၂၂.၁၀.၂၀၁၁ စနေနေ့။
ဒီနှစ် နှစ်ပတ်အတွင်းမှာ ပွဲ နှစ်ပွဲ ကျင်းပတဲ့ ကျောင်းကတော့ လန်ဒန်ဝိဟာရကျောင်းဘဲ ဖြစ်ပါတယ်။ ၁၂.၁၀.၂၀၁၁ ဗုဒ္ဓဟူးနေ့တုန်းက သံဃာ့မဟာပ၀ါရဏာပွဲကြီးကို ကျင်းပပြုလုပ်ခဲ့ပြီး ၂၂.၁၀.၂၀၁၁ စနေနေ့မှာတော့ မဟာဘုံကထိန်ပွဲတော်ကြီးကို ကျင်းပပြုလုပ်ခဲ့ပါတယ်။ ၂၆ ကြိမ်မြောက် ကထိန်ဆိုတော့ ငွေရတုအလွန် ကထိန်ပွဲတော်ကြီးဆိုရင်လဲ မမှားပါဘူး။ အင်္ဂလန်နိုင်ငံရဲ့ ပင်မ မြန်မာဘုန်းတော်ကြီးကျောင်းဖြစ်သည့်အားလျှော်စွာ အင်္ဂလန်နိုင်ငံမှာ သီတင်းသုံးနေထိုင်ကြတဲ့ မြန်မာရဟန်းတော်များအားလုံးကို ပင့်ဖိတ်ပါတယ်။ စာရေးသူလဲ နှစ်စဉ် ကြွလေ့ရှိပါတယ်။
မဟာပ၀ါရဏာပွဲကို အစအဆုံး ဘုန်းတော်ကြီး ကျောင်းဝင်းထဲ ကျင်းပပေမဲ့ ကထိန်ကိုတော့ ကျောင်းအနားရှိ ချပ်ကျောင်းထဲမှာဘဲ ဧည့်ခံပွဲ ကျင်းပပါတယ်။ တရားဟော တရားနာ ရေစက်ချ အကျွေးအမွေး အားလုံး ချပ်ကျောင်းထဲမှာ ကျင်းပပါတယ်။ ကထိန်ခင်းတာကိုသာ ကျောင်းမှာ ပြုလုပ်တာပါ။
လန်ဒန်ဝိဟာရ ကျောင်းတော်ကြီးပါ။
အဲဒီကျောင်းနောက်ဘက်က မြက်ခင်းပြင်ကြီးပါ။ ကျောင်းအပိုင်ပေါ့။
စလောင်းများ တပ်ဆင်ထားတာလားလို့ သွားကြည့်တာ။
လက်စသတ်တော့ အ၀တ်လှန်းရအောင် လုပ်ထားတာတဲ့။
ကထိန်ကျင်းပတဲ့နေရာ ချပ်ကျောင်းကြီးပါ။ ဒါပေမဲ့ အဲဒီအဆောက်အဦထဲမှာ ကျင်းပတာတော့မဟုတ်ပါဘူး။ အဲဒီအဆောက်အဦရဲ့ ဘေးနားမှာ နာဇရီကျောင်းရှိတယ်။ အဲဒီ နာဇရီကျောင်းထဲမှာ ကျင်းပတာပါ။
ပြီးတော့ သံဃာတော်များ ဆွမ်း ဘုဉ်းပေးကြပါတယ်။
နေ့လည် တစ်နာရီလောက်မှာ အခန်းအနားစပါတယ်။ လန်ဒန်ဝိဟာရ ဆရာတော်ကဘဲ တရားချီးမြှင့်ပါတယ်။ တရားဟော အရမ်းကောင်းပါတယ်။ ပြောဟန်ဆိုဟန် အသံနေအသံထား အားလုံး ကောင်းပါတယ်။ ပရိသတ်တွေကော သံဃာတော်တွေကော ဆရာတော်ရဲ့တရားကို အလွန်နှစ်သက်ကြပါတယ်။ ဆရာတော်ရဲ့ပုံကိုတော့ မရိုက်ခဲ့ရတဲ့အတွက် မတင်လိုက်နိုင်ဘူး။ အတူတူ တစ်တန်းထဲ ယှဉ်ထိုင်ရတာဆိုတော့ ဓါတ်ပုံရိုက်ရ ခက်လို့ပါ။
.
အခမ်းအနားအားလုံး ညနေ သုံးနာရီလောက်မှာ ပြီးစီး အောင်မြင်ပါတယ်။ ကထိန်အခမ်းအနားပြီးတော့ သံဃာတော်များအားလုံး ဗုဒ္ဓနေ့အတွက် အစည်းအဝေးပြုလုပ်ကြပါတယ်။ ရက်ရွေးဖို့၊ ဗုဒ္ဓနေ့ မဂ္ဂဇင်းထုတ်ဖို့၊ စာမူများ ရေးပေးကြဖို့ စသဖြင့်ပေါ့။ အဲဒီနောက် သံဃာတော်များ မိမိတို့ ကျောင်းတိုက်အသီးသီးသို့ ပြန်ကြွကြပါတယ်။ စာရေးသူနှင့်သူငယ်ချင်းတစ်ပါးကတော့ အဲဒီကျောင်းမှာ ရဟန်းခံပွဲရှိလို့ ကျောင်းခံ သူငယ်ချင်းတစ်ပါးက ဆက်ခေါ်ထားခဲ့တဲ့အတွက် ရဟန်းခံပွဲပြီးမှဘဲ အဲဒီ လန်ဒန်ဝိဟာရကျောင်းမှ ပြန်လာခဲ့ပါတယ်။
အားလုံး ကိုယ်စိတ်နှလုံး အေးမြသာယာ ရှိကြပါစေ။
.
1 comment:
ဘိလပ်မှာ သာသနာထွန်းကားတာ မြင်ရတော့ ကြည်နူးမိပါဘိ...
Post a Comment