတ္တိနှစ်မျိုးလုံးကပင် တစ်နည်းနည်းဖြင့် အမှားကို သိအောင်ဆောင်ရွက်၏။ အမှားကို သိအောင်ဆောင်ရွက်ခြင်းဟူသည်မှာ အမှန်ကို အမှန်အတိုင်းမသိအောင် ဖုံးပြီး အမှားကို အမှန်ထင်ရလေအောင် ဖော်ခြင်းဖြစ်ပါ၏။ ။

မှတ်ချက်။
ဦးရွှေအောင်၏ ဗုဒ္ဓ (သို့မဟုတ်) အနှိုင်းမဲ့ စာမျက်နှာ ၁၀၄-၁၀၅ မှ တိုက်ရိုက်ကူးယူဖော်ပြပါသည်။

...

Friday 23 October 2009

ဒိဋ္ဌိသုံးမျိုး

နတ္ထိက၀ါဒဟူသည်
အကျိုးကို ပယ်သော ၀ါဒဖြစ်၏။ ဤလောက၌  အကြောင်းနှင့်အကျိုးဟူ၍ နှစ်မျိုးရှိသော်လည်း နတ္ထိက၀ါဒီက အကြောင်းကိုသာ လက်ခံ၏။ အကျိူးကို လက်မခံ။ အကြောင်းနှင့်အကျိုး နှစ်မျိုးတို့တွင် အကြောင်းသည်သာ ပဓာနဖြစ်၏။ အကျိုးသည် ပဓာနမဟုတ်။ ထို့ကြောင့် လုပ်ငန်းတစ်ခုကို လုပ်ကိုင်ရာတွင် မိမိလုပ်နေသော လုပ်ငန်းကို ပြီးဆုံးအောင်သာ ကိုယ်စွမ်းရှိသမျှ ဥာဏ်စွမ်းရှိသမျှ လုပ်ရန် လိုအပ်၏။ တရားသည် မတရားသည် ဟူ၍မရှိ။ ငါက နောက်ကျသည်၊ သူက အလျင်ဦးသည်၊ ထို့ကြောင့် သူ့ကို ကျော်ပြီး ငါကအခွင့်အရေးယူရန်မသင့်ဟူ၍ စဉ်းစားရန်မလို။ အမြီးကျက် အမြီးစား၊ ခေါင်းကျက်ခေါင်းစား၊ နက်ဖန်ခါဟူ၍မရှိဟု နတ္ထိက၀ါဒက သွန်သင်၏။ ထို့ကြောင့် ထိုအလုပ်မှ ထွက်ပေါ်လာသော အကျိုးတရားအပေါ် တစ်စုံတစ်ရာ တွေးတော စဉ်းစားရန်မလိုဟူ၍ အကျိုးတရားကို နတ္ထိက၀ါဒက ပယ်၏။ လမ်းစဉ်နှင့် ပန်းတိုင်တွင် လမ်းစဉ်သာ ပဓာနဖြစ်၏။ ဤ၀ါဒကို ရှေးခေတ်တွင် အဇိတကေသကမ္ဗလဆရာကြီးက ယူ၏။

အကြိယ၀ါဒဟူသည်
အကြောင်းကိုပယ်သော ၀ါဒဖြစ်၏။ ဤလောက၌ အကျိုးသာ ပဓာနဖြစ်၏။ မိမိလိုသော အကျိုးကို ရမည်ဆိုလျှင် လိမ်၍ပဲရရ၊ လုပ်၍ပဲရရ၊ နောက်ဆုံးအဖကို သတ်မှပဲရရ အားလုံးမှန်သည်ချည်းဖြစ်သည်။ အကျိုးကို ရမှတော့ အကြောင်းမှန်၍ရခြင်းသာဖြစ်၏။ လမ်းစဉ်နှင့်ပန်းတိုင်တွင် ပန်းတိုင်သာ ပဓာနဖြစ်၏။ ဤ၀ါဒကို ရှေးခေတ်တွင် ပုရာဏကဿပဆရာကြီးက ယူ၏။

အဟေတုက၀ါဒဟူသည်
အကြောင်းနှင့်အကျိုး နှစ်မျိုးလုံးကို ပယ်သော ၀ါဒဖြစ်၏။ ဤလောက၌ အကြောင်းလည်းပဓာနမဟုတ်၊ အကျိုးလည်းပဓာနမဟုတ်။ အားလုံးသူဖြစ်ချင်နေသလို ဖြစ်နေကြ၏။ အကြောင်းကောင်းသော်လည်း အကျိုးကောင်းချင်မှကောင်း၏။ အကြောင်းမကောင်းသော်လည်း အကျိုးကောင်ချင်ရင် ကောင်း၏။ ထို့ကြောင့် အကြောင်းအကျိုးနိယာမတွင် ဘာမျှပုံသေသတ်မှတ်၍မရ။ လမ်းစဉ်နှင့်ပန်းတိုင်တွင် လမ်းစဉ်လည်း ပဓာနမကျ။ ပန်းတိုင်လည်းပဓာနမကျ။ ကောင်းသည်ထင်လျှင် လုပ်သင့်သည်ချည်းဖြစ်၏။ နောက်ဆံတင်းမနေသင့်။ လုပ်သာလုပ်။ ဤသို့ အဟေတုက၀ါဒက ဆိုသည်။ ဤ၀ါဒကို ရှေးခေတ်တွင် မက္ခလိဂေါသာလဆရာကြီးက ယူ၏။

မှတ်ချက်။
ဦးရွေအောင်၏ ဗုဒ္ဓ (သို့မဟုတ်) အနှိုင်းမဲ့ စာအုပ်၊ စာမျက်နှာ ၁၅ မှ တိုက်ရိုက်ကူးယူဖော်ပြပါသည်။

...

Wednesday 21 October 2009

မှတ်စု ၄

ဒီနေ့ ည ၁၁ နာရီခန့်၌ သုတ္တန်ဒေသနာတော်တွေကို ရွတ်ဖတ်ရင်း စဉ်းစားမိသည်မှာ...
မနေ့က အမေဆုံးတာ ကိုးနှစ်တိတိပြည့်တဲ့နေ့မှာ ညီတော်မောင်က ရွာပြန်သွားပြီး အမေ အဖေအတွက် ကုသိုလ်ကောင်းမှုလုပ်တယ်။
အင်္ဂါမောင် အင်္ဂလန်က ပြန်ပြီးနောက်ပိုင်းမှာ အမေအဖေကိုသာ မရွယ်ရွယ်ဘဲ ကွယ်လွန်ပြီးတဲ့ နှစ်ဖက် အဘိုးအဘွားတွေကိုပါ ရည်စူးပြီး ကုသိုလ်ကောင်းမှုပြုလုပ်ရင် ကောင်းမယ်။ ဒါကြောင့် နှစ်ဖက်ဆွေမျိုးတွေကို စည်းလုံးရမယ်။ ဒါမှ စုစုစည်းစည်းဖြစ်ကြမှာ။

အဲဒီလိုလေး စဉ်းစားမိတာပါ။ အကောင်အထည် ဖော်ဖြစ်မလားတော့ မသိပါဘူး။

...

Tuesday 20 October 2009

မှတ်စု ၃

ဒီနေ့
အမေဆုံးတာ ကိုးနှစ်တိတိပြည့်တဲ့နေ့။
အမေက ၁၃၆၂ ခု၊ တန်ဆောင်မုန်းလဆန်း ၃ ရက်နေ့မှာ ဆုံးပါးသွားတယ်။
ကိုးနှစ်ဆိုပေမဲ့ စိတ်ထဲမှာ မနေ့ကလိုဘဲ မြင်ယောင်နေမိသေးတယ်။

အဖေမရှိတော့ပေမဲ့ သားတွေရဲ့မျက်နှာလေးတွေကို ကြည့်ရင်း အမေပျော်ရွှင်ခဲ့တယ်။
ပညာရေးအတွက် သားသုံးယောက် သာသနာ့ဘောင်မှာ နေထိုင်ပြီး အဝေးတစ်နေရာမှာ ရောက်နေခဲ့တယ်။
အိမ်မှာ သူ့သားနှစ်ယောက်နဲ့ဘဲ အမေ့ဘ၀ ရုန်းကန်လှုပ်ရှားခဲ့ရတယ်။
ဒုတိယသား သာသနာ့ဘောင်က ထွက်ခွါသွားပြီး ထိုင်းနိုင်ငံထဲရောက်သွားတာ နှစ်ပေါင်း မနည်းတော့ဘူး။
လူဝတ်ကြောင်ဖြစ်သွားပေမဲ့ အမေတစ်ခါမှ သူ့ကို လူဝတ်နဲ့ မြင်ဖူးမသွားရှာဘူး။
ယနေ့ထက်ထိ ဒုတိယသားပေါ်မလာခဲ့ဘူး။ ဘယ်ဆီဘယ်ဝယ်ရောက်နေမှန်းမသိ။

အမေသေခါနီးမှာ ဒုတိယသားက လွဲရင် ကျန်တဲ့သားလေးယောက်လုံး အမေ့အနားမှာ ရှိနေခဲ့တယ်။
ဒုတိယသားကို မျှော်နေရင်း အမေအသက်ရှည်ခဲ့ပုံရတယ်။ အမှန်ဆို ရောဂါကျွမ်းနေတာကြာပြီ။
အမေ့ဖြစ်အင်ကို ကြည့်ပြီး ဒုတိယသားကို အင်္ဂါမောင် ဒေါသဖြစ်မိတယ်။
ဒါပေမဲ့ သူကိုယ်တိုင်လဲ လူ့လောကထဲ ရှိလားမရှိလားတော့ မပြောတတ်တော့ပါ။

ဒီနေ့
အမေ့ကို အရမ်းသတိရတယ်။
အကို (ဒုတိယသား)ကိုလဲ သတိရတယ်။
အဖေကိုလဲ သတိရတယ်။
အားလုံးကို သတိရနေပြီး စိတ်အစဉ်က အိမ်ခြေသုံးဆယ်သာသာလေးရှိတဲ့ အင်္ဂါမောင်တို့ ရွာလေးကို သတိရနေမိပါတော့တယ်။

ဒီနေ့ ညီအငယ်ဆုံး(ဦးဇင်း)က ဦးဆောင်ပြီး ကိုးနှစ်မြောက် အမေ့နှစ်ပတ်လည်ကို ရွာမှာလုပ်တယ်။
အင်္ဂါမောင်လဲ နိုင်သလောက် ထည့်ဝင်လိုက်တယ်။
ကထိန်ပွဲပါ တွဲပြီး ကျင်းပမယ်တဲ့။ အခုအချိန်ဆို နှစ်ပတ်လည်ကော ကထိန်ပွဲကော ရေစက်ချပြီးရောပေါ့။

အမေ
သားတို့ပေးဝေတဲ့အမျှကို ရယူပြီး နတ်ချမ်းသာကို ပြည့်ပြည့်၀၀ ခံစားနိုင်ပါစေသတည်း။

...

Thursday 8 October 2009

မှတ်စု ၂

စက်တင်ဘာ ၃၀ ရက်နေ့မှာ ကျောင်းအပ်ခဲ့တယ်။
အောက်တိုဘာ ၁ ရက်၊ ၂ ရက်တွေမှာလဲ အော်ရီယင်တေးရှင်း လုပ်တုန်းပါဘဲ။ ဒါကြောင့် တက္ကသိုလ်ထဲ မသွားဖြစ်လိုက်ဘူး။ ညနေပိုင်းတွေမှာ တွေ့ဆုံပွဲတွေရှိတယ်တဲ့။ အသောက်အစားတွေပါတယ်ဆိုလို့ မသွားလိုက်တော့ပါဘူး။
အောက်တိုဘာ ၃ ရက်မှာ ပ၀ါရဏာပြုပွဲရှိတယ်။ လန်ဒန်မြန်မာဘုန်းတော်ကြီးကျောင်းတွေမှာ တစ်နှစ်စီ အလှည့်ကျ ပ၀ါရဏာပြုလုပ်ကြတယ်တဲ့။ ဒီနှစ်ကတော့ အင်္ဂါမောင်တို့ သန္တိသုခကျောင်းမှာ ပ၀ါရဏာကျင်းပပါတယ်။

ပ၀ါရဏာပြုပြီး ဘာမင်ဂမ်ကထိန်ကို ညအိပ်သွားတယ်။ အောက်တိုဘာ ၄ ရက်နေ့ ညနေ ပြန်လာခဲ့ပါတယ်။
အောက်တိုဘာ ၅ ရက်နေ့ တက္ကသိုလ်ထဲသွားပြီး courses တွေရွေးထားခဲ့ form သွားတင်တယ်။ မနက်ပိုင်းကထဲက ထွက်သွားတာပါ။ ညနေ ငါးနာရီမှာ အတန်းရှိတယ်ဆိုလို့ တစ်နေ့လုံးစာကြည့်တိုက်ထဲ ထိုင်စောင့်နေခဲ့ပါတယ်။ ငါးနာရီအချိန်ရောက်တော့ ဆရာမ မလာလို့ အတန်းမရှိပါဘူး။ စိတ်ညစ်ခဲ့ရပါတယ်။

အောက်တိုဘာ ၆ ရက်မှာ အတန်းမရှိဘူး။ ကျောင်းမှာဘဲ စာတွေဖတ်နေလိုက်တယ်။
ဒီနေ့ ၇ ရက်နေ့မှာ အတန်းရှိပါတယ်။ မနက် ၁၁ နာရီကနေ နေ့လည် ၁ နာရီထိပါ။
အတန်းပြီးတော့ ပြန်လာခဲ့ပါတယ်။ မိုးအရမ်းရွာလို့ ထီးဆောင်းခဲ့ရကြောင်းပါ။

Tuesday 29 September 2009

မှတ်စု ၁

၂၈ ရက်နေ့စပြီး အော်ရီယင်တေးရှင်းရှိပေမဲ့ မနေ့က မသွားဖြစ်လိုက်ဖူး။
ဒီနေ့မှ တက္ကသိုလ်ထဲ သွားဖြစ်တယ်။ ကာလိလီလက်ချာဟောနှင့်ဘရူးနိုင်းဟောတို့မှာ လက်ချာနားထောင်တယ်။
ခအိုရိနှင့်တွေ့တယ်။
မနက်ဖန် ကျောင်းအပ်ရမယ်။

Tuesday 11 August 2009

အင်္ဂါမောင်ဘာတွေဖြစ်နေပါလိမ့်

ဘ၀မှာ တစ်ခါတစ်လေ ဒီလိုဖြစ်တတ်တယ်။
အဆင်မပြေမှုတွေက ရောက်လာပြီဆိုရင် အလုံးလိုက်အခဲလိုက်။
စိတ်ဖိစီးမှုများလာရင်၊ အဆင်မပြေမှုတွေ များလာရင် လူတွေ ဘာလုပ်တတ်ကြသလဲ။
အင်္ဂါမောင်ကော ဘာလုပ်သင့်သလဲ။

ဒီနေ့မနက်ပိုင်းဘာသာရပ်အတွက် အတန်းထဲမှာ အက်ဆေးနိဒါန်းကို လက်တန်းရေးခိုင်းတယ်။ အင်္ဂါမောင်လဲ လက်မနှေးပါဘူး။ ရေးခဲ့ပါတယ်။ သဘောကျပါတယ်။ ဒါပေမဲ့ အိမ်စာတွေ အများကြီးပေးခဲ့တာကတော့ စိတ်ဖိစီးမှု ပို ဖြစ်စေတယ်။ အိမ်စာတွေမှ တစ်နင့်တစ်ပိုးပါဘဲ။ ကြည့်ရမဲ့အိမ်စာ၊ ရေးရမဲ့ အိမ်စာတွေပေါ့။ မနက်ဖန် အပြီးလုပ်ရမယ်တဲ့။

ပြီးတော့ စာလုံးရေ နှစ်ထောင် အကယ့်ဒမစ်ရီဆာ့ခ်ျအက်ဆေးတစ်ပုဒ်ရေးပြီး မနက်ဖန်မှာဘဲ အပြီးအပ်ရမယ်တဲ့။ ပထမမူကြမ်းအနေနဲ့ပေါ့။ ပြောတာလွယ်တယ်။ တကယ်ရေးရမယ်ဆိုတော့ ဘယ်ကစပြီး ဘယ်လို ရေးရမှန်းတောင် မသိတော့ဘူး။ ခေါင်းပူလာစပြုလာပြီ။

နေ့လည်ပိုင်းမှာ အတန်းပြီးတော့ Ethnographic research အကြောင်း presentation ပေးပို့အတွက် ဗြိတိသျှပြတိုက်ကို လေ့လာရေးထွက်ရတယ်။ ဆရာမက ဦးဆောင်လို့ပေါ့။ လာမဲ့သောကြာနေ့မှာ presentation ပေးရမှာပါ။ အဲဒီ presentation အတွက် သုံးယောက်တစ်အုပ်စုဖွဲ့ပေးတယ်။ မနက်ဖန်ဆိုရင် အင်္ဂါမောင်နှင့်တစ်အုပ်စုတည်းဖြစ်တဲ့ ဂျပန်ကျောင်းသူနှင့်ပေါ်တူဂီကျောင်းသားတို့နှင့် ထပ်ဆွေးနွေးရလိမ့်မယ်။

ပြီးတော့ လာမဲ့ကြာသပတေးနေ့မှာ အစည်းအဝေးတဲ့။ စပ်မိလို့ပြောရဦးမယ်။ ဘာစိတ်ကူးပေါက်လို့လဲ မသိဘူး။ အင်္ဂါမောင်တို့အတန်းထဲက ကျောင်းသူ ကျောင်းသားတွေက အင်္ဂါမောင်ကို အတန်းခေါင်းဆောင် (class-rep) ရွေးချယ်ထားကြတယ်။ ဒါကြောင့် ကြာသပတေးနေ့ ဆရာ ဆရာမတွေ အစည်းအဝေးမှာ အင်္ဂါမောင်လဲ တက်ရမယ်တဲ့။ ဘာတွေ ပြောပြန်ရဦးမလဲ မသိဘူး။ အင်္ဂါမောင်က ခပ်အေးအေးနေတတ်တော့ ခက်ချေပြီ။
ပြင်ဆင်ချိန်က ဘာမှ မရတော့ ပိုခက်တယ်။

အဲဒီလို စိတ်ဖိစီးမှုတွေနှင့်အတူ ကျောင်းကို ပြန်ရောက်လာပြီး သိပ်မကြာခင်မှာ ဖုန်းတစ်ချက်ဝင်လာတယ်။ သူငယ်ချင်းဆီကဖုန်းပါ။ ၀မ်းသာအားရပေါ့။ အင်္ဂါမောင်ရဲ့ စိတ်ဖိစီးမှုတွေကို သိလို့ ဖုန်းနှင့်လှမ်းအားပေးမယ်ထင်နေခဲ့တာ။ ဒါပေမဲ့ အထင်နှင့်အမြင် သက်သက်စင် လွဲတာပါဘဲ။ သူပြောခဲ့တာက သူနှင့်ပတ်သက်ပြီး သိခဲ့တဲ့ သူ့မိတ်ဆွေတွေကို အဆက်အသွယ်မလုပ်ပါနဲ့တဲ့။ အကျိုးနှင့်အကြောင်းနဲ့ဆို လက်ခံသေးတယ်။ ဘာမှလဲ အကြောင်းပြချက်မရှိတော့ တစ်ခုခုတော့ မှားနေတာ သေချာပြီ။ အင်္ဂါမောင်လဲ ကိစ္စမရှိပါဘူး ရပါတယ်လို့ ပြောလိုက်တယ်။

စိတ်ဖိစီးမှုထဲမှာ အဲဒီ နောက်ဆုံးအကြောင်းက အကြီးမားဆုံးဘဲ။ ဦးဏှောက်ကို တကယ် စားစေတယ်။
ဒါပေမဲ့ စိတ်ဆင်းရဲပြီး ဒီအတိုင်းနေလို့ မဖြစ်ဘူး။ အိမ်စာတွေ အက်ဆေးတွေ presentation တွေ အစည်းအဝေးတွေအတွက် ပြင်ဆင်ရဦးမယ်။ ဒီညတော့ မအိပ်တော့ပါဘူး။ အကယ့်ဒမစ် ရီဆာ့ခ်ျအက်ဆေး စာလုံးရေနှစ်ထောင် ပြီးအောင်ရေးရမယ်လေ။

အင်္ဂါမောင်ဘ၀လဲ မလွယ်ဘူးနော်။ ။

.....

Wednesday 22 July 2009

အသက်ရှည်ချင်ရင်....

Forward mail လေးကတစ်ဆင့်ရရှိထားတဲ့ ကျန်းမာရေးအတွက် မှတ်သားစရာလေးပါ။
အင်္ဂလိပ်စာက အရမ်းရှင်းနေတဲ့အတွက် ဘာသာမပြန်ပေးလိုက်တော့ပါဘူး။ ဥစ္စာကံစောင့် အသက်ဥာဏ်စောင့်ဆိုတဲ့ ဆောင်ပုဒ်အတိုင်း ဥာဏ်ပညာနဲ့ဆင်ခြင်ပြီး နေထိုင်မယ်ဆိုရင် အားလုံးသက်တမ်းစေ့ နေထိုင်နိုင်မှာ သေချာပါတယ်။

အစာစားပြီးတိုင်း အောက်က ၇ ချက်ကို ရှောင်ကြဉ်နိုင်ရင်တော့ အကောင်းဆုံးပါဘဲ။
.........


7 Unsafe Practices After a Meal

1.Smoking: Experiments from experts prove that smoking a cigarette after a meal is comparable to smoking 10 cigarettes (chances of cancer is higher).

2.Eating fruits immediately: Eating fruits immediately after meals will cause the stomach to be bloated with air. Therefore, take fruits 1–2 hours after meal or one hour before meal.

3.Drinking tea: Tea leaves contain a high content of acid. This substance will cause the protein content in the food we consume to be hardened and difficult to digest. If having tea is unavoidable, it is advisable to have tea with a gap of at least 15 minutes.

4.Loosening your belt: Loosening the belt after a meal will easily cause the intestine to be twisted & blocked.

5.Having a bath: Bathing will cause the increase of blood flow to the hands, legs & body, thus the amount of blood around the stomach will decrease. This will weaken the digestive system.

6. Walking: It’s a myth that people always say that walking hundred steps after a meal will help you live till you are 99. But in reality, walking immediately after a meal will cause the digestive system to be unable to absorb the nutrition from the food we intake.

7. Sleeping immediately: The food we intake will not be able to digest properly. Thus will lead to acidity & infection in our intestine.


N.B
Would you like to calculate the amount of calories you consume: http://www.thedailyplate.com/


...

Sunday 19 July 2009

တေးထပ်စပ်နည်းများ

လွန်ခဲ့တဲ့အပတ်က လန်ဒန်တက္ကသိုလ်ထဲက စာကြည့်တိုက်တစ်ခုကို ရောက်ခဲ့တယ်။ အင်္ဂါမောင်လဲ စာကြည့်တိုက်ဆိုတဲ့အသံကြားရင် သွားချင်တဲ့စိတ်က တားဆီးလို့မရဘူး။ ဒါကြောင့် အတန်းပြီးတဲ့အချိန်မှာ တစ်ယောက်ထဲ စာကြည့်တိုက်ထဲ လျောက်ကြည့်ဖြစ်တယ်။

စာကြည့်တိုက် ကဒ်ကလေး ထုတ်ပေးပြီးသားဖြစ်လို့ စာကြည့်တိုက်ထဲ ၀င်ရတာ အဆင်ပြေပါတယ်။ လျပ်စစ်(ကွန်ပြူတာ)နည်းပညာနဲ့ ပိတ်ထားတဲ့ ဂိတ်ကို ကဒ်ပြားလေး တင်လိုက်ရင် အလိုအလျောက်ပွင့်သွားတာပါဘဲ။ ဘယ်သူ့ကိုမှ အကူအညီတောင်းစရာမလိုတော့ဘူးပေါ့။ ကဒ်ပြားမရှိရင် အကူအညီတောင်းရမယ်၊ အစစ်အဆေးခံရမယ်။ အခန့်မသင့်ရင် ၀င်ခွင့်တောင် ရမှာမဟုတ်ဘူး။

စာကြည့်တိုက်ထဲမှာ တစ်ကမ္ဘာလုံးမှာရှိတဲ့ ဘာသာ(Language)ပေါင်းစုံနဲ့ရေးထားတဲ့ စာအုပ်တွေရှိတယ်။ ဒါပေမဲ့ စာကြည့်တိုက် နဲနဲကြီးတော့ ရှာဖွေရခက်တယ်။ ကွန်ပျူတာနဲ့ ရှာလို့ရပေမဲ့ အင်္ဂါမောင်က စာကြည့်တိုက်ပညာ မရှိသေးတော့ စာကြည့်တိုက် ၀န်ထမ်းကိုဘဲ မေးမြန်းပြီး မြန်မာစာအုပ်ထားရာ စာအုပ်စင်ကို ရောက်သွားပါတယ်။ မြန်မာစာအုပ်တွေ အများကြီးမရှိပေမဲ့ ထိုက်သင့်သလောက်တော့ တွေ့ရပါတယ်။ ဆယ်စုနှစ်များစွာက စာအုပ်တွေများပါတယ်။

မြန်မာစာအုပ်စင် ရောက်ရောက်ချင်းဘဲ စာအုပ်တစ်အုပ်ကို ကောက်ကိုင်မိလိုက်တယ်။ တေးထပ်ပေါင်းချုပ်ကြီးဆိုတဲ့စာအုပ်ဘဲ။ တတိယအကြိမ်ထုတ်ထားတဲ့စာအုပ်ပါ။ ပုံနှိပ်စာတွေ (ကွန်ပြူတာရိုက်မဟုတ်ပါ)ဆိုတော့ စာလုံးတွေက ပြွတ်သိပ်နေတာပါဘဲ။

ဘာဘဲဖြစ်ဖြစ် အဲဒီစာအုပ်ထဲက တေးထပ်စပ်နည်း သုံးပုဒ်ကို အင်္ဂါမောင် ကူးယူခဲ့ပါတယ်။
အဲဒီသုံးပုဒ်ကို တေးထပ်ဝါသနာပါသူများ လေ့လာနိုင်စေဖို့နှင့် အင်္ဂါမောင်အတွက်လဲ မှတ်စုကျန်အောင် တင်ပြပေးလိုက်ပါတယ်။ ။




ရှေးပညာရှိတစ်ဦးရေး တေးထပ်စပ်နည်းဥပဒေကို

အခြေ ကာရန် အခံ အအုပ်နှင့်တကွ ပြဆိုအပ်သော တေးထပ်
*****
တေးထပ်ကို ဥာဏ်ဆလို့၊ ကြံကြတော့ စပ်ပုံ၊

ဆယ့်ရှစ်ပိုဒ်တွေ့ကြုံလျင်၊ အလုံးစုံပြီးမြဲ၊

အစက ခြောက်သုံးချီသည်၊ ဆုံးလေပြီ ခုနစ်နဲ့ဘဲ၊

၏ ၍ ၌ သည် နှင့် ကိုကို၊ သဒ္ဒါလို မှတ်စွဲ၊

အဓိပ္ပါယ် တယ်မလွဲစေနဲ့၊ ကြံခဲလို့ စပ်ပါ၊

စပ်ခြောက်ထွေ သတ်ခြောက်ပါးကိုလ၊ မမှားအောင် သိကြစေရာ၊

ပေါရာဏကထာကို၊ အခါခါဥာဏ်ရှုလို့၊

ဧချင်းစု လင်္ကာတွေ၊ ကျွမ်းကျင်လှစေ၊

တေးထပ်ရိုး သုအခြေကို၊ ဥပဒေ မှတ်ပါကြလေး။ ။





အခြားပညာရှိတစ်ဦးရေး တေးထပ်စပ်နည်း
*****
တေးထပ်စုံ စပ်ပုံပြ၊ မှတ်ကုန်ကြ ညီခင်၊

သုံးချိုးပ မြဲအစဉ်၊ တစ်ချိုးလျင် ခြောက်ပိုင်း၊

အစက ဆနှင့်ချီတယ်၊ ဆုံးအညီ သတ္တနှင့်ဆိုင်း၊

ပိုဒ်အစ ဗျည်းဆတွင်၊ နှစ်ပိုဒ်တွင် သုံးလှိုင်း၊

ဒု တ မှာ ဆုံးချင်းနှိုင်းပါတော့၊ မရိုင်းဘူး စပ်ရာ၊

ထို့နောက်မှာ စတုတ္ထ၊ သုံးလုံးကျ စပ်တော့ သေချာ၊

ပဉ္စမ ပိုဒ်မဟာမှာ၊ အလွတ်သာ မှတ်ကြရော့၊

ဆဋ္ဌနှင့် တွဲအမှီ၊ ခြောက်လုံး အညီ၊

ရှေ့ နှစ်ချိုး စန္ဒီမှာ၊ ဥာဏ်ပလီ ကွန့်နိုင်မှလေး။ ။




တေးထပ် အခြားတစ်နည်း
*****
တေးထပ်မှန် စပ်ရန်ပြ၊ မှတ်ပါကြ များတကာ၊

စပ်ထာပြ လေးပိုဒ်မှာ၊ ကာရန်လာ နောက်ဆုံး၊

ပဌမ ကာရန်နေကို၊ ဒုတိယေ ဆုံးချလိုက်ဦး၊

တတိယ (ဒု)နှင့်ညီသည်၊ နောက်တစ်လီ မှတ်ထုံး၊

စတုတ္ထီ စပ်လုံးဖို့၊ ထပ်သုံးပ မြဲဧကန်၊

လွဲတစ်ဖန် ကာရန်ပြ၊ ပဉ္စမ (စ)နှင့်ညီပြန်၊

သည့်နောက် ဆဋ္ဌံမှာ၊ ကာရန်လာ တစ်နဲပ၊

အမြဲရ လေးပိုဒ်သာ၊ ထုံးမှတ်လိုက်ပါ၊

အဆုံးသတ် သတ္တမံမှာ၊ ဆန်းကွန့်ဥာဏ် စွမ်းနိုင်မျှလေး။ ။


...

Friday 10 July 2009

Have a trip! စကားကြောင့် လမ်းမဖြောင့်ခဲ့ကြခြင်း

မနက် ၈ နာရီခွဲမှာ တက္ကသိုလ်သွားဖို့ အဆင်သင့်ဖြစ်ပြီ။
အင်္ဂါမောင်တို့အဖွဲ့ တက္ကသိုလ်သွားဖို့ ကျောင်းက အထွက်မှာ ကျောင်းမှာ ကျန်ခဲ့တဲ့ (ဆန်းဒါးလင်းတက္ကသိုလ်မှာတက်မဲ့) ဘုန်းကြီးတစ်ပါးက စကားတစ်ခွန်းပြောလိုက်တယ်။

Have a trip! တဲ့။

အင်္ဂါမောင်ကလဲ ငြိမ်မနေပါဘူး၊ ပြန်ပြောလိုက်ပါတယ်။

"ဟာ ဘုန်းကြီးကလဲ Have a nice day! Have a nice trip တစ်ခုခုပြောရင်တော်သေး၊ Have a trip လို့ တစ်ခါမှ မကြားဖူးပါဘူး"

သူကလဲ ခေါင်းမာသူပီပီ Have fun!! လို့တောင် ရှိသေးတာဘဲ။ Have a trip လို့ပြောရင်လဲ ရလောက်ပါတယ်တဲ့။

သူပြောတဲ့စကားကို အငြင်းမပွါးချင်တာနဲ့ဘဲ အင်္ဂါမောင်တို့အုပ်စု ငြိမ်ငြိမ်ဆိမ်ဆိမ်ထွက်လာခဲ့ကြတယ်။
အချိန်က ကွက်တိတွက်ပြီးသားဆိုတော့ သူနဲ့ အငြင်းပွါးနေရင် အချိန်ကုန်သွားမှာ စိုးရိမ်ရတယ်လေ။
ကျောင်းက ၈ နာရီခွဲထွက်မယ်။ Hounslow west station ကို ခြေချင်လျောက်ရင် ၁၅ မိနစ်လောက်ကြာမယ်။
Hounslow west ဘူတာကနေ Russell Square ဘူတာထိ မြေအောက်ရထားစီးရင် မိနစ် ၅၀ လောက်ကြာမယ်။ Russell Square ဘူတာကနေ လန်ဒန်တက္ကသိုလ်ထိဆိုရင် ၁၀ မိနစ်လောက် ထပ်လျောက်ရမယ်။ ရထားစောင့်ရမဲ့အချိန်ပါ ထပ်ပေါင်းလိုက်ရင်တော့ အသွားသက်သက် တစ်နာရီခွဲလောက် ကြာမယ်။

ဒါကြောင့်မို့ ကျောင်းကနေ မနက် ၈ နာရီခွဲထွက်ရင် တက္ကသိုလ်ကို ၁၀ နာရီကွက်တိရောက်မယ်။ ၁၀ နာရီတိတိမှာ အတန်းစမယ်ဆိုတော့ အားလုံးကွက်တိပေါ့။ ဒီနေ့က ဒီတစ်ပတ်ရဲ့  နောက်ဆုံးနေ့ဆိုတော့ စာမေးပွဲရှိတယ်။ ဖြေဆိုချိန် ၂ နာရီ၊ စာလုံးရေ ၅၀၀ တဲ့။ ၁၀ နာရီက ၁၂ နာရီအထိဖြေရမှာ။

အင်္ဂါမောင်တို့အုပ်စု Hounslow ဘူတာကနေပြီး မြေအောက်ရထားကိုစီးပါတယ်။ ဖြစ်ချင်တော့ ရထားက Russell Square မရောက်ခင် Knightsbridge ဘူတာမှာ သောင်တင်နေပါတော့တယ်။ ရှေ့ ဆက်မသွားတော့ဘူးတဲ့။ အရေးပေါ် Engineer works ရှိလို့ ဆိုဘဲ။ အဲဒါမှ ဒုက္ခ။ Ressell Square ဘူတာရောက်ဖို့က ခုနစ်ဘူတာလောက်လိုသေးတယ်။

နာရီကြည့်လိုက်တော့ ကိုးနာရီခွဲနေပြီ။ မတတ်နိုင်ဘူး။ တက္ကသိုလ်ကို အချိန်မီ မရောက်တော့မှာတော့ သေချာသွားပြီ။ အရေးကြီးတာက တက္ကသိုလ်ကို ဘယ်လို သွားရမယ်ဆိုတာကို အရင်စုံစမ်းဖို့ဘဲ။ အင်္ဂါမောင်တို့ မြေအောက်က ထွက်ပြီး ဘူတာမှာရှိတဲ့ ၀န်ထမ်းကို မေးမြန်းရတယ်။ လန်ဒန်တက္ကသိုလ်ကို ဘယ်လို သွားရမလဲပေါ့။ နံပါတ် ၁၀ ကားကို စီးသွားပြီး Russell Square မှာ ဆင်းပါတဲ့။

ဒါနဲ့ဘဲ နံပါတ် ၁၀ ကားမှတ်တိုင်ကို လိုက်ရှာကြရတယ်။ မှတ်တိုင်ရှာရတာကလဲ အချိန်ကြာ၊ မှတ်တိုင်တွေ့ပြီး ဘတ်စ်ကား စောင့်ရတာကလဲ အချိန်ကြာဆိုတော့ အဲဒီနေရာမှာတင် ၁၀ နာရီထိုးသွားတယ်။ အမှတ် ၁၀ ဘတ်စ်ကားဝင်လာတဲ့အခါ တက်စီးလိုက်ကြတယ်။ ဘတ်စ်ကားကလဲ Traffic မိနေလို့ လိပ်သွားသလောက်ဘဲ မြန်တယ်။ အရေးကြီးတဲ့နေ့မှ အရာအားလုံးက နှေးကွေးနေတယ်။

အဆိုးဆုံးကတော့ အဲဒီ ဘတ်စ်ကားကလဲ ဂိတ်ဆုံးထိ မပြေးတော့ဘူးတဲ့။ အရေးပေါ်အနေနဲ့ လမ်းတစ်ဝက်မှာဘဲ ရပ်ထားလိုက်တယ်။ Warren Street ဆိုတဲ့ မြေအောက်ဘူတာနားမှာ terminate ဖြစ်သွားတယ်။ ဘူတာဝန်ထမ်းတွေကို မေးမြန်းပြန်ရတယ်။ လန်ဒန်တက္ကသိုလ်ကို ဘယ်လိုသွားရမလဲပေါ့။ လမ်းလျောက်လို့သာ သွားပေတော့၊ ၁၅ မိနစ်လောက်လျောက်ရင် ရောက်ပြီတဲ့။ အင်္ဂါမောင်တို့လဲ ဟိုမေးဒီမေးနဲ့ လမ်းလျောက်လာပြီး တက္ကသိုလ်ကို ၁၁ နာရီတိတိမှာမှ ရောက်သွားတယ်။

အတန်းထဲရောက်တော့ ကျောင်းသားတွေ စာမေးပွဲဖြေတာ တစ်နာရီတိတိရှိနေပြီ။ အင်္ဂါမောင်လဲ ကမန်းကတန်းနဲ့ဘဲ စာမေးပွဲကို ရောဖြေလိုက်ရတယ်။ ၁၂ နာရီမှာ စာမေးပွဲက ပြီးသွားတယ်။ သူများတွေ ပြီးတော့ အင်္ဂါမောင်လဲ ပြီးလိုက်ရတာပေါ့။ နှစ်နာရီမေးခွန်းလွှာကို တစ်နာရီထဲနဲ့ ဖြီးဖြန်းနိုင်လိုက်တာကိုဘဲ ကိုယ့်ကိုကိုယ် ကြံဖန်ချီးကျူးမိလိုက်တယ်။

အပေါ်ကပြောခဲ့တဲ့ Have a trip! ဆိုတဲ့ ဘုန်းကြီးတစ်ပါးရဲ့ စကားက တကယ်ကို အင်္ဂါမောင်တို့အတွက် Trip အသေးစားလေး ဖြစ်သွားခဲ့ပါတယ်။ မရောက်ဖူးတဲ့နေရာ၊ မစီးဘူးတဲ့ ဘတ်စ်ကားစီးပြီး မမြင်ဖူးတဲ့ ရှုခင်းတွေကို ကြည့်ခဲ့ရပါတယ်။ ဒါပေမဲ့ Nice ဆိုတဲ့ စကားမပါတဲ့အတွက် စာမေးပွဲဖြေချိန် တစ်နာရီတိတိနစ်နာခဲ့ရတာကတော့ အခြေအနေကို ဆိုးရွားစေပါတယ်။

တစ်ချို့ ပုဂ္ဂိုလ်တွေဟာ တကယ်ကို အာစက်လျာစက်မိတတ်ကြပါတယ်။
ဒါကြောင့်မို့ အလုပ်တစ်ခုအတွက်နဲ့ အချိန်တိုင်ပင်ကိုက်ပြီး သွားတဲ့သူတွေကို မလိုအပ်ဘဲ Have a trip ဆိုတဲ့စကားကို လွယ်လွယ်ကူကူ မပြောမိကြစေဖို့ သင်ခန်းစာပေးလိုက်ရကြောင်းပါ။

....

Thursday 9 July 2009

Academic အင်္ဂလိပ်စာဆိုတာ....

အင်္ဂလိပ်စာ သင်လာတာလဲ အတော်လေးကြာလာခဲ့ပါပြီ။ အင်္ဂလိပ်လို ဖြေဆိုရတဲ့ စာမေးပွဲကိုလဲ အကြိမ်ကြိမ် နွှဲခဲ့ပြီးပါပြီ။ ဒါပေမဲ့ အင်္ဂလိပ်စာရဲ့  သဘောအကြောင်းအရာကို သိပ်မသိသေးပါဘူး။ အထူးအားဖြင့်တော့ Academic research paper ရေးသားခြင်းကိုပါဘဲ။

မြန်မာနိုင်ငံမှာ နေစဉ်တုန်းက အင်္ဂါမောင်တို့ရဲ့  မာစတာ Thesis တွေကို research သဘောမပါဘူး။ academic မဖြစ်ဖူးဆိုပြီး မကြာမကြာ အပြောခံခဲ့ရဖူးပါတယ်။

အင်္ဂလန်ရောက်ခါစကလဲ အင်္ဂလိပ်ကျောင်းတက်ပြီး အင်္ဂလိပ်စာကို လေ့လာပါတယ်။ ကျောင်းမှာ academic ဖြစ်အောင် ဘယ်လို ရေးရမယ်ဆိုတာကို ကျကျနနမသင်ပေးပါဘူး။ စာအုပ်ထဲပါတဲ့အတိုင်း သင်ပေးတာပါဘဲ။ textbook ကိုကြည့်ပြီး Guide လုပ်ပေးရုံလောက်ပါဘဲ။ စာအုပ်ထဲမှာပါတဲ့ phrasal verb တွေ၊ စကားလုံးတွဲတွေကိုသင်ပေးပါတယ်။ ဒါကြောင့်မို့လဲ အင်္ဂါမောင်တို့ စိတ်ထဲမှာ စကားလုံးအတွဲတွေ phrasal verb တွေ usage တွေကို များများသုံးနိုင်ရင် academic ဖြစ်ပြီလို့ ထင်နေခဲ့တယ်။ ielts ကိုလဲ အဲဒီပုံစံနဲ့ ဖြေဆိုခဲ့တာပါ။

အခု တက္ကသိုလ်ရောက်တော့ ဆရာမတွေကို မေးကြည့်ဖြစ်တယ်။
Academic writing ဆိုတာ ဘယ်လိုရေးနည်းကို ခေါ်တာလဲလို့။

အဖြေလေးကို ကြည့်လိုက်ပါဦး။
academic writing မှာ
phrasal verb တွေကို မသုံးရဘူး။
idiomatic english တွေကိုလဲ မသုံးရဘူး။
slang နှင့် jorgon တွေဆို ဝေလားဝေးဘဲတဲ့။

အများသိပြီးဖြစ်တဲ့ phrasal verb ဆိုရင်တော့ Ok ပါတယ်တဲ့။ ယုတ်စွအဆုံး get ဆိုတဲ့ စာလုံးကိုတောင် academic မှာ မသုံးရဘူးတဲ့။ get ဆိုတဲ့ စာလုံးဟာ slang စကားလုံးဖြစ်တယ်တဲ့။ get အစား obtain, recieve, earn, gain, acquire စတာတွေကိုဘဲ သုံးရမယ် ဆိုပြီး စိတ်ရှည်လက်ရှည်ရှင်းပြပေးပါတယ်။ ပြီးတော့ personal case, stereotyping တို့ကိုလဲ ဝေးဝေးကသာ ရှောင်ပေတော့လို့ ထပ်လောင်း ရှင်းပြပေးပါတယ်။
နောက်ပြီးတော့ academic ဖြစ်ချင်ရင် academic ဖြစ်တဲ့ စာအုပ်တွေကို များများဖတ်တာ အကောင်းဆုံးပါဘဲတဲ့။

သူတို့စာပေတွေကလဲ ကြာလေရှုပ်လာလေလေပါဘဲ။ ။

......

Wednesday 8 July 2009

စားသောက်ဆိုင်သို့

ဒီနေ့က ဗုဒ္ဓဟူးနေ့။
ဗုဒ္ဓဟူးနေ့တိုင်းမှာ နေ့လည်ပိုင်း အတန်းမရှိပါဘူး။ သူတို့ သတ်မှတ်ချက်က ကျောင်းတက်ချိန် တစ်ပတ်ကို ၁၈ နာရီပါ။ တစ်ရက်ကို လေးနာရီတက်ရတယ်။ မနက်ပိုင်းမှာ နှစ်နာရီ နေ့လည်ပိုင်းမှာ နှစ်နာရီပါ။ တစ်ပတ်မှာ ငါးရက်တက်ရတာဆိုတော့ ငါးလေးလီ နှစ်ဆယ်ဖြစ်သွားတယ်လေ။ ဒါကြောင့် တစ်ပတ်ရဲ့ အလယ်နေ့ဖြစ်တဲ့ ဗုဒ္ဓဟူးနေ့ နေ့လည်ပိုင်း မှာ အနားယူကြပါတယ်။ အဲဒါဆို တစ်ပတ် ၁၈ နာရီ ကွက်တိဘဲ မဟုတ်လား။

အင်္ဂါမောင်တစ်ယောက် မနက်ပိုင်းအတန်းပြီးဆုံးပြီဖြစ်တဲ့အတွက် အတန်းဖော်တွေကို နှုတ်ဆက်ပြီး ကျောင်းကို ပြန်ဖို့ တစ်ခြားအတန်းက အတူနေသူငယ်ချင်းနှစ်ပါးကို တက္ကသိုလ်ရှေ့ မှာ စောင့်နေခဲ့တယ်။ သူငယ်ချင်းတွေလဲ ရောက်လာရော ပြန်ကြမယ်ဆိုပြီး တက္ကသိုလ်ထဲက ထွက်လာခဲ့တယ်။ အဲဒီအချိန်မှာ နောက်က အင်္ဂါမောင်ကို ခေါ်နေတဲ့အသံ ကြားလို့ လှည့်ကြည့်လိုက်တော့ အတန်းဖော် ထိုင်းသူလေးကို တွေ့လိုက်ရတယ်။

အတန်းဖော်တွေ အားလုံးနဲ့အတူ ကိုရီးယားစားသောက်ဆိုင်တစ်ခုမှာ အတူသွားကြမယ်၊ လိုက်မလား တဲ့။ စားသောက်ဆိုင်က တော့တင်ဟမ်ကုတ် ဆိုတဲ့ မြေအောက်ဘူတာရုံနားမှာတဲ့။ သူ့မျက်နှာကို ကြည့်လိုက်တော့ လိုက်စေချင်တဲ့ပုံပေါက်နေတယ်။ ဒါနဲ့ အင်္ဂါမောင်လဲ သူငယ်ချင်းနှစ်ပါးကို နှုတ်ဆက်ပြီး အတန်းဖော်လေးတွေနဲ့ ခြေလျင်ခရီး ၁၅ မိနစ်လောက် လမ်းလျောက်ပြီး A.S.S.A ဆိုတဲ့ ကိုရီးယားစားသောက်ဆိုင်ကို ချီတက်လာခဲ့ကြပါတယ်။

ကိုရီးယားဆိုင်ရောက်တော့ အစားအသောက်တွေ မှာစားကြပါတယ်။ အင်္ဂါမောင်ကတော့ အပေါ်မှာ မြင်ရတဲ့ ကိုရီးယားထမင်းနှင့် Squid ဆိုတဲ့ ပင်လယ်စာတစ်မျိုးကို မှာစားလိုက်တယ်။ အစားအသောက်က ပူ၊ ငရုပ်သီးကစပ်၊ ရာသီဥတုကလဲ အိုက်စပ်စပ်၊ အင်္ဂါမောင့်ကိုယ်မှာလဲ အ၀တ်အစားတွေ အထပ်ထပ်နဲ့ဆိုတော့ ချွေးတွေ အရမ်းထွက်ပါတယ်။

အတူသွားပြီး စားသောက်ကြတဲ့သူတွေကတော့ အင်္ဂါမောင်ရယ်၊ ဂျပန်သူလေးရယ်၊ ထိုင်းသူလေးရယ်၊ ဂျာမနီသူလေးရယ်၊ ထိုင်ဝမ်သူနှစ်ယောက်ရယ်၊ စုစုပေါင်း ၆ ယောက်ပါ။ ဗိုက်မဆာပေမဲ့ ဗဟုသုတရဖို့နဲ့ မိတ်ဖြစ်ဆွေဖြစ် လိုက်ပြီး စားသောက်ခဲ့တာပါ။ တစ်နေရာထဲ ထိုင်နေရတာ ပျင်းစရာကောင်းတယ်မဟုတ်လား။

စားသောက်ပြီးတော့ အနောက်တိုင်း ထုံးစံအတိုင်း ကိုယ်စားတဲ့ဟာ ကိုယ်တာဝန်ယူပြီး ရှင်းကြပါတယ်။ အင်္ဂါမောင်စားတဲ့ တန်ဖိုးကတော့ လေးပေါင်ခွဲပါ။ ပျော်စရာကောင်းပါတယ်။ ပူအိုက်တာက လွဲရင်ပေါ့။

သူတို့ကပြောသေးတယ်။ အင်္ဂါမောင်ရဲ့  အ၀တ်အစားကို ကြည့်ပြီး ပူအိုက်ရင် ချွတ်ထားလိုက်ပါလားတဲ့။ ဘုရားရေ။ ဒုက္ခ။ ဟုတ်တယ်လေ။
သူတို့က အကျီ င်္လက်ပြတ်နှင့် စကတ်ကလေးတွေကို သက်သက်သာသာ ၀တ်ထားကြတယ်။ သူတို့ကြားထဲမှာ အင်္ဂါမောင့်ခန္ဓာကိုယ်ကတော့ ကောက်ညှင်းထုပ် ထုပ်ပိုးထားသယောင်ယောင်ရယ်လေ။ စားသောက်လို့ အပြီးမှာတော့ အားလုံးလမ်းခွဲလိုက်ကြတယ်။ ကိုယ့်လမ်းကိုယ်ပြန်ကြရုံဘဲပေါ့။

ဒါပေမဲ့ ဂျပန်မလေးက တက္ကသိုလ်ကို ပြန်သွားချင်တယ်။ အလာလမ်းကို မမှတ်မိတော့ဘူးဆိုလို့ အင်္ဂါမောင်လဲ လူတတ်လုပ်ပြီး ဂျပန်မလေးနဲ့အတူ တက္ကသိုလ်ကို ပြန်လာခဲ့ပါတယ်။ ဖြောင့်ဖြောင့်တန်းတန်းတော့မဖြစ်ခဲ့ပါဘူး။ လမ်းမှာ နှစ်ခါမေးမြန်းလိုက်ရတယ်။ နောက်တစ်ခါဆိုရင်တော့ မှတ်မိသွားပါပြီ။ ဂျပန်မလေးက ပြောတယ်။ မင်းပါလာလို့ ငါအသက်ရှူချောင်သွားတယ်၊ တစ်ယောက်ထဲဆို ဘယ်လို သွားရမှန်းမသိဘူးတဲ့။

တစ်ခါတစ်ခါတော့လဲ မသိတဲ့သူကို မတတ်တဲ့သူက ဆရာလုပ်ရတာ အရသာရှိတယ်နော်။

..........

Tuesday 7 July 2009

ဓါတ်ပုံလေးတွေ

အပေါ်ပုံလေးကတော့ အင်္ဂါမောင်တို့ စာသင်ရတဲ့ အခန်းလေးပါ။ ဆရာမ မလာခင် ရိုက်ထားတာပါ။ ဆရာမ Catherine Lews သင်ပေးတဲ့ အခန်းလေးဘဲဖြစ်ပါတယ်။ ဒီအခန်းက ဆရာမ Cher Di Boscio သင်ပေးတဲ့အခန်း (ဓါတ်ပုံမရိုက်သေး)ထက် ပိုကျယ်ပါတယ်။




နောက်ကနေ ပြန်ရိုက်ထားပါတယ်။ အိပ်ကလေးနှင့်ရေပုလင်းလေးရှိတဲ့ နေရာကတော့ အင်္ဂါမောင် ထိုင်တဲ့ နေရာလေးဘဲ ဖြစ်ပါတယ်။ဆရာမနှင့် မျက်နှာချင်းဆိုင်တော့ ပိုပြီး မှတ်မိတာပေါ့။




ဆရာမမလာခင် ဆရာမထိုင်ခုံမှာ ထိုင်ပြီး ဓါတ်ပုံရိုက်ထားတာပါ။ လောင်းကုတ်ဝတ်ထားပေမဲ့ စာသင်တဲ့အခါမှာတော့ လောင်းကုတ်ကို ချွတ်ထားပါတယ်။



ဒီစာအုပ်ကို ကျောင်းသားတိုင်းကို တစ်အုပ်စီ ဝေပေးပါတယ်။



ဒီစာအုပ်ကိုလဲ ကျောင်းသားတိုင်းကို တစ်အုပ်စီ ပေးပါတယ်။ စုစုပေါင်း နှစ်အုပ်ရရှိပြီးပါပြီ။

..........

စာစသင်ပြီ

ဒီနေ့ စာတွေ စသင်တယ်။
မနက်ပိုင်း ၁၀ နာရီမှ ၁၂ နာရီထိ အချိန်ကတော့ reading and writing ကို သင်ပေးပါတယ်။ သင်ပေးတဲ့ ဆရာမ နာမည်ကတော့ Cher Di Boscio ဖြစ်ပါတယ်။ ကနေဒီယန်အမျိုးသမီးတစ်ယောက်ပါ။ စာအသင်အပြ ကောင်းပါတယ်။ ခပ်ရွှင်ရွှင်နဲ့သင်ပေးတယ်။ အင်္ဂါမောင်တို့ကိုလဲ အနားမပေးပါဘူး။ Comprehension တွေ လုပ်ခိုင်းတယ်။ Essay ရေးခိုင်းတယ်။ နာရီဝက်အတွင်း စာလုံးရေ အလုံးသုံးရာလောက် ရေးရမယ်တဲ့။ Academic writing လဲ ဖြစ်ရမယ်တဲ့။ ဘုရားရေ။ အင်္ဂါမောင်တစ်ယောက် ချွေးအတော်လေးထွက်သွားတယ်။ Brain-storm-idea တွေ ထုတ်ရတော့တာပေါ့။

နာရီဝက်အတွင်း ရေးပြီးတဲ့အခါမှာ ဆရာမလက်ထဲကို အဖြေလွှာလေး ထည့်ပေးလိုက်တယ်။ ထည့်ပေးရင်း "ဆရာမ၊ ကျနော့်အဖြေကတော့ အမှိုက်သက်သက်ပါဘဲ" လို့ ပြောလိုက်တယ်။ ဆရာမက ပြန်ပြောပါတယ် "ဆရာမ ကျောင်းသားမှန်ရင် အမှိုက်လုံးဝ မဖြစ်ပါဘူး" တဲ့။ အားပေးတဲ့သဘောပါဘဲ။

နေ့လည် ၁၂ နာရီမှ ၁ နာရီထိ အားလပ်ချိန်ပေးပါတယ်။ နေ့လည်စာစားဖို့အတွက်ပါ။ အင်္ဂလန်မှာက ဆရာတော်တွေရဲ့  တွက်ချက်မှုအရ နေ့လည် တစ်နာရီခန့်လောက်မှ မွန်းတည့်ပါတယ်တဲ့။ ဒါကြောင့် အင်္ဂါမောင်တို့အတွက် အဆင်ပြေပါတယ်။

နေ့လည် တစ်နာရီမှာ အတန်းကို ပြန်စပါတယ်။ သင်ပေးတဲ့ဆရာမကတော့ Catherine Lewis ဖြစ်ပါတယ်။
သူတာဝန်ကျတာက Speaking နှင့် Listening ပါ။ အတန်းစတင်တာနဲ့ တစ်ပြိုင်နက် ကျောင်းသား တစ်ယောက်စီကို မိတ်ဆက်ခိုင်းပါတယ်။ စာရွက်ခေါက် ခပ်ကြီးကြီးတစ်ခုစီပေးပြီး ကျောင်းသားတွေရဲ့  နာမည်တွေကို ရေးခိုင်းပါတယ်။ ပြီးတော့ ကိုယ့်ရှေ့ မှာ ကိုယ့်နာမည် စာရွက်ခေါက်ကို ထောင်ထားရပါတယ်။ သူ့အနေနဲ့ ကျောင်းသားတွေရဲ့ နာမည်ကို အလွယ်တကူ ခေါ်ဆိုနိုင်အောင်လို့ပါ။ ကောင်းတဲ့ စနစ်ကလေး တစ်ခုပါဘဲ။

သူဖတ်ပြတာကို နားထောင်ရတယ်။ နားလည်မှုရှိမရှိ တစ်ယောက်ချင်းစီ စစ်တယ်။ ပြီးတော့ အုပ်စုလေးတွေ ခွဲပြီး အချင်းချင်း ဆွေးနွေးခိုင်းတယ်။ ကမ္ဘာကြီးပူနွေးလာမှု၊ အ၀လွန်မှု၊ ဆင်းရဲနုံချာမှု စတဲ့ ခေါင်းစဉ်လေးတွေကို အချင်းချင်း ဆွေးနွေးဖလှယ်ခိုင်းပါတယ်။

ပထမ သုံးယောက်စီ အုပ်စုဖွဲ့တော့ အင်္ဂါမောင်က ထိုင်းသူ၊ ထိုင်ဝမ်သူတွေနှင့် တစ်အုပ်စုထဲကျတယ်။
ဒုတိယ သုံးယောက်စီ အုပ်စုဖွဲ့တဲ့အခါမှာတော့ ဂျာမနီသူ၊ ဂျပန်သူတွေနှင့်အတူ တစ်အုပ်စုထဲ ဖြစ်ပါတယ်။
ပထမ နှစ်ယောက်တစ်အုပ်စု ဖွဲ့တဲ့အခါမှာ အင်္ဂါမောင်နှင့်ဂျာမနီသူ၊ ဒုတိယ နှစ်ယောက်တစ်အုပ်စု ဖွဲ့တဲ့အခါမှာ အင်္ဂါမောင်နှင့်ထိုင်းသူ တစ်အုပ်စုထဲ ကျပါတယ်။ ထိုင်းသူလေးက အင်္ဂလိပ်စာ တော်တော်လေးကို ကောင်းနေတာ တွေ့ရတယ်။

ပျော်ရွင်ကြည်နူးစရာကောင်းသလို စိတ်လှုပ်ရှားစရာလဲ အရမ်းကောင်းပါတယ်။ တစ်ခုခု မှားသွားရင် ဆရာမက တန်းပြီးထောက်ပြတော့တာပါဘဲ။ ဥပမာ၊ မိန်းခလေးတွေဟာ ယောက်ျားလေးတွေထက် အင်္ဂလိပ်စာ တတ်မြောက်တာ ပိုမြန်တယ်ဆိုတဲ့ အဆိုတင်သွင်းချက်ကို အင်္ဂါမောင်က ရာနှုန်းပြည့် ထောက်ခံလိုက်တယ်။
အဲဒါကို ဆရာမက ရာနှုန်းပြည့်ကန့်ကွက်လိုက်ပါတယ်။ မျက်နှာပျက်ချင်စရာကြီး။ ခပ်ရှက်ရှက်နဲ့ဘဲ ခေါင်းငုံ့နေလိုက်ရတယ်။ ဆရာမက ပြောပြတယ်။ အဲဒီလို ဆုံးဖြတ်တာဟာ stereotyping ဘဲတဲ့။ စာမေးပွဲမှာ အဲဒီလို ဖြေရင် အမှတ်လုံးဝမပေးဘူး။ Academic လဲ မဖြစ်ဖူးတဲ့။ သင်ခန်းစာ ယူစရာပါဘဲ။

ဥပမာ
ဂျပန်လူမျိုးတွေ အင်္ဂလိပ်စာ ညံ့တယ်။ မွတ်စလင်တွေ ရက်စက်တယ်။ အမေရိကန်တွေ ၀တယ်။
အဲဒီလိုပုံစံတွေဆိုရင် Stereotyping တွေပါဘဲတဲ့။

အတန်းပြီးတဲ့အခါမှာတော့ ဆရာမပေးခဲ့တဲ့ အိမ်စာလေးတွေ တစ်ပွေ့တစ်ပိုက်နဲ့ဘဲ ပြန်လာခဲ့ရပါတော့တယ်။ မနက်ဖန် မနက်ဖန်တွေ များစွာမှာလဲ ဒီလိုဘဲ သွားလာလှုပ်ရှားနေရပါဦးမယ်။

...

Monday 6 July 2009

လန်ဒန်တက္ကသိုလ် ကျောင်းသား အင်္ဂါမောင်


ဒီနေ့
၂၀၀၉ ခု၊ ဂျူလိုင်လ ၆ ရက်၊ တနင်္လာနေ့။
လန်ဒန်ယူနီဗာစီတီ(Soas)မှာ အင်္ဂါမောင်တစ်ယောက် တက္ကသိုလ် စတက်နေလေပြီ။ တက္ကသိုလ်တက်တယ်ဆိုပေမဲ့ မာစတာတန်းကို တက်ရတာတော့ မဟုတ်သေးပါဘူး။ မာစတာတန်းမတက်ခင် အထူးအင်္ဂလိပ်စာ သင်တန်းအနေနဲ့ 8 week pre-sessional courses ကို တက်ရခြင်းဘဲဖြစ်ပါတယ်။ သင်တန်းကာလကတော့ ဂျူလိုင် ၆ ရက်နေ့မှ သြဂုတ်လ ၂၈ ရက်နေ့အထိ ရှစ်ပတ်တိတိပါ။ သင်တန်းပြီးဆုံးပြီး စက်တင်ဘာလရောက်ရင် မာစတာတန်းကို စတက်ရမှာဖြစ်ပါတယ်။

အင်္ဂလန်နိုင်ငံက တက္ကသိုလ်တိုင်းဟာ post graduate students များအတွက် ielts score အနည်းဆုံး ၇.၀ ရမှ တိုက်ရိုက်တက်ခွင့်ပြုပါတယ်။ ၇.၀ ထက်နည်းတဲ့ ကျောင်းသားများတွေကတော့ တက္ကသိုလ်တက်ချင်ရင် 8 week pre-sessional courses ကို ကြိုတက်ရပါတယ်။

ယေဘုယျအားဖြင့် ၆.၅ ရရင် 4 week pre-seesional courses တက်ရပြီး ၆.၀ ရရင် 8 week pre-sessional courses တက်ရပါတယ်။ အင်္ဂါမောင်လဲ ၆.၀ သာရတဲ့အတွက် 8 week pre-sessional courses တက်ရပါတယ်။ (ဘာသာရပ်အလိုက် ကွဲပြားမှုတော့ရှိနိုင်ပါတယ်)။

ဈေးနှုန်းတွေကတော့ အောက်က အတိုင်းပါဘဲ။
8 week pre-sessional courses tuition fee #2, 380 (accommodation #1, 130)
4 week pre-sessional courses tuition fee # 1, 190 (accomodation #565)
Master fee #12000
.......

အင်္ဂါမောင်ကတော့ accomodation မလိုတဲ့အတွက် ပေါင် ၂၃၈၀ ဘဲ ပေးရပါတယ်။
မာစတာအတွက် ၁၂၀၀၀ နဲ့ပေါင်းလိုက်ရင်တော့ ခပ်ချိချိရယ်။
ဒီကြားထဲ လမ်းစရိတ်က တစ်ရက်ကို ၆ ပေါင်လောက်ဆိုတော့ တစ်နှစ်စာအတွက် စဉ်းစားကြည့်ရင်း ကြက်သီးမွေးညှင်းတောင်ထမိသေးတယ်။ တက်ရမဲ့ရက်က monday to friday ဆိုတော့ ကုန်ကျစရိတ်တော့ မနည်းလှဘူး။

ဒီနေ့က အစနေ့ဆိုတော့ စာမသင်ပေးသေးပါဘူး။ orientatation ဘဲ လုပ်ခဲ့ရတယ်။ တက္ကသိုလ်တစ်လျောက် လိုက်ပြတယ်။ စားသောက်ခန်းတွေကို ညွန်ပြပေးတယ်။ စာကြည့်တိုက်သွားပြီး စာကြည့်တိုက်အသုံးပြုပုံ၊ အင်တာနက် သုံးစွဲပုံ၊ မိတ္တူကူးပုံ၊ ပရင့်ထုတ်ပုံတို့ကို သက်ဆိုင်ရာတွေကတစ်ဆင့် ရှင်းပြစေပါတယ်။

မနက် ၈ နာရီကျော်ကျော်ကနေ အင်္ဂါမောင်တို့ နေရာက ထွက်ခွါသွားလိုက်တာဟာ ညနေ ၅ နာရီကျော်မှဘဲ ပြန်ရောက်လာပါတယ်။

ဒီတစ်နှစ်တော့ ဒီလိုဘဲ နေ့စဉ်နီးပါး နှစ်ပါးသွားရဦးမှာပါဘဲ။

.......

Friday 26 June 2009

စင်တီဂရိတ်နှင့်ဖာရင်ဟိုက်တွက်နည်း

ဤပို့စ်သည်
သိပြီးသူများအတွက် မရွည်ရွယ်ပါ။ ကျွန်ုပ်ကဲ့သို့ မသိရှိသေးသောသူများအတွက် ရည်ရွယ်ပါသည်။


စင်တီဂရိတ်၌ အစိတ် ၁၀၀ ရှိသည်။
ဖာရင်ဟိုက်၌ အစိတ် ၁၈၀ ရှိသည်။

စင်တီဂရိတ်၏ ရေခဲမှတ်သည် သုညဖြစ်ပြီး ရေဆူမှတ်သည် ၁၀၀ ဖြစ်သည်။
ဖာရင်ဟိုက်၏ ရေခဲမှတ်သည် ၃၂ ဖြစ်ပြီး ရေဆူမှတ်သည် ၁၈၀ ဖြစ်သည်။

၁၀၀ နှင့် ၁၈၀ ကို ဂဏန်းအသေးဆုံး အကျုံ့ ဆုံးဖြစ်အောင် (ပြတ်လဲပြတ်အောင်) ပိုင်းနိုင်သော ဂဏန်းသည် ၂၀ ဖြစ်သည်။

၁၀၀ ကို ၂၀ နှင့် ပိုင်းလျင် ၅ ရသည်။
၁၈၀ ကို ၂၀ နှင့် ပိုင်းလျင် ၉ ရသည်။

စင်တီဂရိတ် နှင့် ဖာရင်ဟိုက်သည် ၅ ပိုင်း ၉ ပိုင်းဖြစ်သည်။

ထို့ကြောင့် စင်တီဂရိတ်ကို ဖာရင်ဟိုက်ဖွဲ့လိုလျင်..
၁။ လက်ရှိစင်တီဂရိတ်ကို ၅ နှင့်စားပါ။
၂။ ရလာဒ်ကို ၉ နှင့် မြောက်ပါ။
၃။ ရလာဒ်ကို (ရေခဲမှတ်) ၃၂ နှင့်ပေါင်းပါ။
၎။ ရလာသော ဂဏန်းသည် လက်ရှိဖာရင်ဟိုက်ဖြစ်သွားသည်။

ဥပမာ
၄၀ စင်တီဂရိတ်ကို ဖာရင်ဟိုက် ဘယ်လောက်ရှိသလဲ သိချင်လျင်
၁။ ၄၀ကို ၅ နှင့်စား (ရလာဒ် ၈)။
၂။ ၈ ကို ၉ နှင့်မြောက် (ရလာဒ် ၇၂)။
၃။ ၇၂ ကို (ရေခဲမှတ်) ၃၂ နှင့်ပေါင်း (ရလာဒ် ၁၀၄)။
၎။ ထို့ကြောင့် ၄၀ စင်တီဂရိတ်သည် ဖာရင်ဟိုက် ၁၀၄ ရှိသည်။
.................

အပြန်အားဖြင့်
လက်ရှိဖာရင်ဟိုက်ကို စင်တီဂရိတ်သို့ပြောင်းလိုလျင်
၁။ လက်ရှိဖာရင်ဟိုက်ကို (ရေခဲမှတ်) ၃၂ နှင့်နှုတ်ပါ။
၂။ ၉ နှင့်စားပါ။
၃။ ၅ နှင့်မြောက်ပါ။
၎။ ရလာဒ်သည် လက်ရှိစင်တီဂရိတ်ဖြစ်သည်။

ဥပမာ
ဖာရင်ဟိုက် ၁၀၄ ကို စင်တီဂရိတ် ဘယ်လောက်ရှိလဲ သိချင်လျင်
၁။ (ရေခဲမှတ်) ၃၂ နှင့် နှုတ်ပါ (ရလာဒ် ၇၂)။
၂။ ၉ နှင့်စားပါ (ရလာဒ် ၈)။
၃။ ၅ နှင့် မြောက်ပါ (ရလာဒ် ၄၀)။
၎။ ထို့ကြောင့် ဖာရင်ဟိုက် ၁၀၄ သည် စင်တီဂရိတ် ၄၀ ဖြစ်သည်။
...........
ဤနည်းကို မှီး၍ တွက်လျင် စင်တီဂရိတ်နှင့် ဖာရင်ဟိုက် တွက်ရတာ လွယ်ကူသွားပါမည်။
သို့သော်
စားလို့ မပြတ်သည့် ဂဏန်းများကိုတော့ ဒသမခံပြီး ထပ်စားဖို့လိုသည်။ လုံးဝစားလို့ မပြတ်လျင် အနီးစပ်ဆုံး ကိန်းကို ယူပါ။

ဥပမာ
ဝ.၁၄ (၄ နှင့် ၄အောက်ဖြစ်လျင်) ၀.၁ ဟု မှတ်ယူပြီး
ဝ.၁၅ (၅ နှင့် ၅ အထက်ဖြစ်လျင်) ၀.၂ ဟု မှတ်ယူရပါမည်။


ဝန်ခံချက်
ဤတွက်နည်းကို ကျွန်ုပ်နှင့်အတူပညာတော်သင်ဖြစ်သည့် ဦးတေဇနိယ(ပိဋကတ္တယပါရဂူ၊ ဘီအေ)ထံမှ ရရှိခြင်းဖြစ်ပါသည်။

....

Thursday 4 June 2009

ပညာတော်သင်

အဲဒီနေ့က ထူးထူးခြားခြား နှင်းတွေဝေနေသည်။
နှင်းမြူတို့ဖြင့်ဖုန်းလွှမ်းထားသည့် စွယ်တော်မြတ်စေတီမှ လွင့်ပျံလာသည့် ဆည်းလည်းသံလေးတွေက နားဝင်ပီယံ ဖြစ်လှသည်။ ညီညာစွာ စိုက်ပျိုးထားသည့် ရေတမာပင်ထက်မှ စာကလေးမြည်သံ၊ အဝေးဆီမှ ချိုးငှက်ကူသံ၊ ဥသြတွန်သံ၊ ခိုညီးသံတို့ဖြင့် စတင်လိုက်သည့် နေ့သစ်ကလေးသည် လွန်စွာမှ ကြည်နူးဖွယ် ဖြစ်နေသည်။

လေပြေလေညှင်းလေးတွေ ဆော့ကစားမှုကြောင့် အဆောင်ဘေးရှိ ဗောဓိပင်ပျိုထက်မှ အရွက်အချင်းချင်း ထိခိုက်သံ တရှဲရှဲမြည်သံလေးက ရင်ထဲ တစ်မျိုးအေးမြစေသည်။ အခန်းဝ၌ချိတ်ဆွဲထားသည့် အလှဆင်ဆည်းလည်းသံလေးကလဲ တိတ်ဆိတ်မှုကို အခွင့်မပေးပေ။ တေးသံသာလျက်ပင်ရှိသည်။

မနက်ခင်းရဲ့  အေးမြမှုကို နှစ်သက်စွာ စားသုံးရင်း ကျွန်ုပ်စားကြည့်စားပွဲ၌ ထိုင်လိုက်သည်။ ၁၀ နာရီမှာ အတန်းတစ်တန်းဝင်ရမှာမို့ ကြိုတင်ပြင်ဆင်ဖို့ဖြစ်သည်။ အထောက်အကူပြုစာအုပ်တစ်အုပ်ကို စာအုပ်စင်မှ ဆွဲယူပြီး လှန်လောဖတ်ရှုနေခိုက်..

"အင်္ဂါမောင်ရေ.. သတင်းထူးပါတယ်။ မင်း နိုင်ငံခြားကို ပညာတော်သင်သွားရမယ်။
တကယ့်နိုင်ငံကြီးကို သွားရမှာ
"

အသိမိတ်ဆွေတစ်ယောက် အခန်းထဲလာရောက်ပြီး ဖောက်သည်ချခြင်းဖြစ်သည်။ ဤကဲ့သို့ သတင်းများကို မကြာခဏကြားရတတ်သည်။ လွန်ခဲ့သော သုံးနှစ်ခန့်ကလဲ ကျွန်ုပ်ကို ဂျပန်တက္ကသိုလ်တစ်ခုသို့ ပညာတော်သင်သွားဖို့ဆိုပြီး အသိလာပေးသေးသည်။ ထို့ကြောင့်ကျွန်ုပ် ဂျပန်စကားများကို ကြိုတင်လေ့လာခဲ့သည်။ သို့သော် ထိုအစီအစဉ်သည် နာရီများစွာ၏ ၀ါးမြိုမှုအောက် ၀င်ရောက်ပျောက်ကွယ်သွားခဲ့လေသည်။

ယခု သတင်းသည်လည်း ယခင်အစီအစဉ်ကဲ့သို့ပင် များမကြာမီ မှေးမှိန်သွားလိမ့်မည်ဟု ကျွန်ုပ်ထင်ခဲ့သည်။ ထို့ကြောင့်လည်း ကျွန်ုပ် စိတ်လှုပ်ရှားမှုကင်းစွာဖြင့် အချိန်တွေကို ကျော်ဖြတ်ခဲ့သည်။ သို့သော်.. သို့သော် အိပ်မက်သည် အပြင်၌ လက်တွေ့ဖြစ်သွားခဲ့သည်။ အစည်းအဝေးမကြာမကြာခေါ်သည်။ နိုင်ငံခြား ပညာတော်သင်သွားဖို့ သေချာသွားပြီ။ ကျွန်ုပ်အပါအ၀င် ငါးပါးတိတိ ပညာတော်သင်သွားရမည်။

သွားရမည့်နိုင်ငံက အမေရိကား။ တက္ကသိုလ်က လော့စ်အိမ်ဂျလိမြို့ရှိ တက္ကသိုလ်တစ်ခု။ သွားရမည့်အချိန်က Camp နှစ်လပြီးရင် တစ်ခါတည်းသွားဖို့ဖြစ်သည်။ ဒီလောက်မြန်ဆန်ပြန်တော့လဲ ကျွန်ုပ် တစ်ခုခုကို ကြိုတင်လွမ်းဆွေးနေသယောင်ခံစားရသည်။ နိဗ္ဗာန်သွားရမှာတောင် အိမ်က မယားကို သွားတိုင်ပင်ချင်သေးသည့်သူလို ကျွန်ုပ်သည်လည်း အမေရိကားမသွားခင် အရပ်ပြန်ပြီး မိတ်ဆွေများကို နှုတ်ဆက်ချင်သေးသည်။

၂၀၀၇ ဇန်န၀ါရီလ ၂၂ ရက်နေ့၌ အင်္ဂလိပ်စာ အထူးသင်တန်းအဖြစ် Camp အစီအစဉ်ကို စတင်ခဲ့သည်။ ကမ္ဘာအေးကုန်းမြေ၌ သွားနေထိုင်ရသည်။ Toefl ကို သင်ပေးသည်။ သင်တန်းဆရာများမှာ
၁။ဒေါက်တာ တင်လှိုင်
၂။ဆရာမင်းသန်းသောင်း (အမ်အေ)
၃။ဒေါက်တာ လှမြင့်
၎။ဒေါက်တာ မြင့်လှိုင်
၅။ဒေါက်တာ ကျော်ဇောနိုင် တို့ဖြစ်ကြသည်။

မတ်လ ၃၁ မှာ အထူးသင်တန်းပြီးဆုံးခဲ့သည်။ သို့သော် အကြောင်းအမျိုးမျိုးကြောင့် သင်တန်းပြီးဆုံးချင်း နိုင်ငံခြားမထွက်ခဲ့ရပေ။ အမေရိကား အစီအစဉ်မှ အင်္ဂလန် အစီအစဉ်သို့လဲ ပြောင်းလဲခဲ့ရသည်။ ထို့ကြောင့် ကျွန်ုပ်သည် အမေရိကားသို့ သွားဖို့ အိပ်မက်မက်ခွင့် မရှိတော့ပါ။

၂၀၀၇ ဒီဇင်ဘာနှစ်ဆယ်ရက်နေ့ ညနေခင်း၌ ရန်ကုန်အပြည်ပြည်ဆိုင်ရာ လေဆိပ်မှ TGလေယာဉ်ဖြင့် အင်္ဂလန်သို့ ထွက်ခွါလာခဲ့သည်။ ဘန်ကောက်၌ Transit လုပ်ရသည်။ နောက်တစ်နေ့ မနက် (အင်္ဂလန်စံတော်ချိန်) ၆နာရီခွဲ ခန့်လောက် လန်ဒန် Heathrow လေဆိပ်သို့ ရောက်သည်။ နေထိုင်ရမည့်ကျောင်းသို့ ၇ နာရီကျော်ကျော်၌ ရောက်ရှိသည်။ မနက်စာ အဆင်သင့်ပင်တည်း။

အိပ်မက်ပင် ထည့်၍မမက်ခဲ့ဖူးသည့် လန်ဒန်သို့ ကျွန်ုပ်ရောက်ရှိခဲ့ပြီ။ လန်ဒန်မြေ လန်ဒန်ရာသီဥတု လန်ဒန်သဘာဝတို့ကား ကျွန်ုပ်၏ စိတ်ကို လှုပ်နိုးနိုင်စွမ်းရှိလေယောင်သကား။ ရာသီဥတုကို တွန်းလှန်ပြီး လန်ဒန်မြေနှင့်သဟဇာတဖြစ်အောင် ကြိုးစားကာ ရည်မှန်းချက်ခရီးကို လျောက်လှမ်းရန် ကျွန်ုပ် အားထုတ်ရပေတော့မည်။

.....