ဆေးရုံမှာ ဆေးစစ်ပြီးတော့ လန်ဒန်ယူနီဗာစီတီကို သွားလိုက်တယ်။ ဗီဇာသက်တမ်းတိုးထားတဲ့ အိုင်ဒီကပ်နှင့် ပတ်စ်ပို့စ်သွားယူတာပါ။ ဗီဇာတင်ကထဲက တက္ကသိုလ်လိပ်စာနဲ့ တင်လိုက်တာပါ။ ပိုပြီးစိတ်ချရအောင်ပေါ့။ ကိုယ့်ဖာသာတင်ရင် နဲနဲကြာတတ်လို့။
ယူကေဗီဇာဋ္ဌာနကလဲ ကပ်စေးနှဲလိုက်တာ။ ရက်အများကြီးမပေးဘူး။ ကျောင်းပြီးတာနဲ့ ဗီဇာက ကုန်ပြီ။ ၅ လလောက်ဘဲပေးတယ်။ နိုဝင်ဘာ ၁၅ ရက်နေ့ဆို သက်တမ်းက ကုန်ပြီလေ။ ပီအိပ်ခ်ျဒီကိစ္စ အဆင်မချောရင် စောစောမြန်မာပြန်ရမဲ့ အခြေအနေပါဘဲ။ ပီအိပ်ခ်ျဒီကိစ္စ အဆင်ပြေပြန်ရင်လဲ ရှေ့ သုံးလကျော်ရင် သက်တမ်း ထပ်တိုးပြန်ရတော့မယ်။ သူတို့ ပိုက်ဆံယူတဲ့နည်းက ပိရိတယ်။ လူပိုတွေကို တင်ကျွေးထားသမျှ ကျောင်းသားတွေဆီက ပိုက်ဆံတွေကိုဘဲ ရသမျှနည်းနဲ့ လှည့်ယူတော့တာပါဘဲ။
ဘာဘဲဖြစ်ဖြစ်လေ ဗီဇာရပြီဆိုတော့ နဲနဲတော့ စိတ်အေးပြန်ရတာပေါ့။ မရသေးရင် သူ့ကို မျှော်နေရတာနဲ့ ဘာမှ သိပ်မလုပ်ဖြစ်သလိုလိုဖြစ်နေတယ်။ အမှန်က အကြောင်းပြပြီး ပျင်းနေတာပါ။ သူတို့ကိစ္စသူတို့လုပ်နေတဲ့အခါ ကိုယ့်ကိစ္စကိုယ်လုပ်နေရင်လဲ ရနေတာပါဘဲ။ ဆိုရိုးစကားလေးတစ်ခုရှိတယ်။ ဓါးကောင်းကောင်းလိုချင်ရင် ခဏခဏသွေးပေးရတယ်တဲ့။ ဒီအတိုင်းပါဘဲ ဦးဏှောက်ကောင်းကောင်း အလုပ်လုပ်စေချင်ရင် ခဏခဏသွေးပေးဖို့လိုတယ်။ သွေးရဦးမယ်။
ပီအိပ်ခ်ျဒီအတွက် စဉ်းစားထားပေမဲ့လဲ မာစတာက အပြီးအပြတ်ပြီးသေးတာမဟုတ်ဘူး။ ဒက်ဇာတေးရှင်း ကျန်သေးတယ်။ စာလုံးရေ တစ်သောင်းတဲ့။ စက်တင်ဘာ ၁၅ ရက်နေ့မှာ တင်ရမှာ။ အဲဒီနေ့ဟာ ဒက်တ်လိုင်းနေ့လေ။ အခုဆိုရင် ပီအိပ်ခ်ျဒီ ပရိုပို့ဇယ်အတွက် ဦးဏှောက်အလုပ်လုပ်ရ၊ မာစတာဒက်ဇာတေးရှင်းအတွက် စဉ်းစားရနဲ့ ဦးဏှောက်တော့ တော်တော်ပူနေပြီ။ အရေးထဲ ကမ္ဘာ့ဖလားပွဲက ရှိနေလေတော့ မျက်စိကတော့ ခပ်ကျိန်းကျိန်းရယ်။ ဘယ်လိုအခြေအနေမှာဘဲ ဖြစ်ဖြစ် လုပ်စရာရှိတာကတော့ ဆက်လုပ်နေရဦးမှာပါဘဲ။
...
