Tuesday 5 October 2010

Meeting or Missing (June 23 2010)

တိုက်တိုက်ဆိုင်ဆိုင် တကယ့်ကို တိုက်တိုက်ဆိုင်ဆိုင်ပါဘဲ။ အဲဒီနေ့ (23.6.10) မှာ စူပါဗိုက်ဆာနဲ့ ချိန်းထားတယ်။ နှစ်ပတ်ကြိုချိန်းထားတာပါ။ အလားတူပါဘဲ။ တိပိဆရာတော်က မြို့ထဲသွားဖို့ အင်္ဂါမောင်တို့ကို ထပ်ချိန်းပြန်တယ်။ သူလဲ သူအားလပ်တဲ့ ရက်ကို ချိန်းဆိုလိုက်တာပါ။ အင်္ဂါမောင့်စူပါဗိုက်ဆာက ထူးခြားရင် မက်ဆေ့ခ်ျပို့ပါလို့ ကြိုတင်တော့ ပြောထားပါတယ်။ ဒါပေမဲ့ နှစ်ပတ်လောက် ကြိုချိန်းထားတာကို မဖျက်ချင်ဘူး။ ဒါနဲ့ အင်္ဂါမောင်က စူပါဗိုက်ဆာဆီ မက်ဆေ့ခ်ျပို့လိုက်တယ်။ ဒီနေ့ လာခဲ့ရမလားပေါ့။ အမှန်က မလာခဲ့နဲ့ အလုပ်ရှုပ်နေတယ်ဆိုတဲ့ အသံကို ကြားချင်နေတာ။ ဒါပေမဲ့ ဆန္ဒ မပြည့်ဝခဲ့ပါဘူး။ လာခဲ့ပါတဲ့။ မှတ်ကရော။

ဆရာတော်က ပါလီမန်အဆောက်အဦထဲရယ်၊ လန်ဒန်အိုင်း စီးဖို့ရယ်၊ သိန်းမြစ်ထဲ သင်္ဘောစီးဖို့ရယ် အစီအစဉ်ဆွဲထားတာပါ။ အင်္ဂါမောင်အသွားချင်ဆုံး နေရာတွေပေါ့။ တကယ်ကို သွားချင်တာ။ ဒါပေမဲ့ ရေရှည်ကို ကြည့်ပြီး ဆရာတော်နှင့်လိုက်သွားမဲ့ အစီအစဉ်ကို ဖျက်လိုက်တယ်။ စူပါဗိုက်ဆာဆီကိုဘဲ သွားလိုက်တယ်။ ဆရာတော်က ကျန်တဲ့ နှစ်ပါးနှင့်အတူ ထွက်သွားတယ်။ 

အင်္ဂါမောင်လဲ စူပါဗိုက်ဆာဆီရောက်ပြီး စာမဆွေးနွေးခင် အင်္ဂါမောင်က ဒီနေ့ ခရီးစဉ်ဖျက်သိမ်းပြီး လာခဲ့ကြောင်း ပြောပြလိုက်တယ်။ ဘာခရီးစဉ်လဲတဲ့။ ပါလီမန် လန်ဒန်အိုင်း သိန်းမြစ် ခရီးစဉ်လို့ ပြောပြတော့ လိုက်သွားလိုက်ရင် ပြီးရောတဲ့။ သူ့ကို မလာနိုင်တဲ့အကြောင်း၊ နောက်နေ့မှ လာတွေ့မယ်ဆိုတဲ့အကြောင်း မက်ဆေ့ခ်ျပို့ခဲ့ရင် ရတယ်တဲ့။ အဲဒီလို ခရီးမျိုးက သွားသင့်တယ်တဲ့။ ကဲဗျာ.. ကဲဗျာ။  အင်္ဂါမောင် မပွင့်လင်းခဲ့တာမှားရောပေါ့။ ပွင့်ပွင့်လင်းလင်း စူပါဗိုက်ဆာကို ပြောပြပြီး နောက်တစ်နေ့မှ သွားတွေ့ရင် သားရွှေအိုး ရကိန်းဘဲ မဟုတ်လား။  စူပါဗိုက်ဆာနဲ့ Meeting ကို ရွေးလိုက်တော့ ခရီးစဉ်က Missing ဖြစ်သွားတော့တာပေါ့။

မှတ်ချက်။ ဇွန်လ ၂၃ ရက်နေ့က ဒရပ်အနေနဲ့ သိမ်းထားခဲ့တဲ့ မှတ်တမ်းလေးပါ။ Publish လုပ်လိုက်တော့ ဘယ်လိုဖြစ်လို့ ထိပ်ဆုံးကို ရောက်လာတယ်မသိ။ ဒါကြောင့် ထိပ်မှာ နေ့စွဲကို ဖော်ပြထားလိုက်ရတယ်။

.

No comments: