မန်လည်ဆရာတော်အမေး မင်းကွန်းအလယ်တောရဆရာတော် အဖြေ
၁။ မေး။
ဆကာမာဘူမိ၊ ကုမာရိနတ်အပျို၊ လူလိုပေတဲ့လား၊
ပွင့်မြဲငယ်မှီ၊ တစ်လလျှင် ကြိမ်အညီပ၊
ချိန်ရာသီပေါ်တဲ့ ပန်းငယ်၊ လန်းပါစလား။
ဖြေ။
ဆကာမာဘူမိ၊ ကုမာရိနတ်အပျို၊ လူလိုပဟုတ်ပဲ၊
ပွင့်မြဲငယ်မှီ၊ ချိန်ရာသီပေါ်တဲ့ ပန်းငယ်၊
လန်းကြမမြဲ။
၂။ မေး။
အပွေပို မဖြေလို စိတ်တော်ရှိပါနှင့်၊ ခင်သိသားမို့၊
နတ်ခြောက်ဆူ ချစ်သွေးနှစ်ကိုယ်မြူတော့၊
ဟိုအမူ လူလိုချင်းပေထင့်၊ သင်းကဘယ်သို့။
ဖြေ။
အပွေပို မဖြေလို စိတ်တော်ရှိပါဘု၊ ကိုယ်သိသားမို့၊
နတ်ခြောက်ဆူ ချစ်သွေးနှစ်ကိုယ်မြူတော့
ဟိုအမူ လူလိုကျင့်တယ်၊ သင်းကဤသို့။
၃။ မေး။
နတ်ခြောက်ဘုံ မောင်နှံစုံ လူလိုရှိတယ်လို့ ခင်သိမူကား မိန့်ပါရှင်၊
နတ်ကလျာ လုံမယ်ခင်တို့၊ လူလိုပင် နှုတ်ငုံပိုက်တယ်၊
သားနို့တိုက်လား။
ဖြေ။
နတ်ခြောက်ဘုံ မောင်နှံစုံ လူလိုရှိသည်ဟု မှန်ဘိမယွင်း မိန့်လိုက်ပြီ၊
နတ်ကလျာ မယ်ဒေ၀ီတို့ ၊
နှုတ်ငုံချီ လွယ်မပိုက်တယ်၊
သားနို့တိုက်ကင်း။ ။
မှတ်ချက်။
အမရပူရမဟာဂန္ဓာရုံဆရာတော်၏ ကိုယ်ကျင့်အဘိဓမ္မာ စာမျက်နှာ ၃၀၈ မှ ကူးယူထားပါသည်။
.
No comments:
Post a Comment