မိုးရာသီမှာ မိုးရွာတာ အပြစ်မဟုတ်၊ ဆောင်းရာသီမှာ နှင်းကျတာ အပြစ်မဟုတ်၊ နွေရာသီမှာ နေပူတာ အပြစ်မဟုတ်။ ဒါကို လက်ခံတယ်။ ဒါပေမဲ့ အင်္ဂါမောင်တို့ နေတဲ့အရပ်မှာ ရာသီမရွေး မိုးရွာနေတယ်။ မိုးရွာရုံသက်သက်ဆို အကြောင်းမဟုတ်၊ အခုတော့ မိုးရွာရင် လေက ပါလာတတ်တယ်။ လေက သာမန်ရိုးရိုးလေမဟုတ်။ အသဲကွဲအောင်၊ အသဲခိုက်အောင်၊ ဘ၀နာအောင် ပြင်းပြင်းထန်ထန်တိုက်တဲ့လေ၊ ဘ၀တစ်ခုလုံး တိုက်စားပစ်မဲ့လေ၊ လောကကြီးတစ်ခုလုံးကို ဂျွန်းထိုးမှောက်ခုံဖြစ်သွားအောင် သိမ့်သိမ့်တုန်စေမဲ့လေတွေရယ်ပါ။ ဒီလေတွေကြားမှာ အင်္ဂါမောင် အတော်လေး အနေရခက်နေတယ်။
အရှေ့ကအနောက်၊ အနောက်ကအရှေ့၊ တောင်ကမြောက်၊ မြောက်ကတောင်၊ အပေါ်ကအောက်၊ အောက်ကအပေါ် ဘက်ပေါင်းစုံကနေပြီး အပြင်းအထန်တိုက်ခတ်နေကြတယ်။ လေထန်ကုန်းမှာ ခြေချခဲ့ဖူးပေမဲ့ အခုလို ရာသီမဲ့တိုက်ခတ်နေတဲ့ လေဒဏ်လောက်တော့ တစ်ခါမှ မခံစားခဲ့ရဖူးပါဘူး။ အတော်လေးကို ဆိုးဝါးလှတဲ့လေပါ။
လေထန်ထန်ကြားထဲမှာ သစ်ပင်ပေါင်းစုံတို့လဲ ရှေ့နောက်တောင်မြောက် ခေါင်းမူးလောက်အောင် ယိမ်းထိုးနေကြလေရဲ့။ အမြစ်မခိုင်တဲ့ သစ်ပင်ငယ်များလဲ လေအားကို မယှဉ်ပြိုင်နိုင်တဲ့အတွက် လေနောက် လိုက်ပါသွားကြရရှာတယ်။ အုပ်စုလိုက် အစာရှာထွက်တဲ့ ငှက်တို့ကလဲ တစ်ကွဲတစ်ပြားစီဖြစ်၊ ရပ်ကွက်ထဲ လူစုပြီး အပြိုင်အဆိုင်လွတ်တင်နေကြတဲ့ စက္ကူစွန်အားလုံးလဲ လေယူရာ ပါသွားကြလေပြီ။ ပတ်ဝန်းကျင်တစ်ခုလုံးလဲ လေဒဏ်ကြောင့် မှိုင်းမှိုင်းမှုန်မှုန် ဖုန်မီးခိုးတွေ နေရာအပြည့်။ ဘယ်နေရာကြည့်ကြည့် ဘယ်ဆီမျှော်မျှော် လေမွှေသွားတဲ့အတွက် ကျက်သရေမဲ့နေကြတယ်။
အဆိုးဆုံးကတော့ အပျံသင်ကာစ ငှက်ငယ်လေးများရဲ့ ဘ၀အခြေအနေပါဘဲ။ အခုမှ လေထုထဲ ဆင်းသက်ခါစဘဲရှိသေးတယ်။ အားယူပြီး တောင်ပံဖြန့်ချီလို့ ထရိန်နင်လုပ်မယ်ကြံကာရှိသေး၊ လေပြင်းအားကြောင့် မိတစ်ကွဲဖတစ်ကွဲ ဖြစ်သွားကြရရှာတယ်။ တော်တော်ကြီးကို ဆိုးဝါးလှတဲ့ လေယုတ်မာသက်သက်ပါဘဲ။
အခုလို မိုးလုံးပြည့်လေတွေကြောင့် လူသားအများစုလဲ ဒုက္ခရောက်ခဲ့ကြရပြီးပြီ။ ပတ်ဝန်းကျင်လဲ ညစ်ညမ်းခဲ့ရပြီးပြီ။ အပေါင်းအဖော်များလဲ ထိခိုက်ခဲ့ရပြီးပြီ။ ကမ္ဘာလောကကြီးလဲ ဒဏ်ရာဒဏ်ချက် ဗလပွနဲ့ ချိနှဲ့နေရရှာပြီ။ ဒါပေမဲ့ လေတွေကတော့ တိုက်ခတ်နေဆဲပါဘဲ။ ဒီလောက် ယုတ်မာပက်စက်လှတဲ့ လေယုတ်မာကိုတောင် အသိဥာဏ်မဲ့စွာ ယုံကြည်ကိုးစားပြီး လေအဟုန်စီးနေတဲ့လူတစ်စုရှိနေတာကိုတော့ ဘယ်လိုဘယ်လို ပြောပြရမှန်းတောင်မသိတော့ပါဘူး။ အံ့ပါရဲ့ဗျာလို့ဘဲ ဆိုလိုက်ချင်တော့တယ်။
စဉ်းစားမိလိုက်တယ်။ ငယ်ငယ်တုန်းက သင်ဖူးခဲ့တဲ့ဖတ်စာထဲက "လေသံလား မြွေသံလား၊ မြွေသတိထားပါ၊ မြွေထိက ဆေးသိရမည်" ဆိုတဲ့ စာသားလေးကို ပြောင်းပြန်လှန်ပစ်လိုက်ရင်ကောင်းမှာဘဲလို့။ ပြောင်းပြန်လှန်လိုက်ရင်တော့ ဒီလိုလေး ဖြစ်သွားမယ်ထင်ပါရဲ့။ "မြွေသံလား လေသံလား လေသတိထားပါ။ လေထိက ဆေးမရှိပေ"။
.
No comments:
Post a Comment